ਭਾਰਤੀ ਡਾਕ ਵਿਭਾਗ ਦਾ ਵੱਡਾ ਧਮਾਕਾ! ਹੁਣ 24 ਘੰਟਿਆਂ 'ਚ ਮਿਲੇਗਾ ਪਾਰਸਲ, ਦੇਰੀ 'ਤੇ ਵਾਪਸ ਹੋਣਗੇ ਪੈਸੇ

ਨਵੀਂ ਦਿੱਲੀ: ਭਾਰਤੀ ਡਾਕ ਸੇਵਾ (India Post) ਆਪਣੇ ਇਤਿਹਾਸ ਵਿੱਚ ਇੱਕ ਕ੍ਰਾਂਤੀਕਾਰੀ ਬਦਲਾਅ ਕਰਨ ਜਾ ਰਹੀ ਹੈ। ਆਉਣ ਵਾਲੀ 17 ਮਾਰਚ, 2026 ਤੋਂ ਡਾਕ ਵਿਭਾਗ ਆਪਣੀ ਪ੍ਰੀਮੀਅਮ ਸੇਵਾ '24 Speed Post' ਦਾ ਆਗਾਜ਼ ਕਰਨ ਜਾ ਰਿਹਾ ਹੈ। ਇਸ ਇਤਿਹਾਸਕ ਸੇਵਾ ਦਾ ਉਦਘਾਟਨ ਦਿੱਲੀ ਦੇ ਆਕਾਸ਼ਵਾਣੀ ਭਵਨ ਵਿਖੇ ਕੇਂਦਰੀ ਸੰਚਾਰ ਮੰਤਰੀ ਜਯੋਤਿਰਦਿੱਤਿਆ ਸਿੰਧੀਆ ਅਤੇ ਰਾਜ ਮੰਤਰੀ ਡਾ. ਚੰਦਰ ਸ਼ੇਖਰ ਪੇਮਾਸਾਨੀ ਦੁਆਰਾ ਦੁਪਹਿਰ 12:30 ਵਜੇ ਕੀਤਾ ਜਾਵੇਗਾ।

ਅਗਲੇ ਦਿਨ ਡਿਲੀਵਰੀ ਦੀ ਗਾਰੰਟੀ
ਇਸ ਨਵੀਂ ਪਹਿਲ ਦੀ ਸਭ ਤੋਂ ਵੱਡੀ ਵਿਸ਼ੇਸ਼ਤਾ 'ਅਗਲੇ ਦਿਨ ਡਿਲੀਵਰੀ' ਦੀ ਅਟੁੱਟ ਗਾਰੰਟੀ ਹੈ। ਵਿਭਾਗ ਨੇ ਯਕੀਨੀ ਬਣਾਇਆ ਹੈ ਕਿ ਜੇਕਰ ਕੋਈ ਗਾਹਕ ਅੱਜ ਆਪਣਾ ਪਾਰਸਲ ਬੁੱਕ ਕਰਦਾ ਹੈ, ਤਾਂ ਉਸਨੂੰ ਅਗਲੇ ਦਿਨ ਹੀ ਉਸਦੀ ਮੰਜ਼ਿਲ 'ਤੇ ਪਹੁੰਚਾ ਦਿੱਤਾ ਜਾਵੇਗਾ। ਇਸ ਦੇ ਨਾਲ ਹੀ '48 Speed Post' ਸੇਵਾ ਵੀ ਪੇਸ਼ ਕੀਤੀ ਜਾ ਰਹੀ ਹੈ, ਜੋ ਕ੍ਰਮਵਾਰ D+1 (ਅਗਲੇ ਦਿਨ) ਅਤੇ D+2 (ਦੂਜੇ ਦਿਨ) ਦੀ ਨਿਸ਼ਚਿਤ ਸਮਾਂ-ਸੀਮਾ 'ਚ ਕੰਮ ਕਰੇਗੀ।

This isn’t about counting days.

Waiting for a new chapter in delivery, starting 17 March.

#BigReveal #SomethingBig #IndiaPost #DeliveryServices #DakSewaJanSewa #ComingSoon #Countdown #StayTuned pic.twitter.com/bINwebTihV

— India Post (@IndiaPostOffice) March 16, 2026

ਸ਼ੁਰੂਆਤੀ ਪੜਾਅ 'ਚ 6 ਮਹਾਨਗਰ ਸ਼ਾਮਲ
ਇਹ ਵਿਸ਼ੇਸ਼ ਸਹੂਲਤ ਸ਼ੁਰੂਆਤੀ ਤੌਰ 'ਤੇ ਦੇਸ਼ ਦੇ ਛੇ ਪ੍ਰਮੁੱਖ ਮਹਾਨਗਰਾਂ-ਦਿੱਲੀ, ਮੁੰਬਈ, ਚੇਨਈ, ਕੋਲਕਾਤਾ, ਬੈਂਗਲੁਰੂ ਅਤੇ ਹੈਦਰਾਬਾਦ-'ਚ ਉਪਲਬਧ ਹੋਵੇਗੀ। ਇਨ੍ਹਾਂ ਸ਼ਹਿਰਾਂ ਵਿਚਕਾਰ ਕੂਰੀਅਰ ਨੂੰ ਤੇਜ਼ੀ ਨਾਲ ਪਹੁੰਚਾਉਣ ਲਈ ਵਿਸ਼ੇਸ਼ 'ਪ੍ਰੋਸੈਸਿੰਗ ਵਿੰਡੋ' ਅਤੇ ਤਰਜੀਹੀ ਹਵਾਈ ਮਾਰਗਾਂ ਦੀ ਚੋਣ ਕੀਤੀ ਗਈ ਹੈ।

ਹਾਈ-ਟੈਕ ਸਹੂਲਤਾਂ ਤੇ ਮਨੀ-ਬੈਕ ਗਾਰੰਟੀ
ਸੁਰੱਖਿਆ ਦੇ ਲਿਹਾਜ਼ ਨਾਲ, ਇਸ ਸੇਵਾ 'ਚ OTP ਆਧਾਰਿਤ ਸੁਰੱਖਿਅਤ ਡਿਲੀਵਰੀ, SMS ਰਾਹੀਂ ਪਲ-ਪਲ ਦੀ ਟ੍ਰੈਕਿੰਗ ਅਤੇ API ਇੰਟੀਗ੍ਰੇਸ਼ਨ ਵਰਗੀਆਂ ਸਹੂਲਤਾਂ ਮਿਲਣਗੀਆਂ। ਵਪਾਰਕ ਗਾਹਕਾਂ ਲਈ 'Book Now Pay Later' (BNPL) ਅਤੇ ਮੁਫ਼ਤ ਪਿਕਅੱਪ ਦੀ ਸਹੂਲਤ ਵੀ ਦਿੱਤੀ ਗਈ ਹੈ।

ਸਭ ਤੋਂ ਮਹੱਤਵਪੂਰਨ ਗੱਲ ਇਹ ਹੈ ਕਿ ਜੇਕਰ ਵਿਭਾਗ ਨਿਰਧਾਰਤ ਸਮੇਂ ਦੇ ਅੰਦਰ ਪਾਰਸਲ ਪਹੁੰਚਾਉਣ ਵਿੱਚ ਅਸਫਲ ਰਹਿੰਦਾ ਹੈ ਤਾਂ ਗਾਹਕ ਤੋਂ ਲਈ ਗਈ ਪੂਰੀ ਸੇਵਾ ਫੀਸ ਵਾਪਸ ਕਰ ਦਿੱਤੀ ਜਾਵੇਗੀ। ਭਾਰਤੀ ਡਾਕ ਦਾ ਇਹ ਕਦਮ ਨਾ ਸਿਰਫ ਨਿੱਜੀ ਕੂਰੀਅਰ ਕੰਪਨੀਆਂ ਨੂੰ ਸਖ਼ਤ ਟੱਕਰ ਦੇਵੇਗਾ, ਬਲਕਿ ਸਰਕਾਰੀ ਡਾਕ ਸੇਵਾ 'ਤੇ ਲੋਕਾਂ ਦੇ ਵਿਸ਼ਵਾਸ ਨੂੰ ਹੋਰ ਮਜ਼ਬੂਤ ਕਰੇਗਾ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e