ਦਿੱਲੀ ਹਿੰਸਾ 'ਤੇ ਰਣਜੀਤ ਚੌਟਾਲਾ ਨੇ ਦਿੱਤਾ ਇਤਰਾਜ਼ਯੋਗ ਬਿਆਨ
02/27/2020 4:57:41 PM
ਚੰਡੀਗੜ੍ਹ—ਇੱਕ ਪਾਸੇ ਜਿੱਥੇ ਦਿੱਲੀ 'ਚ ਹਿੰਸਾ ਹੋਣ ਕਾਰਨ ਬਵਾਲ ਮਚਿਆ ਹੋਇਆ ਹੈ, ਉੱਥੇ ਹੀ ਦੂਜੇ ਪਾਸੇ ਹਰਿਆਣਾ ਸਰਕਾਰ ਦੇ ਭਾਜਪਾ ਨੇਤਾ ਰਣਜੀਤ ਚੌਟਾਲਾ ਨੇ ਇਸ 'ਤੇ ਇਤਰਾਜ਼ਯੋਗ ਬਿਆਨ ਦੇ ਕੇ ਹੈਰਾਨ ਕਰ ਦਿੱਤਾ ਹੈ। ਦੱਸ ਦੇਈਏ ਕਿ ਰਣਜੀਤ ਸਿੰਘ ਚੌਟਾਲਾ ਨੇ ਕਿਹਾ ਹੈ, ''ਇਸ ਤਰ੍ਹਾ ਦੀ ਹਿੰਸਾ ਜ਼ਿੰਦਗੀ ਦਾ ਹਿੱਸਾ ਹੈ।' ਉਨ੍ਹਾਂ ਨੇ ਕਿਹਾ, ''ਦੰਗੇ ਤਾਂ ਹੁੰਦੇ ਹੀ ਰਹਿੰਦੇ ਹਨ, ਪਹਿਲਾਂ ਵੀ ਹੁੰਦੇ ਰਹੇ, ਅਜਿਹਾ ਨਹੀਂ ਹੈ, ਜਦੋਂ ਇੰਦਰਾ ਗਾਂਧੀ ਦੀ ਹੱਤਿਆ ਹੋਈ ਤਾਂ ਪੂਰੀ ਦਿੱਲੀ ਸੜ੍ਹਦੀ ਰਹੀ, ਇਹ ਤਾਂ ਜ਼ਿੰਦਗੀ ਦਾ ਹਿੱਸਾ ਹੈ,ਜੋ ਹੁੰਦੇ ਰਹਿੰਦੇ ਹਨ,ਉਨ੍ਹਾਂ ਨੇ ਅੱਗੇ ਕਿਹਾ ਕਿ ਸਰਕਾਰ ਇਸ ਮਾਮਲੇ 'ਚ ਜਲਦੀ ਕੰਟਰੋਲ ਕਰ ਰਹੀ ਹੈ।''
#WATCH Haryana Minister Ranjit Chautala on #DelhiViolence: Dange toh hote rahe hain. Pehle bhi hote rahe hain, aisa nahi hai. Jab Indira Gandhi ka assassination hua, toh puri Delhi jalti rahi. Yeh toh part of life hai, jo hote rehte hain. pic.twitter.com/b2zeJRbfmp
— ANI (@ANI) February 27, 2020
ਦੱਸਣਯੋਗ ਹੈ ਕਿ ਰਣਜੀਤ ਚੌਟਾਲਾ ਨੇ ਇਹ ਬਿਆਨ ਅਜਿਹੇ ਸਮੇਂ ਦਿੱਤਾ ਹੈ, ਜਦੋਂ ਦਿੱਲੀ 'ਚ ਹਿੰਸਾ ਕਾਰਨ ਬਵਾਲ ਮੱਚਿਆ ਹੋਇਆ ਹੈ ਅਤੇ ਇਸ ਦੌਰਾਨ ਹੁਣ ਤੱਕ 34 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ ਅਤੇ ਲਗਭਗ 200 ਲੋਕ ਜ਼ਖਮੀ ਹੋ ਚੁੱਕੇ ਹਨ। ਦਿੱਲੀ ਦੇ ਉੱਤਰ-ਪੂਰਬੀ ਦਿੱਲੀ ਦਾ ਜਾਫਰਾਬਾਦ, ਗੋਕੁਲਪੁਰੀ, ਮੌਜਪੁਰ, ਸੀਲਮਪੁਰ ਆਦਿ ਇਲਾਕਿਆਂ 'ਚ ਹਿੰਸਾ ਦੀ ਇਹ ਘਟਨਾਵਾਂ ਹੋਈਆਂ।