ਪੀ. ਐੱਮ. ਮੋਦੀ ਬੋਲੇ— ਭਗਵਾਨ ਬੁੱਧ ਨੇ ਸ਼ਾਂਤੀ ਅਤੇ ਅਹਿੰਸਾ ਦਾ ਦਿੱਤਾ ਸੰਦੇਸ਼

ਨਵੀਂ ਦਿੱਲੀ— ਸੰਸਕ੍ਰਿਤੀ ਮੰਤਰਾਲਾ ਦੇ ਦੇਖ-ਰੇਖ ਵਿਚ ਅੱਜ ਯਾਨੀ ਕਿ ਸ਼ਨੀਵਾਰ ਨੂੰ ਕੌਮਾਂਤਰੀ ਬੌਧ ਸੰਘ, ਧਰਮ ਚੱਕਰ ਦਿਵਸ ਦੇ ਰੂਪ ਵਿਚ ਪੁੰਨਿਆ ਮਨਾਏਗਾ। ਅੱਜ ਦੇ ਦਿਨ ਮਹਾਤਮਾ ਬੁੱਧ ਨੇ ਆਪਣੇ ਪਹਿਲੇ 5 ਚੇਲਿਆਂ ਨੂੰ ਉਪਦੇਸ਼ ਦਿੱਤਾ ਸੀ। ਇਸ ਮੌਕੇ 'ਤੇ ਪੂਰੀ ਦੁਨੀਆ ਦੇ ਬੌਧ ਹਰ ਸਾਲ ਇਸ ਨੂੰ ਧਰਮ ਚੱਕਰ ਪਰਿਵਰਤਨ ਦਿਵਸ ਦੇ ਰੂਪ ਵਿਚ ਮਨਾਉਂਦੀ ਹੈ। ਇਸ ਦਰਮਿਆਨ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਵੀਡੀਓ ਕਾਨਫਰੰਸਿੰਗ ਜ਼ਰੀਏ ਦੇਸ਼ ਵਾਸੀਆਂ ਨੂੰ ਸੰਬੋਧਿਤ ਕੀਤਾ। ਉਨ੍ਹਾਂ ਕਿਹਾ ਕਿ ਮੈਂ ਅੱਜ ਪੁੰਨਿਆ ਮੌਕੇ 'ਤੇ ਸਾਰਿਆਂ ਨੂੰ ਵਧਾਈਆਂ ਦਿੰਦਾ ਹਾਂ, ਇਸ ਨੂੰ ਗੁਰੂ ਪੁੰਨਿਆ ਵੀ ਕਿਹਾ ਜਾਂਦਾ ਹੈ। ਅੱਜ ਸਾਡੇ ਗੁਰੂਆਂ ਨੂੰ ਯਾਦ ਕਰਨ ਦਾ ਦਿਨ ਹੈ, ਜਿਸ ਨੇ ਸਾਨੂੰ ਗਿਆਨ ਦਿੱਤਾ। ਉਸ ਭਾਵਨਾ ਵਿਚ ਅਸੀਂ ਉਨ੍ਹਾਂ ਨੂੰ ਸ਼ਰਧਾਂਜਲੀ ਭੇਟ ਕਰਦੇ ਹਾਂ। ਬੌਧ ਧਰਮ ਲੋਕਾਂ ਨੂੰ ਆਦਰ ਕਰਨਾ ਸਿਖਾਉਂਦਾ ਹੈ। ਸ਼ਾਂਤੀ ਅਤੇ ਅਹਿੰਸਾ ਦਾ ਆਦਰ ਕਰਨਾ ਬੁੱਧ ਵਲੋਂ ਸੀਖ ਅੱਜ ਵੀ ਪ੍ਰਚਲਿਤ ਹਨ। 

ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਕਿਹਾ ਕਿ ਗੌਤਮ ਬੁੱਧ ਨੇ ਸਾਰਨਾਥ ਵਿਚ ਦਿੱਤੇ ਗਏ ਆਪਣੇ ਪਹਿਲੇ ਉਪਦੇਸ਼ ਵਿਚ ਅਤੇ ਬਾਅਦ ਦੇ ਦਿਨਾਂ ਵਿਚ ਦੋ ਚੀਜ਼ਾਂ ਨੂੰ ਲੈ ਕੇ ਗੱਲ ਕੀਤੀ। ਆਸ ਅਤੇ ਉਦੇਸ਼, ਉਨ੍ਹਾਂ ਨੇ ਇਨ੍ਹਾਂ ਦੋਹਾਂ ਵਿਚਾਲੇ ਮਜ਼ਬੂਤ ਲਿੰਕ ਦੇਖਿਆ ਕਿਉਂਕਿ ਆਸ ਤੋਂ ਹੀ ਉਦੇਸ਼ ਪੈਦਾ ਹੁੰਦਾ ਹੈ। ਬੁੱਧ ਦਾ ਅੱਠ ਗੁਣਾ ਮਾਰਗ ਕਈ ਸਮਾਜ ਅਤੇ ਰਾਸ਼ਟਰਾਂ ਦੀ ਦਿਸ਼ਾ ਦਾ ਰਾਹ ਦਿਖਾਉਂਦਾ ਹੈ। ਇਹ ਦਇਆ ਦੇ ਮਹੱਤਵ 'ਤੇ ਪ੍ਰਕਾਸ਼ ਪਾਉਂਦਾ ਹੈ। ਬੁੱਧ ਦੀਆਂ ਸਿੱਖਿਆਵਾਂ ਵਿਚਾਰ ਅਤੇ ਕ੍ਰਿਰਿਆ ਦੋਵੇਂ ਹੀ ਸੌਖਾਈ ਦਾ ਜਸ਼ਨ ਮਨਾਉਂਦੀਆਂ ਹਨ। ਪ੍ਰਧਾਨ ਮੰਤਰੀ ਨੇ ਅੱਗੇ ਕਿਹਾ ਕਿ ਦੁਨੀਆ ਅੱਜ ਅਸਾਧਾਰਣ ਚੁਣੌਤੀਆਂ ਦਾ ਮੁਕਾਬਲਾ ਕਰਦੀ ਹੈ, ਇਨ੍ਹਾਂ ਚੁਣੌਤੀਆਂ ਲਈ ਸਥਾਈ ਹੱਲ ਭਗਵਾਨ ਬੁੱਧ ਦੇ ਆਦਰਸ਼ਾਂ ਵਲੋਂ ਆ ਸਕਦੇ ਹਨ।