ਰੇਲਵੇ ਦਾ ਵੱਡਾ ਐਕਸ਼ਨ! ਇੱਕੋ ਝਟਕੇ 'ਚ ਬੰਦ ਕੀਤੇ ਕਰੋੜਾਂ IRCTC ਖਾਤੇ

ਨੈਸ਼ਨਲ ਡੈਸਕ : ਰੇਲਵੇ ਮੰਤਰੀ ਅਸ਼ਵਿਨੀ ਵੈਸ਼ਨਵ ਨੇ ਲੋਕ ਸਭਾ ਵਿੱਚ ਟਿਕਟਿੰਗ ਪ੍ਰਣਾਲੀ ਨੂੰ ਲੈ ਕੇ ਅਹਿਮ ਜਾਣਕਾਰੀ ਸਾਂਝੀ ਕੀਤੀ ਹੈ। ਰੇਲਵੇ ਨੇ ਟਿਕਟਾਂ ਦੀ ਦਲਾਲੀ ਅਤੇ ਫਰਜ਼ੀ ਬੁਕਿੰਗ 'ਤੇ ਲਗਾਮ ਲਗਾਉਣ ਲਈ ਇੱਕ ਵੱਡਾ ਅਭਿਆਨ ਚਲਾਇਆ ਹੈ, ਜਿਸ ਤਹਿਤ ਸਾਲ 2025 ਵਿੱਚ ਲਗਭਗ 3.04 ਕਰੋੜ ਫਰਜ਼ੀ ਯੂਜ਼ਰ ਆਈਡੀਜ਼ (IDs) ਨੂੰ ਬੰਦ ਕਰ ਦਿੱਤਾ ਗਿਆ ਹੈ। ਇਸ ਤੋਂ ਇਲਾਵਾ, 2.94 ਕਰੋੜ ਖਾਤਿਆਂ ਨੂੰ ਅਸਥਾਈ ਤੌਰ 'ਤੇ ਮੁਅੱਤਲ (Suspend) ਕੀਤਾ ਗਿਆ ਹੈ, ਜਿਨ੍ਹਾਂ ਵਿੱਚੋਂ ਬਾਅਦ ਵਿੱਚ 1.80 ਲੱਖ ਖਾਤੇ ਮੁੜ ਚਾਲੂ ਕੀਤੇ ਗਏ ਹਨ।

ਸਰਕਾਰ ਨੇ ਟਿਕਟ ਬੁਕਿੰਗ ਵਿੱਚ ਪਾਰਦਰਸ਼ਤਾ ਵਧਾਉਣ ਲਈ ਨਵੇਂ ਨਿਯਮ ਲਾਗੂ ਕੀਤੇ ਹਨ। 1 ਜੁਲਾਈ 2025 ਤੋਂ ਤਤਕਾਲ ਟਿਕਟਾਂ ਸਿਰਫ਼ ਉਹੀ ਯੂਜ਼ਰਸ ਬੁੱਕ ਕਰ ਸਕਣਗੇ ਜਿਨ੍ਹਾਂ ਦਾ ਆਧਾਰ ਵੈਰੀਫਾਈਡ (Aadhaar Verified) ਹੋਵੇਗਾ। ਇਸ ਦੇ ਨਾਲ ਹੀ, ਜਨਰਲ ਰਿਜ਼ਰਵੇਸ਼ਨ ਖੁੱਲ੍ਹਣ ਦੇ ਪਹਿਲੇ ਦਿਨ ਵੀ ਆਨਲਾਈਨ ਟਿਕਟਿੰਗ ਸਿਰਫ਼ ਆਧਾਰ ਪ੍ਰਮਾਣਿਤ ਯੂਜ਼ਰਸ ਲਈ ਹੀ ਉਪਲਬਧ ਹੋਵੇਗੀ। ਹਾਲਾਂਕਿ, ਜਿਨ੍ਹਾਂ ਯੂਜ਼ਰਸ ਨੇ ਹਾਲੇ ਤੱਕ ਆਧਾਰ ਲਿੰਕ ਨਹੀਂ ਕੀਤਾ, ਉਨ੍ਹਾਂ ਦੇ ਖਾਤੇ ਬੰਦ ਨਹੀਂ ਕੀਤੇ ਗਏ ਹਨ।

88% ਟਿਕਟਾਂ ਹੁਣ ਹੋ ਰਹੀਆਂ ਹਨ ਆਨਲਾਈਨ
 ਰੇਲਵੇ ਮੰਤਰੀ ਅਨੁਸਾਰ, ਦੇਸ਼ ਵਿੱਚ ਹੁਣ 88% ਰਿਜ਼ਰਵ ਰੇਲਵੇ ਟਿਕਟਾਂ ਆਨਲਾਈਨ ਬੁੱਕ ਹੋ ਰਹੀਆਂ ਹਨ, ਜੋ ਕਿ ਡਿਜੀਟਲ ਪਲੇਟਫਾਰਮ ਦੀ ਵਧਦੀ ਪ੍ਰਸਿੱਧੀ ਨੂੰ ਦਰਸਾਉਂਦਾ ਹੈ। ਸਾਲ 2025-26 ਦੇ ਅੰਕੜਿਆਂ (ਫਰਵਰੀ ਤੱਕ) ਮੁਤਾਬਕ, 48.25 ਕਰੋੜ ਟਿਕਟਾਂ ਆਨਲਾਈਨ ਬੁੱਕ ਹੋਈਆਂ, ਜਦਕਿ ਕਾਊਂਟਰ ਤੋਂ ਸਿਰਫ਼ 6.15 ਕਰੋੜ ਟਿਕਟਾਂ ਹੀ ਲਈਆਂ ਗਈਆਂ। ਇਸ ਸਿਸਟਮ ਨੂੰ ਬਿਹਤਰ ਬਣਾਉਣ ਅਤੇ ਅਪਗ੍ਰੇਡ ਕਰਨ ਲਈ IRCTC ਇੱਕ ਮਾਮੂਲੀ ਕਨਵੀਨੀਅੰਸ ਫੀਸ ਵੀ ਲੈਂਦਾ ਹੈ।

ਐਂਟੀ-ਬੋਟ ਤਕਨੀਕ ਨਾਲ ਸ਼ੱਕੀ ਟ੍ਰੈਫਿਕ 'ਤੇ ਲਗਾਮ
ਰੇਲਵੇ ਨੇ ਟਿਕਟਾਂ ਦੀ ਧਾਂਦਲੀ ਰੋਕਣ ਲਈ ਅਤਿ-ਆਧੁਨਿਕ ਤਕਨੀਕਾਂ ਦਾ ਸਹਾਰਾ ਲਿਆ ਹੈ। ਵੈੱਬਸਾਈਟ 'ਤੇ 'ਐਂਟੀ-ਬੋਟ' ਤਕਨੀਕ ਦੀ ਵਰਤੋਂ ਕਰਕੇ 64% ਸ਼ੱਕੀ ਟ੍ਰੈਫਿਕ ਨੂੰ ਰੋਕਿਆ ਗਿਆ ਹੈ। ਇਸ ਤੋਂ ਇਲਾਵਾ, ਰੇਲਵੇ ਨੇ 13,023 ਸ਼ੱਕੀ ਈ-ਮੇਲ ਡੋਮੇਨਾਂ ਨੂੰ ਬਲਾਕ ਕੀਤਾ ਹੈ ਅਤੇ 4.07 ਲੱਖ ਸ਼ੱਕੀ PNR ਦੀ ਪਛਾਣ ਕੀਤੀ ਹੈ, ਜਿਨ੍ਹਾਂ ਸਬੰਧੀ ਸਾਈਬਰ ਕ੍ਰਾਈਮ ਪੋਰਟਲ 'ਤੇ 408 ਸ਼ਿਕਾਇਤਾਂ ਦਰਜ ਕੀਤੀਆਂ ਗਈਆਂ ਹਨ। ਮੰਤਰਾਲੇ ਨੇ ਸਪੱਸ਼ਟ ਕੀਤਾ ਹੈ ਕਿ ਵੇਟਿੰਗ ਟਿਕਟ ਕੈਂਸਲ ਕਰਨ 'ਤੇ ਲੱਗਣ ਵਾਲਾ 'ਕਲਰਕੇਜ ਚਾਰਜ' ਪਹਿਲਾਂ ਵਾਂਗ ਹੀ ਲਾਗੂ ਰਹੇਗਾ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

Whatsapp Channel: https://whatsapp.com/channel/0029Va94hsaHAdNVur4L170e