ਜ਼ਮੀਨ ਖਿਸਕਣ ਕਾਰਨ ਢਹਿ ਗਿਆ ਲੋਕਪ੍ਰਿਯ ਸੈਰ-ਸਪਾਟਾ ਸਥਾਨ ''ਡੋਰੋਥੀ ਸੀਟ''

ਨੈਨੀਤਾਲ (ਭਾਸ਼ਾ)- 'ਟਿਫਿਨ ਟਾਪ' ਦੇ ਨਾਂ ਨਾਲ ਪ੍ਰਸਿੱਧ ਨੈਨੀਤਾਲ ਦਾ ਲੋਕਪ੍ਰਿਯ ਸੈਰ-ਸਪਾਟਾ ਸਥਾਨ 'ਡੋਰੋਥੀ ਸੀਟ' ਮੰਗਲਵਾਰ ਦੇਰ ਰਾਤ ਮੋਹਲੇਧਾਰ ਮੀਂਹ ਕਾਰਨ ਹੋਏ ਜ਼ਮੀਨ ਖਿਸਕਣ 'ਚ ਢਹਿ ਗਿਆ। ਉੱਪ ਜ਼ਿਲ੍ਹਾ ਅਧਿਕਾਰੀ ਪ੍ਰਮੋਦ ਕੁਮਾਰ ਨੇ ਵੀਰਵਾਰ ਨੂੰ ਦੱਸਿਆ ਕਿ ਦੇਰ ਰਾਤ ਕਰੀਬ 11 ਵਜੇ ਸ਼ਹਿਰ ਤੇਜ਼ ਆਵਾਜ਼ ਨਾਲ ਗੂੰਜ ਉੱਠਿਆ ਅਤੇ 'ਟਿਫਿਨ ਟਾਪ' ਤੋਂ ਵੱਡੇ-ਵੱਡੇ ਪੱਥਰ ਹੇਠਾਂ ਡਿੱਗਣ ਲੱਗੇ। ਉਨ੍ਹਾਂ ਦੱਸਿਆ ਕਿ ਕਿਉਂਕਿ ਖੇਤਰ 'ਚ ਉਸ ਸਮੇਂ ਕੋਈ ਨਹੀਂ ਸੀ, ਇਸ ਲਈ ਜ਼ਮੀਨ ਖਿਸਕਣ ਨਾਲ ਕੋਈ ਜਾਨੀ ਨੁਕਸਾਨ ਨਹੀਂ ਹੋਇਆ। ਸਮੁੰਦਰ ਸਤਿਹ ਤੋਂ 2290 ਮੀਟਰ ਦੀ ਉੱਚਾਈ 'ਤੇ ਸਥਿਤ 'ਡੋਰੋਥੀ ਸੀਟ' 'ਚ ਹਰ ਸਾਲ ਲੱਖਾਂ ਸੈਲਾਨੀ ਅਤੇ ਸਥਾਨਕ ਲੋਕ ਘੁੰਮਣ ਲਈ ਜਾਂਦੇ ਹਨ। 'ਟਿਫਿਨ ਟਾਪ' ਦੇ ਮਾਰਗ 'ਤੇ ਪੈਣ ਵਾਲੀ ਪਹਾੜੀ 'ਤੇ ਵੀ ਡੂੰਘੀਆਂ ਤਰੇੜਾਂ ਆ ਗਈਆਂ, ਜਿਸ ਨਾਲ ਉਸ ਦੇ ਉੱਪਰ ਬਣੇ ਬੁਨਿਆਦੀ ਢਾਂਚੇ- ਇਕ ਗੋਲ ਪਲੇਟਫਾਰਮ ਅਤੇ ਉਸ 'ਤੇ ਬਣੀ ਇਕ 'ਬੈਂਚ' ਵੀ ਡਿੱਗ ਗਈ। 

'ਡੋਰੋਥੀ ਸੀਟ' ਤੋਂ ਸ਼ਹਿਰ ਦਾ ਬਹੁਤ ਸੁੰਦਰ ਨਜ਼ਾਰਾ ਦਿਖਾਈ ਦਿੰਦਾ ਹੈ ਅਤੇ ਮੌਸਮ ਸਾਫ਼ ਹੋਣ 'ਤੇ ਹਿਮਾਲਿਆ ਦੀਆਂ ਪਹਾੜੀਆਂ ਦਿਖਾਈਆਂ ਦਿੰਦੀਆਂ ਹਨ। 'ਡੋਰੋਥੀ ਸੀਟ' ਬ੍ਰਿਟਿਸ਼ ਫ਼ੌਜ ਬੈਠ ਕੇ ਚਿੱਤਰਕਾਰੀ ਕਰਨਾ ਪਸੰਦ ਸੀ। ਜਹਾਜ਼ ਤੋਂ ਇੰਗਲੈਂਡ ਜਾਂਦੇ ਸਮੇਂ ਡੋਰੋਥੀ ਦੀ ਸੈਪਟੀਸੀਮਿਆ ਰੋਗ ਨਾਲ ਮੌਤ ਹੋ ਗਈ ਸੀ। 'ਟਿਫਿਨ ਟਾਪ' ਨੈਨੀਤਾਲ ਤੋਂ ਸਿਰਫ਼ 3 ਕਿਲੋਮੀਟਰ ਦੀ ਦੂਰੀ 'ਤੇ ਹੈ। ਘਟਨਾ ਦੀ ਸੂਚਨਾ ਮਿਲਦੇ ਹੀ ਅੱਧੀ ਰਾਤ 12 ਵਜੇ ਉੱਪ ਜ਼ਿਲ੍ਹਾ ਅਧਿਕਾਰੀ ਨੂੰ ਜ਼ਿਲ੍ਹਾ ਆਫ਼ਤ ਪ੍ਰਬੰਧਕ ਅਧਿਕਾਰੀ ਅਤੇ ਰਾਜ ਆਫ਼ਤ ਪ੍ਰਤੀਵਾਦਨ ਬਲ ਦੀ ਇਕ ਟੀਮ ਨਾਲ ਮੌਕੇ 'ਤੇ ਭੇਜਿਆ ਗਿਆ। ਖੇਤਰ 'ਚ ਚਾਹ ਦੀ ਦੁਕਾਨ ਚਲਾਉਣ ਵਾਲੇ ਦਿਨੇਸ਼ ਸੁੰਥਾ ਨੇ ਦੱਸਿਆ ਕਿ ਮੰਗਲਵਾਰ ਰਾਤ ਉਨ੍ਹਾਂ ਦਾ ਭਤੀਜਾ ਆਸ਼ੂਤੋਸ਼ ਦੁਕਾਨ ਦੇ ਅੰਦਰ ਸੌਂ ਰਿਹਾ ਸੀ ਅਤੇ ਉਸੇ ਨੇ ਦੱਸਿਆ ਕਿ ਰਾਤ 'ਚ ਡੋਰੋਥੀ ਸੀਟ ਡਿੱਗ ਗਿਆ। ਸੁੰਥਾ ਨੇ ਕਿਹਾ ਕਿ ਮੀਂਹ ਅਤੇ ਉੱਪਰੋਂ ਡਿੱਗਦੇ ਵੱਡੇ-ਵੱਡੇ ਪੱਥਰਾਂ ਦੇ ਡਰ ਕਾਰਨ ਕੋਈ ਵੀ ਉੱਧਰ ਨਹੀਂ ਗਿਆ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8