ਏਅਰ ਇੰਡੀਆ ਦਾ ਵੱਡਾ ਐਲਾਨ, Plane Crash ਪੀੜਤ ਪਰਿਵਾਰਾਂ ਨੂੰ ਇੰਨੇ ਰੁਪਏ ਦੇਵੇਗੀ ਕੰਪਨੀ

ਨੈਸ਼ਨਲ ਡੈਸਕ- ਅਹਿਮਦਾਬਾਦ ਵਿੱਚ ਹੋਏ ਜਹਾਜ਼ ਹਾਦਸੇ ਤੋਂ ਬਾਅਦ ਏਅਰ ਇੰਡੀਆ ਨੇ ਵੀ ਹਾਦਸੇ ਵਿੱਚ ਜਾਨ ਗਵਾਉਣ ਵਾਲਿਆਂ ਦੇ ਪਰਿਵਾਰਾਂ ਅਤੇ ਪੀੜਤਾਂ ਨੂੰ 25-25 ਲੱਖ ਰੁਪਏ ਦੇਣ ਦਾ ਐਲਾਨ ਕੀਤਾ ਹੈ। ਇਸ ਤੋਂ ਪਹਿਲਾਂ ਟਾਟਾ ਗਰੁੱਪ ਦੀ ਕੰਪਨੀ ਟਾਟਾ ਸੰਨਜ਼ ਨੇ ਮ੍ਰਿਤਕਾਂ ਦੇ ਪਰਿਵਾਰਾਂ ਨੂੰ 1-1 ਕਰੋੜ ਰੁਪਏ ਦੇਣ ਦਾ ਐਲਾਨ ਕੀਤਾ ਸੀ। 

ਏਅਰਲਾਈਨ ਨੇ ਕਿਹਾ ਕਿ ਏਅਰ ਇੰਡੀਆ ਹਾਲ ਹੀ ਵਿੱਚ ਹੋਏ ਹਾਦਸੇ ਵਿੱਚ ਜਾਨ ਗੁਆਉਣ ਵਾਲੇ ਯਾਤਰੀਆਂ ਦੇ ਪਰਿਵਾਰਾਂ ਨਾਲ ਨਾਲ ਖੜ੍ਹੀ ਹੈ। ਸਾਡੀਆਂ ਟੀਮਾਂ ਇਸ ਬਹੁਤ ਹੀ ਮੁਸ਼ਕਲ ਸਮੇਂ ਦੌਰਾਨ ਦੇਖਭਾਲ ਅਤੇ ਸਹਾਇਤਾ ਪ੍ਰਦਾਨ ਕਰਨ ਲਈ ਹਰ ਸੰਭਵ ਕੋਸ਼ਿਸ਼ ਕਰ ਰਹੀਆਂ ਹਨ।

एयर इंडिया ने ट्वीट किया, "एयर इंडिया तत्काल वित्तीय जरूरतों को पूरा करने में मदद के लिए मृतकों के परिवारों और जीवित बचे व्यक्ति को 25 लाख रुपये या लगभग 21,000 GBP का अंतरिम भुगतान करेगी। यह टाटा संस द्वारा पहले ही घोषित 1 करोड़ रुपये या लगभग 85,000 GBP सहायता के अतिरिक्त है।" pic.twitter.com/NovE2q6cWw

— ANI_HindiNews (@AHindinews) June 14, 2025

ਸਾਡੇ ਨਿਰੰਤਰ ਯਤਨਾਂ ਦੇ ਹਿੱਸੇ ਵਜੋਂ, ਏਅਰ ਇੰਡੀਆ 25 ਲੱਖ ਰੁਪਏ ਜਾਂ ਲਗਭਗ 21,000 GBP ਦੀ ਅੰਤਰਿਮ ਅਦਾਇਗੀ ਪ੍ਰਦਾਨ ਕਰੇਗੀ। ਇਹ ਮ੍ਰਿਤਕਾਂ ਅਤੇ ਪੀੜਤਾਂ ਦੇ ਪਰਿਵਾਰਾਂ ਲਈ ਹੈ। ਇਹ ਰਕਮ ਟਾਟਾ ਸੰਨਜ਼ ਦੁਆਰਾ ਪਹਿਲਾਂ ਹੀ ਐਲਾਨੀ ਗਈ 1 ਕਰੋੜ ਰੁਪਏ ਜਾਂ ਲਗਭਗ 85,000 GBP ਦੀ ਸਹਾਇਤਾ ਤੋਂ ਇਲਾਵਾ ਹੈ। ਏਅਰ ਇੰਡੀਆ 'ਚ ਅਸੀਂ ਸਾਰੇ ਇਸ ਨੁਕਸਾਨ ਤੋਂ ਬਹੁਤ ਦੁਖੀ ਹਾਂ।