ਫਰਾਰ ਸਿਲਸਿਲੇਵਾਰ ਬੰਬ ਧਮਾਕਿਆਂ ਦਾ ਦੋਸ਼ੀ ਜਲੀਸ ਅੰਸਾਰੀ ਕਾਨਪੁਰ ਤੋਂ ਗ੍ਰਿਫਤਾਰ

ਲਖਨਊ — ਮੁੰਬਈ ਸੀਰੀਅਲ ਧਮਾਕਾ 1993 ਦਾ ਦੋਸ਼ੀ ਅਤੇ 'ਡਾਕਟਰ ਬੰਬ' ਦੇ ਨਾਮ ਤੋਂ ਮਸ਼ਹੂਰ ਅਪਰਾਧੀ ਜਲੀਸ ਅੰਸਾਰੀ ਨੂੰ ਯੂ.ਪੀ. ਪੁਲਸ ਦੀ ਸਪੈਸ਼ਲ ਟਾਸਕ ਫੋਰਸ ਨੇ ਕਾਰਪੁਰ ਤੋਂ ਗ੍ਰਿਫਤਾਰ ਕਰ ਲਿਆ ਹੈ। ਸੀਰੀਅਲ ਧਮਾਕਿਆਂ ਦਾ ਦੋਸ਼ੀ ਜਲੀਸ ਅੰਸਾਰੀ ਜੋ ਪੈਰੋਲ 'ਤੇ ਬਾਹਰ ਆਇਆ ਸੀ ਅਤੇ ਉਸ ਦੇ ਪਰਿਵਾਰ ਨੇ ਮੁੰਬਈ 'ਚ ਵੀਰਵਾਰ ਨੂੰ ਲਾਪਤਾ ਹੋਣ ਦੀ ਸ਼ਿਕਾਇਤ ਦਰਜ ਕੀਤੀ ਸੀ। ਉੱਤਰ ਪ੍ਰਦੇਸ਼ ਦੇ ਡੀ.ਜੀ.ਪੀ. ਓ.ਪੀ. ਸਿੰਘ ਨੇ ਦੱਸਿਆ ਕਿ ਜਲੀਸ ਅੰਸਾਰੀ ਨੂੰ ਉਦੋਂ ਫੜ੍ਹਿਆ ਗਿਆ ਜਦੋਂ ਉਹ ਕਾਨਪੁਰ ਦੀ ਇਕ ਮਸਜਿਦ ਤੋਂ ਵਾਪਸ ਪਰਤ ਰਿਹਾ ਸੀ। ਉਦੋਂ ਉਸ ਨੂੰ ਲਖਨਊ ਲਿਜਾਇਆ ਜਾਵੇਗਾ। ਯੂ.ਪੀ. ਪੁਲਸ ਲਈ ਇਹ ਵੱਡੀ ਪ੍ਰਾਪਤੀ ਹੈ।

UP DGP OP Singh: Jalees Ansari (serial blasts convict who was out on parole when a missing complaint was filed by his family y'day in Mumbai) has been arrested when he was coming out from a mosque in Kanpur. He has been brought to Lucknow. It's big achievement of UP Police. pic.twitter.com/olY5PeTycC

— ANI UP (@ANINewsUP) January 17, 2020

ਅੰਸਾਰੀ ਸਥਾਈ ਰੂਪ ਨਾਲ ਯੂ.ਪੀ. ਦੇ ਸੰਤ ਕਬੀਰ ਨਗਰ ਜ਼ਿਲੇ ਦਾ ਨਿਵਾਸੀ ਹੈ। ਪੁਲਸ ਦਾ ਕਹਿਣਾ ਹੈ ਕਿ ਅੰਸਾਰੀ ਨੇਪਾਲ ਦੇ ਰਾਸਤੇ ਦੇਸ਼ ਤੋਂ ਭੱਜਣ ਦੀ ਫਿਰਾਕ 'ਚ ਸੀ। ਉਨ੍ਹਾਂ ਕਿਹਾ ਕਿ ਐੱਸ.ਟੀ.ਐੱਫ. ਦੇ ਸੀਨੀਅਰ ਅਧਿਕਾਰੀ ਨੂੰ ਗੁਪਤ ਸੂਚਨਾ ਮਿਲਣ 'ਤੇ ਗ੍ਰਿਫਤਾਰ ਕੀਤਾ ਗਿਆ। ਅੰਸਾਰੀ ਉਮਰ ਕੈਦ ਦੀ ਸਜ਼ਾ ਕੱਟ ਰਿਹਾ ਹੈ ਅਤੇ ਉਸ 'ਤੇ ਦੇਸ਼ ਭਰ 'ਚ ਕਈ ਬੰਬ ਧਮਾਕੇ ਮਾਮਲਿਆਂ 'ਚ ਸ਼ਾਮਲ ਹੋਣ ਦਾ ਸ਼ੱਕ ਹੈ। ਅਧਿਕਾਰੀ ਨੇ ਕਿਹਾ ਕਿ ਅੰਸਾਰੀ ਕਥਿਤ ਤੌਰ 'ਤੇ ਸਿਮੀ ਅਤੇ ਇੰਡੀਅਨ ਮੁਜਾਹਿਦੀਨ ਵਰਗੇ ਅੱਤਵਾਦੀ ਸੰਗਠਨਾਂ ਨਾਲ ਜੁੜਿਆ ਸੀ।