JK : ਘਾਟੀ ''ਚ ਹੜਤਾਲ ਨਾਲ ਆਮ ਜਨਜੀਵਨ ਬੁਰੀ ਤਰ੍ਹਾਂ ਪ੍ਰਭਾਵਿਤ

ਸ਼੍ਰੀਨਗਰ— ਨਾਗਰਿਕਾਂ ਅਤੇ ਸੀਨੀਅਰ ਪੱਤਰਕਾਰ ਸੁਜਾਤ ਬੁਖਾਰੀ ਦੀ ਹੱਤਿਆ ਦੇ ਵਿਰੋਧ 'ਚ ਵੱਖਵਾਦੀ ਨੇਤਾਵਾਂ ਦੇ ਬੰਦ ਦੀ ਅਪੀਲ 'ਤੇ ਕਸ਼ਮੀਰ ਘਾਟੀ 'ਚ ਵੀਰਵਾਰ ਨੂੰ ਆਮ ਲੋਕਾਂ ਦੇ ਜੀਵਨ 'ਤੇ ਬੁਰੀ ਤਰ੍ਹਾਂ ਅਸਰ ਕੀਤਾ। ਹੜਤਾਲ ਦੌਰਾਨ ਮੱਦੇਨਜ਼ਰ ਕਿਸੇ ਵੀ ਵਿਰੋਧ ਦੇ ਡਰ ਨੂੰ ਦੇਖਦੇ ਹੋਏ ਭੀੜ ਵਾਲੇ ਇਲਾਕੇ ਸਥਿਤ ਇਤਿਹਾਸਕ ਜਾਮਾ ਮਸਜਿਦ ਨੂੰ ਬੰਦ ਰੱਖਿਆ ਗਿਆ। ਸ਼੍ਰੀਨਗਰ ਦੀਆਂ ਸੜਕਾਂ 'ਤੇ ਭਾਰੀ ਸੁਰੱਖਿਆ ਫੋਰਸ ਨੂੰ ਤਾਇਨਾਤ ਕੀਤਾ ਗਿਆ, ਜਦੋਕਿ ਸ਼ਹਿਰ ਦੇ ਕਿਸੇ ਹੋਰ ਇਲਾਕੇ 'ਚ ਕਿਸੇ ਪ੍ਰਕਾਰ ਦੀ ਕੋਈ ਪਾਬੰਦੀ ਨਹੀਂ ਲਗਾਈ ਗਈ ਸੀ। 'ਰਾਈਜਿੰਗ ਕਸ਼ਮੀਰ' ਦੇ ਮੁੱਖ ਸੰਪਾਦਕ ਅਤੇ ਸੀਨੀਅਰ ਪੱਤਰਕਾਰ ਸ਼੍ਰੀ ਬੁਖਾਰੀ ਦੀ ਈਦ ਤੋਂ ਇਕ ਦਿਨ ਪਹਿਲਾਂ ਸ਼ਰੇਆਮ ਹੱਤਿਆ ਕਰ ਦਿੱਤੀ ਗਈ ਸੀ। ਹੜਤਾਲ ਦੇ ਕਾਰਨ ਕਾਰੋਬਾਰ 'ਤੇ ਅਸਰ ਦਿਖਾਈ ਦਿੱਤਾ। ਭੀੜ ਵਾਲੇ ਇਲਾਕੇ ਅਤੇ ਸ਼ਹਿਰ-ਏ-ਖਾਸ 'ਚ ਸੜਕਾਂ 'ਤੇ ਸਨਾਟਾ ਫੈਲਿਆ ਦਿਖਾਈ ਦਿੱਤਾ। ਲਾਲ ਚੌਂਕ, ਬੁੱਧਸ਼ਾਹ ਚੌਕ, ਰੀਗਲ ਚੌਕ, ਮੈਸੁਮਾ, ਹਰੀ ਸਿੰਘ ਹਾਈ ਸਟ੍ਰੀਟ, ਬਟਮਾਲੂ, ਮੌਲਾਨਾ ਆਜ਼ਾਦ ਰੋਡ, ਰੇਜੀਡੇਂਸ ਰੋਡ ਅਤੇ ਡਲਗੋਟ ਸਮੇਤ ਸ਼ਹਿਰ ਦੇ ਹੋਰ ਇਲਾਕਿਆਂ 'ਚ ਕਾਰੋਬਾਰ ਅਤੇ ਆਮ ਗਤੀਵਿਧੀਆਂ ਬੁਰਾ ਅਸਰ ਪਿਆ। ਸੁਰੱਖਿਆ ਕਾਰਨਾਂ ਨਾਲ ਘਾਟੀ 'ਚ ਵੀਰਵਾਰ ਨੂੰ ਟ੍ਰੇਨ ਸੇਵਾਵਾਂ ਫਿਰ ਮੁਲਤਵੀ ਰਹੀਆਂ। ਬੁਖਾਰੀ ਅਤੇ ਨਾਗਰਿਕਾਂ ਦੀ ਹੱਤਿਆ ਦੇ ਵਿਰੋਧ 'ਚ ਸੈਯਦ ਅਲੀ ਸ਼ਾਹ ਗਿਲਾਨੀ, ਮੀਰਵਾਇਜ਼ ਮੌਲਵੀ, ਉਮਰ ਫਾਰੂਖ ਅਤੇ ਮੁਹੰਮਦ ਯਾਸੀਨ ਮਲਿਕ ਦੇ ਵੱਖਵਾਦੀ ਨੇਤਾਵਾਂ ਦੇ ਸਮੂਹ ਨੇ ਹੜਤਾਲ ਦੀ ਅਪੀਲ ਕੀਤੀ ਸੀ।
ਅਨੰਤਨਾਗ, ਕੁਲਗਾਮ, ਪੁਲਵਾਮਾ ਅਤੇ ਸ਼ੋਪੀਆਂ 'ਚ ਕਾਰੋਬਾਰੀ ਅਤੇ ਹੋਰ ਗਤੀਵਿਧੀਆਂ ਬੁਰੀ ਤਰ੍ਹਾਂ ਪ੍ਰਭਾਵਿਤ ਨਜ਼ਰ ਆਈਆਂ। ਕਿਸੇ ਵੀ ਪ੍ਰਕਾਰ ਦੇ ਵਿਰੋਧ ਨਾਲ ਨਜਿੱਠਣ ਲਈ ਸ਼੍ਰੀਨਗਰ, ਜੰਮੂ-ਰਾਸ਼ਟਰੀ ਮਾਰਗ 'ਤੇ ਵੀ ਭਾਰੀ ਸੁਰੱਖਿਆ ਫੋਰਸ ਤਾਇਨਾਤ ਕੀਤੀ ਗਈ ਹੈ।