ਗਣਤੰਤਰ ਦਿਵਸ ਤੋਂ ਪਹਿਲਾਂ ਪਦਮ ਪੁਰਸਕਾਰਾਂ ਦਾ ਐਲਾਨ, ਪਾਰਵਤੀ ਬਰੂਆ ਸਣੇ 34 ਹਸਤੀਆਂ ਨੂੰ ਪਦਮਸ਼੍ਰੀ ਸਨਮਾਨ

Thursday, Jan 25, 2024 - 11:02 PM (IST)

ਨਵੀਂ ਦਿੱਲੀ (ਭਾਸ਼ਾ)- ਗਣਤੰਤਰ ਦਿਵਸ ਦੀ ਪੂਰਬਲੀ ਸ਼ਾਮ ’ਤੇ ਵੀਰਵਾਰ ਨੂੰ ਪਦਮਸ਼੍ਰੀ ਪੁਰਸਕਾਰਾਂ ਦਾ ਐਲਾਨ ਕੀਤਾ ਗਿਆ। ਆਸਾਮ ਦੀ ਰਹਿਣ ਵਾਲੀ ਦੇਸ਼ ਦੀ ਪਹਿਲੀ ਮਹਿਲਾ ਮਹਾਵਤ ਪਾਰਵਤੀ ਬਰੂਆ ਅਤੇ ਜਾਗੇਸ਼ਵਰ ਯਾਦਵ ਸਮੇਤ 34 ਹਸਤੀਆਂ ਨੂੰ ਇਹ ਐਵਾਰਡ ਦਿੱਤਾ ਗਿਆ ਹੈ। ਇਸ ਤੋਂ ਇਲਾਵਾ ਸੂਚੀ ’ਚ ਚਾਰਮੀ ਮੁਰਮੂ, ਸੋਮੰਨਾ, ਸਰਵੇਸ਼ਵਰ, ਸੰਗਥਾਮ ਸਮੇਤ ਕਈ ਵੱਡੇ ਨਾਂ ਸ਼ਾਮਲ ਹਨ।

ਇਹ ਖ਼ਬਰ ਵੀ ਪੜ੍ਹੋ - 26 ਜਨਵਰੀ ਤੋਂ ਪਹਿਲਾਂ ਪੰਜਾਬ ਪੁਲਸ 'ਚ ਵੱਡਾ ਫੇਰਬਦਲ, 183 DSPs ਦੀ ਹੋਈ ਬਦਲੀ, ਪੜ੍ਹੋ ਪੂਰੀ ਸੂਚੀ

ਇਸ ਤੋਂ ਪਹਿਲਾਂ 23 ਜਨਵਰੀ ਨੂੰ ਸਰਕਾਰ ਨੇ ਬਿਹਾਰ ਦੇ ਸਾਬਕਾ ਮੁੱਖ ਮੰਤਰੀ ਕੁਰਪਰੀ ਠਾਕੁਰ ਨੂੰ ਭਾਰਤ ਰਤਨ ਦੇਣ ਦਾ ਐਲਾਨ ਕੀਤਾ ਸੀ। ਆਸਾਮ ਦੇ ਗੌਰੀਪੁਰ ਦੇ ਇਕ ਸ਼ਾਹੀ ਪਰਿਵਾਰ ਨਾਲ ਸਬੰਧ ਰੱਖਣ ਵਾਲੀ ਪਾਰਵਤੀ ਬਰੂਆ ਨੂੰ ਸ਼ੁਰੂ ਤੋਂ ਹੀ ਜਾਨਵਰਾਂ ਨਾਲ ਪਿਆਰ ਸੀ। ਖਾਸ ਕਰਕੇ ਹਾਥੀਆਂ ਨਾਲ। ਉਨ੍ਹਾਂ ਦਾ ਇਹ ਪਿਆਰ ਉਨ੍ਹਾਂ ਦੀ ਜ਼ਿੰਦਗੀ ਦਾ ਟੀਚਾ ਬਣ ਗਿਆ ਅਤੇ ਉਨ੍ਹਾਂ ਆਪਣੀ ਸਾਰੀ ਜ਼ਿੰਦਗੀ ਜਾਨਵਰਾਂ ਦੀ ਸੇਵਾ ’ਚ ਲਾਉਣ ਦਾ ਫੈਸਲਾ ਕਰ ਲਿਆ। ਉਹ ਏਸ਼ੀਅਨ ਐਲੀਫੈਂਟ ਸਪੈਸ਼ਲਿਸਟ ਗਰੁੱਪ, ਆਈ. ਯੂ. ਸੀ. ਐੱਨ. ਦੀ ਮੈਂਬਰ ਵੀ ਹੈ। ਉਨ੍ਹਾਂ ਦੇ ਜੀਵਨ ’ਤੇ ਕਈ ਡਾਕੂਮੈਂਟਰੀ ਬਣ ਚੁੱਕੀਆਂ ਹਨ। ਉਹ ਹਾਥੀਆਂ ਨੂੰ ਬਚਾਉਣ ਲਈ ਵੀ ਕਾਫੀ ਸਰਗਰਮ ਰਹਿੰਦੀ ਹੈ।

ਇਹ ਖ਼ਬਰ ਵੀ ਪੜ੍ਹੋ - ਕੁੱਕੜ ਨੇ ਵਧਾਈ ਪੰਜਾਬ ਪੁਲਸ ਦੀ ਸਿਰਦਰਦੀ, ਹਰ ਤਰੀਕ 'ਤੇ ਅਦਾਲਤ 'ਚ ਕਰਨਾ ਪਵੇਗਾ ਪੇਸ਼ (ਵੀਡੀਓ)

ਪਦਮਸ਼੍ਰੀ ਹਾਸਲ ਕਰਨ ਚਾਮੀ ਮੁਰਮੂ ਪਿਛਲੇ 28 ਸਾਲਾਂ ’ਚ 28 ਹਜ਼ਾਰ ਔਰਤਾਂ ਨੂੰ ਸਵੈ-ਰੋਜ਼ਗਾਰ ਦੇ ਚੁੱਕੀ ਹੈ। ਚਾਮੀ ਮੁਰਮੂ ਨੂੰ ਨਾਰੀ ਸ਼ਕਤੀ ਪੁਰਸਕਾਰ ਨਾਲ ਵੀ ਸਨਮਾਨਿਤ ਕੀਤਾ ਜਾ ਚੁੱਕਾ ਹੈ। ਛੱਤੀਸ਼ਗੜ੍ਹ ਦੇ ਜਸ਼ਪੁਰ ਦੇ ਕਬਾਇਲੀ ਕਲਿਆਣ ਵਰਕਰ ਜਗੇਸ਼ਵਰ ਯਾਦਵ ਨੂੰ ਸਮਾਜਿਕ ਕਾਰਜ (ਕਬਾਇਲੀ ਪੀ.ਵੀ.ਟੀ.ਜੀ.) ਦੇ ਖੇਤਰ ’ਚ ਪਦਮਸ਼੍ਰੀ ਦਿੱਤਾ ਜਾਵੇਗਾ।

ਇਹ ਖ਼ਬਰ ਵੀ ਪੜ੍ਹੋ - ਪੰਜਾਬ 'ਚ 8 ਸਾਲਾ ਮਾਸੂਮ ਨਾਲ ਦਰਿੰਦਗੀ! ਬੱਚੀ ਦੀ ਹਾਲਤ ਜਾਣ ਪੈਰਾਂ ਹੇਠੋਂ ਖਿਸਕ ਜਾਵੇਗੀ ਜ਼ਮੀਨ

ਪੱਛਮੀ ਬੰਗਾਲ ਦੇ ਪੁਰੂਲੀਆ ਦੇ ਸਿੰਦਰੀ ਪਿੰਡ ਦੇ ਇਕ ਆਦਿਵਾਸੀ ਵਾਤਾਵਰਣ ਪ੍ਰੇਮੀ ਦੁਖੂ ਮਾਝੀ ਨੂੰ ਸਮਾਜਿਕ ਕਾਰਜ (ਈਕੋ-ਫੋਰੈਸਟੇਸ਼ਨ) ਦੇ ਖੇਤਰ ਵਿਚ ਪਦਮਸ਼੍ਰੀ ਨਾਲ ਸਨਮਾਨਿਤ ਕੀਤਾ ਜਾਵੇਗਾ। ਉਨ੍ਹਾਂ ਹਰ ਰੋਜ਼ ਆਪਣੇ ਸਾਈਕਲ ’ਤੇ ਨਵੀਆਂ ਮੰਜ਼ਿਲਾਂ ਦੀ ਯਾਤਰਾ ਕਰਦੇ ਹੋਏ ਬੰਜਰ ਜ਼ਮੀਨ ’ਤੇ 5,000 ਤੋਂ ਵੱਧ ਬੋਹੜ, ਅੰਬ ਅਤੇ ਬਲੈਕਬੇਰੀ ਦੇ ਰੁੱਖ ਲਾਏ।