ਜੰਮੂ-ਕਸ਼ਮੀਰ ਦੀਆਂ ਪੰਚਾਇਤਾਂ ਦੇਸ਼ ਲਈ ਵਿਕਾਸ ਦਾ ਨਵਾਂ ਆਦਰਸ਼ ਬਣਨਗੀਆਂ: ਮਨੋਜ ਸਿਨਹਾ

ਸ਼੍ਰੀਨਗਰ- ਜੰਮੂ-ਕਸ਼ਮੀਰ ਦੇ ਉੱਪ ਰਾਜਪਾਲ ਮਨੋਜ ਸਿਨਹਾ ਨੇ ਸ਼ਨੀਵਾਰ ਨੂੰ ਕਿਹਾ ਕਿ ਮੇਰਾ ਸੁਫ਼ਨਾ ਹੈ ਕਿ ਜੰਮੂ-ਕਸ਼ਮੀਰ ਦੀਆਂ ਪੰਚਾਇਤਾਂ ਪੂਰੇ ਦੇਸ਼ 'ਚ ਵਿਕਾਸ ਦਾ ਨਵਾਂ ਆਦਰਸ਼ ਬਣਨ। ਇਹ ਮੇਰਾ ਵਾਅਦਾ ਹੈ ਅਤੇ ਮੈਂ ਇਸ ਨੂੰ ਪੂਰਾ ਕਰਨ ਲਈ ਦਿਨ-ਰਾਤ ਕੰਮ ਕਰਾਂਗਾ। ਉਨ੍ਹਾਂ ਨੇ ਕਿਹਾ ਕਿ ਜੰਮੂ-ਕਸ਼ਮੀਰ ਲਈ ਤਿਆਰ ਕੀਤੀ ਜਾ ਰਹੀਆਂ ਉਦਯੋਗਿਕ ਨੀਤੀਆਂ ਪੂਰੇ ਦੇਸ਼ 'ਚ ਸਰਵਸ਼੍ਰੇਸ਼ਠ ਹੋਣਗੀਆਂ। ਜਲਦ ਹੀ ਇਸ ਦਾ ਐਲਾਨ ਕੀਤਾ ਜਾਵੇਗਾ ਅਤੇ ਇਹ ਜੰਮੂ-ਕਸ਼ਮੀਰ ਦੇ ਪੇਂਡੂ ਇਲਾਕਿਆਂ 'ਚ ਆਰਥਿਕ ਸਮਾਜਿਕ ਜੀਵਨ ਨੂੰ ਪੂਰੀ ਤਰ੍ਹਾਂ ਬਦਲ ਕਰ ਰੱਖ ਦੇਣਗੀਆਂ। 

ਸਿਨਹਾ ਉੱਤਰ ਕਸ਼ਮੀਰ ਦੇ ਜ਼ਿਲ੍ਹਾ ਬਾਂਦੀਪੋਰਾ ਦੇ ਨੇਸਬਲ ਪੰਚਾਇਤ ਹੈੱਡ ਕੁਆਰਟਰ 'ਚ ਪਿੰਡ ਵਲੋਂ ਮੁਹਿੰਮ ਬੀ2ਵੀ3 ਦੇ ਅਧੀਨ ਆਯੋਜਿਤ ਇਕ ਸਮਾਰੋਹ 'ਚ ਜਨ ਭਾਈਚਾਰੇ ਨੂੰ ਸੰਬੋਧਨ ਕਰ ਰਹੇ ਸਨ। ਪਿੰਡ ਵਲੋਂ ਪ੍ਰੋਗਰਾਮ ਦੇ ਤੀਜੇ ਪੜਾਅ ਦਾ ਸ਼ਨੀਵਾਰ ਨੂੰ ਦੂਜਾ ਦਿਨ ਸੀ। ਪਹਿਲਾ ਦਿਨ ਉਨ੍ਹਾਂ ਨੇ ਸ਼ੋਪੀਆਂ 'ਚ ਬਿਤਾਇਆ ਸੀ। ਬਾਂਦੀਪੋਰਾ 'ਚ ਉਨ੍ਹਾਂ ਨੇ ਸਥਾਨਕ ਪੰਚ-ਸਰਪੰਚਾਂ ਅਤੇ ਜਨ ਪ੍ਰਤੀਨਿਧੀਮੰਡਲਾਂ ਨਾਲ ਮੁਲਾਕਾਤ ਕੀਤੀ। ਉੱਪ ਰਾਜਪਾਲ ਨੇ ਕਿਹਾ ਕਿ ਬੀ2ਵੀ3 ਪ੍ਰੋਗਰਾਮ ਉਦੋਂ ਸਫ਼ਲ ਹੋਵੇਗਾ, ਜਦੋਂ ਲੋਕ ਇਸ 'ਚ ਖੁੱਲ੍ਹ ਕੇ ਹਿੱਸਾ ਲੈਣਗੇ। ਇਹ ਸਿਰਫ਼ ਮੰਗਣ-ਪ੍ਰਦਾਨ ਕਰਨ ਤੱਕ ਸੀਮਿਤ ਨਹੀਂ ਹੈ, ਇਹ ਪ੍ਰਸ਼ਾਸਨ ਨੂੰ ਜਨਤਾ ਤੱਕ ਪਹੁੰਚਾਉਣ ਅਤੇ ਪੰਚਾਇਤਾਂ ਨੂੰ ਮਜ਼ਬੂਤ ਬਣਾਉਣ ਦਾ ਮਿਸ਼ਨ ਹੈ।

ਨੌਜਵਾਨਾਂ ਨੂੰ ਦਿੱਤਾ 5-5 ਲੱਖ ਰੁਪਏ ਦਾ ਚੈੱਕ
ਉੱਪ ਰਾਜਪਾਲ ਨੇ ਪ੍ਰਦੇਸ਼ ਦੀ ਹਰੇਕ ਪੰਚਾਇਤ 'ਚ ਘੱਟੋ-ਘੱਟ 2 ਸਿੱਖਿਅਕ ਨੌਜਵਾਨਾਂ ਨੂੰ ਚਿੰਨ੍ਹਿਤ ਕਰ ਕੇ ਉਨ੍ਹਾਂ ਨੂੰ ਉੱਦਮਸ਼ੀਲਤਾ ਲਈ ਉਤਸ਼ਾਹਤ ਕਰਨ ਦੇ ਆਪਣੇ ਵਾਅਦੇ ਨੂੰ ਅੱਗੇ ਵਧਾਉਂਦੇ ਹੋਏ ਨੇਸਬਲ ਦੇ 2 ਨੌਜਵਾਨਾਂ ਨੂੰ 5-5 ਲੱਖ ਰੁਪਏ ਦਾ ਕਰਜ਼ਾ ਚੈੱਕ ਭੇਟ ਕੀਤਾ। ਇਸ ਯੋਜਨਾ ਦੇ ਅਧੀਨ ਪੂਰੇ ਪ੍ਰਦੇਸ਼ 'ਚ 8 ਹਜ਼ਾਰ ਤੋਂ ਵੱਧ ਨੌਜਵਾਨਾਂ ਨੂੰ ਲਾਭ ਹੋਵੇਗਾ। 

ਵੁਲੱਰ ਝੀਲ ਦੀ ਸੁਰੱਖਿਆ ਬਾਰੇ ਕੀਤੀ ਗੱਲ
ਵੁਲੱਰ ਝੀਲ ਦੀ ਸੁਰੱਖਿਆ ਦਾ ਜ਼ਿਕਰ ਕਰਦੇ ਹੋਏ ਉੱਪ ਰਾਜਪਾਲ ਨੇ ਕਿਹਾ ਕਿ ਇਸ ਦੀ ਸੁਰੱਖਿਆ ਅਤੇ ਸਥਿਤੀ ਸੰਤੁਲਨ ਨੂੰ ਯਕੀਨੀ ਬਣਾਉਣ ਲਈ ਮਾਹਰਾਂ ਦੀ ਮਦਦ ਲਈ ਜਾਵੇਗੀ। ਦੁਨੀਆ ਭਰ 'ਚ ਸੈਲਾਨੀਆਂ ਦੇ ਆਕਰਸ਼ਨ ਦਾ ਕੇਂਦਰ ਵੁਲੱਰ ਨੂੰ ਫਿਰ ਤੋਂ ਉਸ ਦਾ ਗਵਾਚਿਆ ਰੂਪ ਦਿਵਾਉਣ ਲਈ ਕੰਮ ਸ਼ੁਰੂ ਹੋਵੇਗਾ। 

ਕੋਰੋਨਾ ਡਿਊਟੀ ਦੌਰਾਨ ਮਾਰੇ ਗਏ ਡਾਕਟਰ ਦੇ ਬੱਚਿਆਂ ਦੀ ਸਿੱਖਿਆ ਲਈ ਦਿੱਤੇ ਪੈਸੇ
ਉੱਪ ਰਾਜਪਾਲ ਨੇ ਕੋਵਿਡ ਡਿਊਟੀ ਨਿਭਾਉਂਦੇ ਹੋਏ ਮਾਰੇ ਗਏ ਡਾ. ਸ਼ਬੀਰ ਦੇ ਬੱਚਿਆਂ ਦੀ ਸਿੱਖਿਆ ਲਈ 1.20 ਲੱਖ ਰੁਪਏ ਪ੍ਰਦਾਨ ਕੀਤੇ। ਉੱਪ ਰਾਜਪਾਲ ਨੇ 20 ਟੀਮਾਂ 'ਚ ਖੇਡ ਸਮੱਗਰੀ ਵੀ ਵੰਡੀ।