ਰਿਆਦ ਮੈਥਿਊ ਸਰਬਸੰਮਤੀ ਨਾਲ ਚੁਣੇ ਗਏ ਆਡਿਟ ਬਿਊਰੋ ਆਫ ਸਰਕੂਲੇਸ਼ਨ ਦੇ ਨਵੇਂ ਚੇਅਰਮੈਨ

ਨਵੀਂ ਦਿੱਲੀ (ਭਾਸ਼ਾ) : ਮਲਿਆਲਾ ਮਨੋਰਮਾ ਸਮੂਹ ਦੇ ਮੁੱਖ ਐਸੋਸੀਏਟ ਸੰਪਾਦਕ ਅਤੇ ਨਿਰਦੇਸ਼ਕ ਰਿਆਦ ਮੈਥਿਊ ਨੂੰ 2024-25 ਲਈ ਸਰਬਸੰਮਤੀ ਨਾਲ ਆਡਿਟ ਬਿਊਰੋ ਆਫ ਸਰਕੂਲੇਸ਼ਨ (ਏਬੀਸੀ) ਦਾ ਚੇਅਰਮੈਨ ਚੁਣਿਆ ਗਿਆ ਹੈ। ਸੰਗਠਨ ਨੇ ਬੁੱਧਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ਮੈਥਿਊ ਅਗਸਤ 2009 ਤੋਂ ਪ੍ਰੈਸ ਟਰੱਸਟ ਆਫ ਇੰਡੀਆ (ਪੀ. ਟੀ. ਆਈ.) ਦੇ ਬੋਰਡ ਵਿਚ ਵੀ ਡਾਇਰੈਕਟਰ ਹਨ। ਉਹ 2016-17 ਲਈ ਪੀਟੀਆਈ ਬੋਰਡ ਦੇ ਚੇਅਰਮੈਨ ਸਨ। 

ਏਬੀਸੀ ਦੇ ਬਿਆਨ ਵਿਚ ਕਿਹਾ ਗਿਆ ਹੈ ਕਿ ਆਈਟੀਸੀ ਲਿਮਟਿਡ ਦੇ ਕਰੁਨੇਸ਼ ਬਜਾਜ, ਜੋ ਏਬੀਸੀ ਕੌਂਸਲ ਵਿਚ ਵਿਗਿਆਪਨਕਰਤਾਵਾਂ/ਗਾਹਕਾਂ ਦੀ ਨੁਮਾਇੰਦਗੀ ਕਰਦੇ ਹਨ, ਨੂੰ ਸਰਬਸੰਮਤੀ ਨਾਲ ਬਿਊਰੋ ਦਾ ਉਪ-ਚੇਅਰਮੈਨ ਚੁਣਿਆ ਗਿਆ। ਕੌਂਸਲ ਵਿਚ ਪ੍ਰਕਾਸ਼ਕ ਮੈਂਬਰਾਂ ਦੀ ਨੁਮਾਇੰਦਗੀ ਕਰਨ ਵਾਲੇ ਬੇਨੇਟ ਕੋਲਮੈਨ ਐਂਡ ਕੰਪਨੀ ਲਿਮਟਿਡ ਦੇ ਮੋਹਿਤ ਜੈਨ ਨੂੰ ਸਰਬਸੰਮਤੀ ਨਾਲ ਮੁੜ ਸਕੱਤਰ ਚੁਣਿਆ ਗਿਆ। ਸਕਾਲ ਪੇਪਰਜ਼ ਪ੍ਰਾਈਵੇਟ ਲਿਮਟਿਡ ਦੇ ਪ੍ਰਤਾਪ ਜੀ ਪਵਾਰ, ਜਾਗਰਣ ਪ੍ਰਕਾਸ਼ਨ ਲਿਮਟਿਡ ਦੇ ਸ਼ੈਲੇਸ਼ ਗੁਪਤਾ, ਐੱਚਟੀ ਮੀਡੀਆ ਲਿਮਟਿਡ ਦੇ ਪ੍ਰਵੀਨ ਸੋਮੇਸ਼ਵਰ, ਏਬੀਪੀ ਪ੍ਰਾਈਵੇਟ ਲਿਮਟਿਡ ਦੇ ਧਰੁਬ ਮੁਖਰਜੀ, ਲੋਕਮਤ ਮੀਡੀਆ ਪ੍ਰਾਈਵੇਟ ਲਿਮਟਿਡ ਦੇ ਕਰਨ ਦਰਡਾ ਅਤੇ ਡੀਬੀ ਕਾਰਪੋਰੇਸ਼ਨ ਲਿਮਟਿਡ ਦੇ ਗਿਰੀਸ਼ ਅਗਰਵਾਲ ਬਿਊਰੋ ਲਈ ਚੁਣੇ ਗਏ ਹਨ।
 
ਮੈਥਿਊ ਨੇ ਮਈ 2023 ਤੱਕ ਵਿਆਨਾ-ਅਧਾਰਤ ਇੰਟਰਨੈਸ਼ਨਲ ਪ੍ਰੈੱਸ ਇੰਸਟੀਚਿਊਟ (ਆਈਪੀਆਈ) ਦੇ ਬੋਰਡ ਮੈਂਬਰ ਵਜੋਂ ਸੇਵਾ ਕੀਤੀ ਅਤੇ ਹੁਣ ਉਹ ਆਈਪੀਆਈ ਇੰਡੀਆ ਦੇ ਚੇਅਰਮੈਨ ਹਨ। ਉਹ ਮੀਡੀਆ ਰਿਸਰਚ ਯੂਜ਼ਰਸ ਕੌਂਸਲ (MRUC) ਦੇ ਬੋਰਡ ਆਫ ਡਾਇਰੈਕਟਰਜ਼ ਅਤੇ ਬੋਰਡ ਆਫ ਐਸੋਸੀਏਸ਼ਨ ਆਫ ਇੰਡੀਅਨ ਮੈਗਜ਼ੀਨਜ਼ (AIM) ਦੇ ਮੈਂਬਰ ਵੀ ਰਹੇ ਹਨ। ਮੈਥਿਊ ਨੇ ਮੈਰੀਲੈਂਡ ਯੂਨੀਵਰਸਿਟੀ ਤੋਂ ਪੱਤਰਕਾਰੀ ਵਿਚ ਮਾਸਟਰ ਦੀ ਡਿਗਰੀ ਕੀਤੀ ਹੈ ਅਤੇ ਉਨ੍ਹਾਂ ਨੇ ਵਾਸ਼ਿੰਗਟਨ ਪੋਸਟ, ਦ ਵਾਸ਼ਿੰਗਟਨ ਟਾਈਮਜ਼ ਅਤੇ ਕੈਪੀਟਲ ਨਿਊਜ਼ ਸਰਵਿਸ ਤੋਂ ਸਿਖਲਾਈ ਪ੍ਰਾਪਤ ਕੀਤੀ ਹੈ। ਮਲਿਆਲਾ ਮਨੋਰਮਾ ਸਮੂਹ ਕੋਲ ਪੰਜ ਭਾਸ਼ਾਵਾਂ ਵਿਚ 40 ਤੋਂ ਵੱਧ ਪ੍ਰਕਾਸ਼ਨ ਹਨ ਅਤੇ ਟੈਲੀਵਿਜ਼ਨ, ਰੇਡੀਓ, ਸੰਗੀਤ ਅਤੇ ਸਾਈਬਰਸਪੇਸ ਵਿਚ ਵੀ ਇਸ ਦੀ ਮੌਜੂਦਗੀ ਹੈ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8