ਜਗਨਨਾਥ ਮੰਦਰ ਨੇ ਬਣਾਇਆ ਰਿਕਾਰਡ, ਉਦਘਾਟਨ ਦੇ 8 ਮਹੀਨਿਆਂ ਅੰਦਰ ਪਹੁੰਚੇ ਇਕ ਕਰੋੜ ਸ਼ਰਧਾਲੂ

ਕੋਲਕਾਤਾ- ਪੱਛਮੀ ਬੰਗਾਲ ਦੇ ਪੂਰਬ ਮੋਦਿਨੀਪੁਰ ਜ਼ਿਲ੍ਹੇ ਦੇ ਦੀਘਾ 'ਚ ਸਥਿਤ ਜਗਨਨਾਥ ਮੰਦਰ ਦੇ ਉਦਘਾਟਨ ਦੇ ਸਿਰਫ਼ 8 ਮਹੀਨਿਆਂ ਅੰਦਰ ਇੱਥੇ ਆਉਣ ਵਾਲੇ ਸ਼ਰਧਾਲੂਆਂ ਦੀ ਗਿਣਤੀ ਇਕ ਕਰੋੜ ਪਹੁੰਚ ਗਈ ਹੈ। ਮੰਦਰ ਅਧਿਕਾਰੀਆਂ ਨੇ ਸੋਮਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ਕੋਲਕਾਤਾ ਦੇ ਟਾਲੀਗੰਜ ਇਲਾਕੇ ਦੇ ਵਾਸੀ ਕਾਕੋਲੀ ਜਾਨਾ ਦੇ ਐਤਵਾਰ ਨੂੰ ਇੱਥੇ ਪਹੁੰਚਣ ਦੇ ਨਾਲ ਹੀ ਇੱਥੇ ਆਉਣ ਵਾਲੇ ਸ਼ਰਧਾਲੂਆਂ ਦੀ ਗਿਣਤੀ ਇਕ ਕਰੋੜ ਹੋ ਗਈ। ਇਸ ਮੌਕੇ ਮੰਦਰ ਅਧਿਕਾਰੀਆਂ ਨੇ ਉਨ੍ਹਾਂ ਨੂੰ ਅਤੇ ਉਨ੍ਹਾਂ ਦੇ ਪਰਿਵਾਰ ਨੂੰ 'ਵਿਸ਼ੇਸ਼ ਦਰਸ਼ਨ' ਕਰਵਾਏ ਅਤੇ 'ਮਹਾਪ੍ਰਾਸਦ' ਅਤੇ ਹੋਰ ਪਵਿੱਤਰ ਭੇਂਟ ਪ੍ਰਦਾਨ ਕੀਤੀਆਂ। 

ਦੀਘਾ ਜਗਨਨਾਥ ਧਾਮ ਦੇ ਮੁੱਖ ਪੁਜਾਰੀ ਅਤੇ ਨਿਆਸੀ ਰਾਧਾਰਮਨ ਦਾਸ ਨੇ ਕਿਹਾ ਕਿ ਇਹ ਉਪਲੱਬਧੀ ਭਗਵਾਨ ਜਗਨਨਾਥ ਦੇ ਪ੍ਰਤੀ ਵਧਦੀ ਗਲੋਬਲ ਆਸਥਾ ਅਤੇ ਮੰਦਰ ਦੀ ਸਮਾਵੇਸ਼ੀ ਭਾਵਨਾ ਨੂੰ ਦਰਸਾਉਂਦੀ ਹੈ। ਉਨ੍ਹਾਂ ਕਿਹਾ,''ਇਕ ਕਰੋੜ ਭਗਤਾਂ ਦਾ ਆਗਮਨ ਸਿਰਫ਼ ਇਕ ਸੰਖਿਆਤਮਕ ਉਪਲੱਬਧੀ ਨਹੀਂ ਹੈ ਸਗੋਂ ਇਹ ਭਗਵਾਨ ਜਗਨਨਾਥ ਦੀ ਸਾਰਵਭੌਮਿਕ ਸਵੀਕ੍ਰਿਤੀ ਦਾ ਪ੍ਰਤੀਬਿੰਬ ਹੈ।'' ਉਨ੍ਹਾਂ ਕਿਹਾ ਕਿ ਇਹ ਮੰਦਰ ਵੱਖ-ਵੱਖ ਦੇਸ਼ਾਂ ਅਤੇ ਸੰਸਕ੍ਰਿਤੀਆਂ ਦੇ ਭਗਤਾਂ ਦਾ ਮਿਲਣ ਸਥਾਨ ਬਣ ਗਿਆ ਹੈ। ਇਸ ਸਾਲ 30 ਅਪ੍ਰੈਲ ਨੂੰ ਮੰਦਰ ਦੇ ਉਦਘਾਟਨ ਦੇ ਬਾਅਦ ਤੋਂ ਦੀਘਾ 'ਚ, ਜਿਸ ਨੂੰ ਰਵਾਇਤੀ ਰੂਪ ਨਾਲ ਸਿਰਫ਼ ਇਕ ਮੌਸਮੀ ਸਮੁੰਦਰੀ ਸੈਰ-ਸਪਾਟਾ ਸਥਾਨ ਮੰਨਿਆ ਜਾਂਦਾ ਸੀ,  ਹੁਣ ਸਾਲ ਭਰ ਸੈਲਾਨੀਆਂ ਦੀ ਭੀੜ ਦੇਖੀ ਜਾ ਰਹੀ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

Whatsapp Channel: https://whatsapp.com/channel/0029Va94hsaHAdNVur4L170e