ਆਰਡਰ ਕੀਤੀ ਸੀ ਵਿਆਹ ਲਈ ਡਰੈੱਸ, ਨਹੀਂ ਮਿਲੀ ਤਾਂ ਬੁਟੀਕ ’ਤੇ ਠੋਕਿਆ 36,880 ਰੁਪਏ ਦਾ ਜੁਰਮਾਨਾ

ਬਿਜ਼ਨੈੱਸ ਡੈਸਕ - ਜੇਕਰ ਤੁਸੀਂ ਵੀ ਸੋਸ਼ਲ ਮੀਡੀਆ ਜ਼ਰੀਏ ਆਨਲਾਈਨ ਸ਼ਾਪਿੰਗ ਕਰਦੇ ਹੋ, ਤਾਂ ਇਹ ਖ਼ਬਰ ਤੁਹਾਡੇ ਲਈ ਅਹਿਮ ਹੈ। ਕੇਰਲ ਦੀ ਇਕ ਜ਼ਿਲਾ ਖਪਤਕਾਰ ਕਮਿਸ਼ਨ ਨੇ ਇੰਸਟਾਗ੍ਰਾਮ ’ਤੇ ਸੰਚਾਲਿਤ ਇਕ ਬੁਟੀਕ ਨੂੰ ਗਾਹਕ ਨੂੰ 36,880 ਰੁਪਏ ਦਾ ਮੁਆਵਜ਼ਾ ਦੇਣ ਦਾ ਹੁਕਮ ਦਿੱਤਾ ਹੈ।

ਇਹ ਵੀ ਪੜ੍ਹੋ :  ਨੌਜਵਾਨ ਹਿੰਦੂ ਕੁੜੀਆਂ 'ਤੇ ਕੰਗਨਾ ਰਣੌਤ ਦਾ ਵਿਵਾਦਤ ਬਿਆਨ, ਕਿਹਾ- ਬਦਸੂਰਤ, ਭ੍ਰਿਸ਼ਟ ਤੇ ਜੈਨਰੇਸ਼ਨ ਗਟਰ

ਕਮਿਸ਼ਨ ਨੇ ਕਿਹਾ ਕਿ ਸੋਸ਼ਲ ਮੀਡੀਆ ਜ਼ਰੀਏ ਕਾਰੋਬਾਰ ਕਰਨ ਵਾਲੇ ਵਿਕ੍ਰੇਤਾ ਵੀ ਖਪਤਕਾਰ ਸੁਰੱਖਿਆ ਐਕਟ, 2019 ਤਹਿਤ ਓਨੇ ਹੀ ਜ਼ਿੰਮੇਵਾਰ ਹਨ, ਜਿੰਨੇ ਕਿਸੇ ਆਮ ਦੁਕਾਨ ਦੇ ਮਾਲਕ।

ਇਹ ਵੀ ਪੜ੍ਹੋ :  August ਮਹੀਨੇ 14 ਦਿਨ ਬੰਦ ਰਹਿਣ ਵਾਲੇ ਹਨ Bank, ਜਾਣੋ ਕਦੋਂ ਤੇ ਕਿੱਥੇ ਬੰਦ ਰਹਿਣ ਵਾਲੇ ਹਨ ਬੈਂਕ

ਕੀ ਸੀ ਪੂਰਾ ਮਾਮਲਾ?

ਸ਼ਿਕਾਇਤਕਰਤਾ ਮਹਿਲਾ ਨੇ ਫਰਵਰੀ 2025 ’ਚ ਇੰਸਟਾਗ੍ਰਾਮ ’ਤੇ ਬੁਟੀਕ ਦੀ ਸਟੋਰੀ ਦੇਖ ਕੇ ਵਿਆਹ ਲਈ 2 ਡਰੈੱਸ ਆਰਡਰ ਕੀਤੇ ਸਨ। ਉਸ ਨੇ ਦੋਵੇਂ ਡਰੈੱਸ ਲਈ ਗੂਗਲ ਪੇ ਜ਼ਰੀਏ ਕੁੱਲ 3760 ਰੁਪਏ ਦਾ ਪੂਰਾ ਭੁਗਤਾਨ ਕਰ ਦਿੱਤਾ। ਬੁਟੀਕ ਨੇ ਭਰੋਸਾ ਦਿਵਾਇਆ ਸੀ ਕਿ ਦੋਵੇਂ ਡਰੈੱਸਾਂ ਅਪ੍ਰੈਲ 2025 ਦੇ ਆਖਰੀ ਹਫਤੇ ਤੱਕ ਪਹੁੰਚ ਜਾਣਗੀਆਂ ਤਾਂ ਜੋ ਉਹ ਆਪਣੇ ਕਰੀਬੀ ਰਿਸ਼ਤੇਦਾਰ ਦੇ ਵਿਆਹ ’ਚ ਉਨ੍ਹਾਂ ਨੂੰ ਪਹਿਨ ਸਕੇ।

ਹਾਲਾਂਕਿ ਬਾਅਦ ’ਚ ਬੁਟੀਕ ਨੇ ਡਿਲੀਵਰੀ ’ਚ ਦੇਰੀ ਦੀ ਗੱਲ ਕਹਿ ਕੇ ਮਈ ਦੇ ਪਹਿਲੇ ਹਫਤੇ ਤੱਕ ਡਰੈੱਸ ਭੇਜਣ ਦਾ ਵਾਅਦਾ ਕੀਤਾ। ਇਸ ਦੇ ਬਾਵਜੂਦ ਤੈਅ ਸਮੇਂ ’ਤੇ ਡਰੈੱਸਾਂ ਨਹੀਂ ਪਹੁੰਚੀਆਂ। ਲੰਮਾ ਇੰਤਜ਼ਾਰ ਕਰਵਾਉਣ ਤੋਂ ਬਾਅਦ 14 ਮਈ ਨੂੰ ਸਿਰਫ ਇਕ ਡਰੈੱਸ ਭੇਜੀ ਗਈ, ਜਦੋਂਕਿ ਦੂਜੀ ਡਰੈੱਸ ਕਦੇ ਨਹੀਂ ਮਿਲੀ।

ਇਹ ਵੀ ਪੜ੍ਹੋ : ਅਗਸਤ ਮਹੀਨੇ ਤੋਂ ਬਦਲਣ ਵਾਲੇ ਹਨ ਕਈ ਕਈ ਨਿਯਮ, ਜਾਣੋ ਤੁਹਾਡੀ ਜੇਬ 'ਤੇ ਕਿੰਨਾ ਪ੍ਰਭਾਵ ਪਵੇਗਾ

ਮਹਿਲਾ ਦਾ ਦੋਸ਼ ਸੀ ਕਿ ਦੂਜੀ ਡਰੈੱਸ ਨਾ ਭੇਜਣ ਤੋਂ ਬਾਅਦ ਬੁਟੀਕ ਨੇ ਉਸ ਦੇ ਫੋਨ ਚੁੱਕਣੇ ਬੰਦ ਕਰ ਦਿੱਤੇ ਅਤੇ ਮੈਸੇਜ ਦਾ ਵੀ ਸਹੀ ਜਵਾਬ ਨਹੀਂ ਦਿੱਤਾ। ਬੁਟੀਕ ਨੇ ਅੱਧੀ ਰਕਮ 10 ਜੂਨ ਤੱਕ ਵਾਪਸ ਕਰਨ ਦਾ ਵਾਅਦਾ ਕੀਤਾ ਸੀ ਪਰ ਉਹ ਵੀ ਪੂਰਾ ਨਹੀਂ ਕੀਤਾ।

ਸ਼ਿਕਾਇਤ ਅਨੁਸਾਰ ਵਟਸਐਪ ਕਾਲ ’ਤੇ ਬੁਟੀਕ ਨੇ ਭੱਦਾ ਵਿਵਹਾਰ ਕੀਤਾ ਅਤੇ ਇੱਥੋਂ ਤੱਕ ਕਹਿ ਦਿੱਤਾ ਕਿ ਜੋ ਕਰਨਾ ਹੈ ਕਰ ਲਓ, ਕੋਰਟ ਚਲੇ ਜਾਓ। ਵਿਆਹ ਨਜ਼ਦੀਕ ਹੋਣ ਕਾਰਨ ਮਹਿਲਾ ਨੂੰ ਮਜਬੂਰੀ ’ਚ ਬਾਜ਼ਾਰ ਤੋਂ ਜ਼ਿਆਦਾ ਕੀਮਤ ’ਤੇ ਦੂਜੀ ਡਰੈੱਸ ਖਰੀਦਣੀ ਪਈ।

ਇਹ ਵੀ ਪੜ੍ਹੋ : 46 ਸਾਲ ਦੀ ਉਮਰ ਚ ਮਸ਼ਹੂਰ ਅਦਾਕਾਰ ਨੇ ਛੱਡੀ ਦੁਨੀਆ, ਮਰਨ ਤੋਂ ਬਾਅਦ ਕਾਇਮ ਕੀਤੀ ਮਿਸਾਲ

ਕੀ ਕਹਿਣੈ ਕਮਿਸ਼ਨ ਦਾ

ਬੁਟੀਕ ਨੂੰ ਭੇਜਿਆ ਗਿਆ ਕਾਨੂੰਨੀ ਨੋਟਿਸ ਵੀ ਬਿਨਾਂ ਪ੍ਰਾਪਤ ਕੀਤੇ ਵਾਪਸ ਆਇਆ ਅਤੇ ਬੁਟੀਕ ਵੱਲੋਂ ਕਮਿਸ਼ਨ ਸਾਹਮਣੇ ਕੋਈ ਪੇਸ਼ ਨਹੀਂ ਹੋਇਆ। ਇਸ ਤੋਂ ਬਾਅਦ ਕਮਿਸ਼ਨ ਨੇ ਮਹਿਲਾ ਦੁਆਰਾ ਪੇਸ਼ ਕੀਤੇ ਭੁਗਤਾਨ ਦੇ ਸਬੂਤ ਅਤੇ ਵਟਸਐਪ ਚੈਟ ਦੇ ਆਧਾਰ ’ਤੇ ਫੈਸਲਾ ਸੁਣਾਇਆ ਗਿਆ।

ਖਪਤਕਾਰ ਕਮਿਸ਼ਨ ਨੇ ਬੁਟੀਕ ਨੂੰ ਹੁਕਮ ਦਿੱਤਾ ਕਿ ਉਹ ਮਹਿਲਾ ਨੂੰ 1,880 ਰੁਪਏ ਦੂਜੀ ਡਰੈੱਸ ਦੀ ਕੀਮਤ ਦੇ ਰੂਪ ’ਚ ਵਾਪਸ ਕਰੇ। ਨਾਲ ਹੀ 25,000 ਰੁਪਏ ਮਾਨਸਿਕ ਪ੍ਰੇਸ਼ਾਨੀ ਅਤੇ ਅਸੁਵਿਧਾ ਲਈ ਮੁਆਵਜ਼ਾ ਦੇਵੇ। ਇਸ ਤੋਂ ਇਲਾਵਾ 10,000 ਰੁਪਏ ਮੁਕੱਦਮੇ ਦਾ ਖਰਚਾ ਅਦਾ ਕਰੇ।

ਇਸ ਤਰ੍ਹਾਂ ਬੁਟੀਕ ਨੂੰ ਕੁੱਲ 36,880 ਰੁਪਏ ਦਾ ਭੁਗਤਾਨ ਕਰਨਾ ਹੋਵੇਗਾ। ਕਮਿਸ਼ਨ ਨੇ ਇਹ ਰਾਸ਼ੀ 45 ਦਿਨਾਂ ਦੇ ਅੰਦਰ ਦੇਣ ਦਾ ਹੁਕਮ ਦਿੱਤਾ ਹੈ। ਜੇਕਰ ਤੈਅ ਸਮੇਂ ’ਚ ਭੁਗਤਾਨ ਨਹੀਂ ਕੀਤਾ ਗਿਆ ਤਾਂ ਪੂਰੀ ਰਾਸ਼ੀ ’ਤੇ 9 ਫੀਸਦੀ ਸਾਲਾਨਾ ਵਿਆਜ ਵੀ ਦੇਣਾ ਹੋਵੇਗਾ।

ਇਹ ਵੀ ਪੜ੍ਹੋ :    AI ਨਿਗਲ ਗਿਆ ਸਵਾ ਲੱਖ ਕਰੋੜ ਰੁਪਏ ਦੀ ਕੰਪਨੀ ਦਾ ਕਾਰੋਬਾਰ, ਕਿਉਂ ‘ਕਲਾਸਰੂਮ ਕਿੰਗ’ ਕੰਪਨੀ ਚੈਗ ਹੋਈ ਬੇਹਾਲ!

ਇਹ ਵੀ ਪੜ੍ਹੋ : ਸੋਨੋ ਦੀਆਂ ਕੀਮਤਾਂ 'ਚ ਆਉਣ ਵਾਲੀ ਹੈ ਵੱਡੀ ਗਿਰਾਵਟ! ਬੈਂਕ ਆਫ਼ ਅਮਰੀਕਾ ਦੀ ਭਵਿੱਖਬਾਣੀ

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt