ਘਰੋਂ ਭੱਜੀ ਕੁੜੀ; ਚਾਚੇ ਨਾਲ ਸੀ ਅਫੇਅਰ, ਜਦੋਂ ਘਰਦਿਆਂ ਨੂੰ ਮਿਲੀ ਤਾਂ ਵੇਖ ਉੱਡ ਗਏ ਹੋਸ਼

ਕਾਨਪੁਰ- ਕੁੜੀ ਆਪਣੇ ਵਿਆਹ ਦੇ ਦਿਨ ਹੀ ਘਰ ਛੱਡ ਕੇ ਦੌੜ ਗਈ। ਜਦੋਂ ਉਹ ਕਰੀਬ 5 ਦਿਨ ਬਾਅਦ ਮਿਲੀ ਤਾਂ ਫਾਹੇ ਨਾਲ ਲਟਕਦੀ ਮਿਲੀ। ਉਸ ਨਾਲ ਇਕ ਨੌਜਵਾਨ ਮੁੰਡੇ ਦੀ ਲਾਸ਼ ਵੀ ਬਰਾਮਦ ਕੀਤੀ ਗਈ ਹੈ। ਇਹ ਘਟਨਾ ਕਾਨਪੁਰ ਦੇ ਘਾਟਮਪੁਰ ਵਿਚ ਵਾਪਰੀ।

ਚਾਚਾ ਨਾਲ ਸੀ ਕੁੜੀ ਦਾ ਅਫੇਅਰ

ਦਰਅਸਲ ਘਾਟਮਪੁਰ ਦੀ ਰਹਿਣ ਵਾਲੀ ਸੋਨੀ ਨਾਂ ਦੀ ਕੁੜੀ ਦਾ 15 ਫਰਵਰੀ ਨੂੰ ਵਿਆਹ ਹੋਣਾ ਸੀ। ਸੋਨੀ ਦਾ ਆਪਣੇ ਰਿਸ਼ਤੇ ਵਿਚ ਲੱਗਦੇ ਚਾਚਾ 25 ਸਾਲਾ ਅੰਕਿਤ ਨਾਲ ਕਈ ਸਾਲਾਂ ਤੋਂ ਅਫੇਅਰ ਚੱਲ ਰਿਹਾ ਸੀ। ਦੋਵੇਂ ਇਕ-ਦੂਜੇ ਨੂੰ ਬਹੁਤ ਪਿਆਰ ਕਰਦੇ ਸਨ ਅਤੇ ਵਿਆਹ ਕਰਵਾਉਣਾ ਚਾਹੁੰਦੇ ਸਨ ਪਰ ਇਕ ਹੀ ਪਿੰਡ ਵਿਚ ਗੁਆਂਢ ਵਿਚ ਰਹਿਣ ਕਾਰਨ ਅਤੇ ਰਿਸ਼ਤੇ ਵਿਚ ਚਾਚਾ ਹੋਣ ਦਾ ਸਬੰਧ ਉਨ੍ਹਾਂ ਦੋਹਾਂ ਦੇ ਪਿਆਰ ਵਿਚ ਰੋੜਾ ਬਣਿਆ ਹੋਇਆ ਸੀ। ਦੋਵੇਂ ਜਾਣਦੇ ਸਨ ਕਿ ਉਨ੍ਹਾਂ ਦਾ ਵਿਆਹ ਨਹੀਂ ਹੋ ਸਕੇਗਾ। ਅੰਕਿਤ ਨੇ ਸੋਨੀ ਨੂੰ ਕਿਹਾ ਸੀ ਕਿ ਦੌੜ ਜਾਈਏ ਪਰ ਉਸ ਨੇ ਘਰ ਛੱਡਣ ਤੋਂ ਇਨਕਾਰ ਕਰ ਦਿੱਤਾ ਸੀ। 

ਦੋਵੇਂ ਘਰੋਂ ਇਕੱਠੇ ਦੌੜ ਗਏ

ਇੱਧਰ ਸੋਨੀ ਦੇ ਘਰ ਵਾਲਿਆਂ ਨੂੰ ਉਨ੍ਹਾਂ ਦੋਹਾਂ ਦੇ ਰਿਸ਼ਤੇ ਦੀ ਭਿਣਕ ਲੱਗ ਗਈ ਸੀ। ਇਸ ਲਈ ਸੋਨੀ ਦੇ ਪਰਿਵਾਰ ਨੇ ਉਸ ਦਾ ਵਿਆਹ ਤੈਅ ਕਰ ਦਿੱਤਾ ਅਤੇ 15 ਫਰਵਰੀ ਨੂੰ ਉਸ ਦਾ ਵਿਆਹ ਹੋਣਾ ਸੀ ਪਰ ਵਿਆਹ ਤੋਂ ਇਕ ਦਿਨ ਪਹਿਲਾਂ ਯਾਨੀ ਕਿ 14 ਫਰਵਰੀ ਨੂੰ ਹੀ ਦੋਵੇਂ ਰਾਤ ਦੇ ਸਮੇਂ ਆਪਣੇ ਘਰੋਂ ਦੌੜ ਗਏ। ਘਰ ਵਿਚ ਵਿਆਹ ਦੀਆਂ ਤਿਆਰੀਆਂ ਸਨ ਪਰ ਕੁੜੀ ਘਰੋਂ ਗਾਇਬ ਸੀ। ਘਰ ਵਾਲਿਆਂ ਨੇ ਪਤਾ ਕੀਤਾ ਤਾਂ ਅੰਕਿਤ ਵੀ ਘਰ ਵਿਚੋਂ ਗਾਇਬ ਸੀ, ਇਸ ਲਈ ਸਮਝਣ ਵਿਚ ਦੇਰ ਨਹੀਂ ਲੱਗੀ ਕਿ ਦੋਵੇਂ ਘਰੋਂ ਇਕੱਠੇ ਦੌੜੇ ਹਨ।

ਇਕੱਠਿਆਂ ਨੇ ਕੀਤੀ ਖੁਦਕੁਸ਼ੀ

ਪੁਲਸ ਨੂੰ ਸੂਚਨਾ ਦਿੱਤੀ ਗਈ ਅਤੇ ਘਰ ਵਾਲੇ ਦੋਹਾਂ ਨੂੰ ਲੱਭਦੇ ਰਹੇ ਪਰ ਕਿਤੇ ਪਤਾ ਨਹੀਂ ਲੱਗਾ। ਬੁੱਧਵਾਰ ਦੀ ਸ਼ਾਮ ਨੂੰ ਘਾਟਮਪੁਰ ਤੋਂ ਕਈ ਕਿਲੋਮੀਟਰ ਦੂਰ ਸਜੇਤੀ ਦੇ ਇਕ ਟੁੱਟੇ ਮਕਾਨ ਵਿਚ ਦੋਵੇਂ ਇਕੋਂ ਦੁੱਪਟੇ ਨਾਲ ਲਟਕਦੇ ਮਿਲੇ। ਦੋਹਾਂ ਨੇ ਇਕੱਠਿਆਂ ਖੁਦਕੁਸ਼ੀ ਕਰ ਲਈ ਸੀ। ਪੁਲਸ ਨੇ ਦੋਹਾਂ ਦਾ ਪੰਚਨਾਮਾ ਕਰ ਕੇ ਲਾਸ਼ਾਂ ਪੋਸਟਮਾਰਟਮ ਲਈ ਭੇਜ ਦਿੱਤੀਆਂ। ਓਧਰ ਪੁਲਸ ਦੇ ਡੀ. ਸੀ. ਪੀ. ਮਹੇਸ਼ ਕੁਮਾਰ ਦਾ ਕਹਿਣਾ ਹੈ ਕਿ ਦੋਹਾਂ ਵਿਚਾਲੇ ਚਾਚਾ-ਭਤੀਜੀ ਦਾ ਰਿਸ਼ਤਾ ਸੀ। ਦੋਵੇਂ ਵਿਚ ਪ੍ਰੇਮ ਸਬੰਧ ਸਨ ਅਤੇ ਦੋਵੇਂ ਵਿਆਹ ਤੋਂ ਇਕ ਦਿਨ ਪਹਿਲਾਂ ਘਰੋਂ ਦੌੜ ਗਏ। ਹਾਲਾਂਕਿ ਘਰ ਵਾਲਿਆਂ ਨੇ ਕੋਈ ਸ਼ਿਕਾਇਤ ਨਹੀਂ ਕੀਤੀ ਹੈ।