ਪੈਟਰੋਲ ਪੰਪ ''ਤੇ ਪੈ ਗਿਆ ਛਾਪਾ ! 5,944 ਲੀਟਰ ਨਕਲੀ ਡੀਜ਼ਲ ਜ਼ਬਤ, ਜਾਣੋਂ ਮਾਮਲਾ

ਨੈਸ਼ਨਲ ਡੈਸਕ : ਖੁਰਾਕ ਤੇ ਸਿਵਲ ਸਪਲਾਈ ਵਿਭਾਗ ਨੇ ਮੱਧ ਪ੍ਰਦੇਸ਼ ਦੇ ਸਿਹੋਰ ਜ਼ਿਲ੍ਹੇ 'ਚ ਵੱਡੀ ਕਾਰਵਾਈ ਕੀਤੀ ਹੈ। ਸ਼ਹਿਰ ਦੇ ਲੁਨੀਆ ਚੌਰਾਹਾ ਵਿਖੇ ਸਥਿਤ ਵਰਮਾ ਪੈਟਰੋਲ ਪੰਪ 'ਤੇ ਛਾਪੇਮਾਰੀ ਦੌਰਾਨ ਲਗਭਗ 5,944 ਲੀਟਰ ਡੀਜ਼ਲ ਜ਼ਬਤ ਕੀਤਾ ਗਿਆ। ਜਾਂਚ 'ਚ ਡੀਜ਼ਲ ਅਤੇ ਸਟਾਕ 'ਚ  ਬੇਨਿਯਮੀਆਂ ਦਾ ਖੁਲਾਸਾ ਹੋਇਆ ਹੈ।

ਰਤਲਾਮ ਘਟਨਾ ਤੋਂ ਬਾਅਦ ਅਲਰਟ ਵਿਭਾਗ
ਲਗਭਗ ਇੱਕ ਮਹੀਨਾ ਪਹਿਲਾਂ ਰਤਲਾਮ 'ਚ ਮੁੱਖ ਮੰਤਰੀ ਡਾ. ਮੋਹਨ ਯਾਦਵ ਦੇ ਕਾਫਲੇ ਦੇ ਵਾਹਨਾਂ 'ਚ ਪਾਣੀ 'ਚ  ਡੀਜ਼ਲ ਮਿਲਾਉਣ ਦੀ ਘਟਨਾ ਸਾਹਮਣੇ ਆਈ ਸੀ। ਉਦੋਂ ਤੋਂ ਖੁਰਾਕ ਅਤੇ ਸਿਵਲ ਸਪਲਾਈ ਵਿਭਾਗ ਦੀਆਂ ਟੀਮਾਂ ਨੂੰ ਸੂਬੇ ਭਰ ਦੇ ਪੈਟਰੋਲ ਪੰਪਾਂ ਦੀ ਜਾਂਚ ਕਰਨ ਦੇ ਨਿਰਦੇਸ਼ ਦਿੱਤੇ ਗਏ ਸਨ।

ਇਹ ਵੀ ਪੜ੍ਹੋ...ਵ੍ਰਿੰਦਾਵਨ ਜਾਣ ਵਾਲੇ ਸ਼ਰਧਾਲੂਆਂ ਲਈ ਵੱਡੀ ਖ਼ਬਰ ! ਆਵਾਜਾਈ 'ਤੇ ਪਾਬੰਦੀ,  ਸੜਕਾਂ ਕੀਤੀਆਂ ਸੀਲ

ਜਾਂਚ 'ਚ ਪਾਣੀ ਅਤੇ ਸਟਾਕ 'ਚ  ਬੇਨਿਯਮੀਆਂ ਦਾ ਖੁਲਾਸਾ
ਜਦੋਂ ਜਾਂਚ ਟੀਮ ਸਿਹੋਰ ਦੇ ਲੁਨੀਆ ਚੌਰਾਹਾ ਵਿਖੇ ਸਥਿਤ ਵਰਮਾ ਪੈਟਰੋਲ ਪੰਪ 'ਤੇ ਪਹੁੰਚੀ, ਤਾਂ ਜ਼ਮੀਨਦੋਜ਼ ਡੀਜ਼ਲ ਟੈਂਕ 'ਚ 5,944 ਲੀਟਰ ਡੀਜ਼ਲ ਸਟੋਰ ਕੀਤਾ ਗਿਆ ਸੀ, ਜਿਸ ਵਿੱਚ 10.5 ਸੈਂਟੀਮੀਟਰ ਪਾਣੀ ਮਿਲਿਆ ਸੀ। ਇਸ ਤੋਂ ਇਲਾਵਾ ਆਨਲਾਈਨ ਰਿਕਾਰਡ ਅਤੇ ਅਸਲ ਸਟਾਕ ਵਿੱਚ ਵੀ ਅੰਤਰ ਪਾਇਆ ਗਿਆ। ਜਾਂਚ 'ਚ ਇਹ ਵੀ ਸਾਹਮਣੇ ਆਇਆ ਕਿ ਪੰਪ 'ਤੇ ਮੁਫਤ ਹਵਾ ਦੀ ਸਹੂਲਤ ਤੇ ਅੱਗ ਬੁਝਾਊ ਯੰਤਰ ਦੀ ਵੈਧਤਾ ਖਤਮ ਹੋ ਗਈ ਸੀ। ਬੇਨਿਯਮੀਆਂ ਦਾ ਪਤਾ ਲੱਗਣ 'ਤੇ, ਵਿਭਾਗ ਨੇ ਪੈਟਰੋਲ ਪੰਪ ਦੀ ਡੀਜ਼ਲ ਮਸ਼ੀਨ ਨੂੰ ਸੀਲ ਕਰ ਦਿੱਤਾ।

ਇਹ ਵੀ ਪੜ੍ਹੋ...ਅੱਧੀ ਰਾਤੀਂ ਘਰ 'ਚ ਹੋ ਗਿਆ ਜ਼ਬਰਦਸਤ ਧਮਾਕਾ ! ਕੰਬ ਗਿਆ ਪੂਰਾ ਇਲਾਕਾ

ਕੁੱਲ ਜ਼ਬਤ ਕੀਤਾ ਗਿਆ ਡੀਜ਼ਲ  
ਖੁਰਾਕ ਵਿਭਾਗ ਨੇ ਪੰਪ ਤੋਂ 5,944 ਲੀਟਰ ਡੀਜ਼ਲ ਜ਼ਬਤ ਕੀਤਾ ਹੈ ਜਿਸਦੀ ਕੀਮਤ 5 ਲੱਖ 45 ਹਜ਼ਾਰ 81 ਰੁਪਏ ਹੈ। ਇਸ ਕਾਰਵਾਈ ਵਿੱਚ ਜ਼ਿਲ੍ਹਾ ਸਪਲਾਈ ਅਧਿਕਾਰੀ, ਨਾਪ ਤੋਲ ਇੰਸਪੈਕਟਰ ਅਤੇ ਜੂਨੀਅਰ ਸਪਲਾਈ ਅਧਿਕਾਰੀ ਸ਼ਾਮਲ ਸਨ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8