ਹਿਮਾਚਲ: ਹੁਣ ਖੇਡ ਮੰਤਰੀ ਰਕੇਸ਼ ਪਠਾਨੀਆ ਵੀ ਹੋਏ ਕੋਰੋਨਾ ਪਾਜ਼ੇਟਿਵ
Friday, Jan 28, 2022 - 12:59 PM (IST)
ਨਾਹਨ– ਹਿਮਾਚਲ ਪ੍ਰਦੇਸ਼ ’ਚ ਕੋਰੋਨਾ ਤੇਜ਼ੀ ਨਾਲ ਵਧ ਰਿਹਾ ਹੈ। ਆਮ ਲੋਕਾਂ ਦੇ ਨਾਲ ਵੀ.ਆਈ.ਪੀ. ਵੀ ਕੋਰੋਨਾ ਦੀ ਚਪੇਟ ’ਚ ਆ ਰਹੇ ਹਨ। ਸੂਬਾ ਸਰਕਾਰ ਦੇ ਕਈ ਵਿਧਾਇਕ ਅਤੇ ਮੰਤਰੀ ਵੀ ਕੋਰੋਨਾ ਪਾਜ਼ੇਟਿਵ ਹੋ ਚੁੱਕੇ ਹਨ। ਹੁਣ ਹਿਮਾਚਲ ਦੇ ਖੇਡ ਮੰਤਰੀ ਰਕੇਸ਼ ਪਠਾਨੀਆ ਵੀ ਕੋਰੋਨਾ ਪਾਜ਼ੇਟਿਵ ਪਾਏ ਗਏ ਹਨ। ਇਸ ਗੱਲ ਦੀ ਜਾਣਕਾਰੀ ਉਨ੍ਹਾਂ ਖੁਦ ਸੋਸ਼ਲ ਮੀਡੀਆ ਰਾਹੀਂ ਦਿੱਤੀ। ਉਨ੍ਹਾਂ ਕਿਹਾ ਕਿ ਮੇਰੀ ਕੋਰੋਨਾ ਰਿਪੋਰਟ ਪਾਜ਼ੇਟਿਵ ਆਈ ਹੈ, ਜਿਹੜੇ ਵੀ ਲੋਕ ਮੇਰੇ ਸੰਪਰਕ ’ਚ ਆਏ ਹਨ, ਉਹ ਆਪਣਾ ਟੈਸਟ ਕਰਵਾ ਲੈਣ। ਪਠਾਨੀਆ ਨੇ ਕਿਹਾ ਕਿ ਉਹ 7 ਦਿਨਾਂ ਲਈ ਇਕਾਂਤਵਾਸ ’ਚ ਚਲੇ ਗਏ ਹਨ।
आज सुबह मेरी कोरोना रिपोर्ट पॉजिटिव आई है । इसलिए मैं अपने आप को 7 दिनों के लिए क्वरांटिन कर रहा हूं । मेरे संपर्क में आए सभी लोगों से निवेदन है की अपनी सेहत का ख्याल रखें व लक्षण आने पर अपनी जांच जरूर करवाएं।
— Rakesh Pathania (@irakeshpathania) January 28, 2022
ਦੱਸ ਦੇਈਏ ਕਿ ਗਣਤੰਤਰ ਦਿਵਸ ਸਮਾਰੋਹ ’ਚ ਰਕੇਸ਼ ਪਠਾਨੀਆ ਨਾਹਨ ’ਚ ਬਤੌਰ ਮੁੱਕ ਮਹਿਮਾਨ ਪਹੁੰਚੇ ਸਨ। ਇਸ ਦੌਰਾਨ ਉਨ੍ਹਾਂ ਦੇ ਸੰਪਰਕ ’ਚ ਕਈ ਲੋਕ ਆਏ। ਅਧਿਕਾਰੀਆਂ ਸਮੇਤ ਕਈ ਆਮ ਲੋਕ ਵੀ ਉਨ੍ਹਾਂ ਦੇ ਸੰਪਰਕ ’ਚ ਆਏ ਹਨ। ਫਿਲਹਾਲ ਉਨ੍ਹਾਂ ਦੀ ਰਿਪੋਰਟ ਪਾਜ਼ੇਟਿਵ ਆਉਣ ਤੋਂ ਬਾਅਦ ਚਿੰਤਾਵਾਂ ਵਧ ਗਈਆਂ ਹਨ।
