ਇਕ ਦੌਰ ਸੀ ਜਦੋਂ ਹਰਿਆਣਾ ''ਚ ਵੱਜਦਾ ਸੀ ਇਨੈਲੋ ਦਾ ''ਡੰਕਾ''

ਅੰਬਾਲਾ (ਸੁਮਨ ਭਟਨਾਗਰ)- 2019 ਤੋਂ ਪਹਿਲਾਂ ਇੰਡੀਅਨ ਨੈਸ਼ਨਲ ਲੋਕ ਦਲ (ਇਨੈਲੋ) ਸੂਬੇ ਦੀ ਇਕ ਤਾਕਤਵਰ ਸਿਆਸੀ ਪਾਰਟੀ ਸੀ, ਜਿਸ ਦਾ ਸੱਤਾ ਅਤੇ ਵਿਰੋਧੀ ਧਿਰ 'ਚ ਰਹਿੰਦੇ ਹੋਏ ਵੀ ਡੰਕਾ ਵੱਜਦਾ ਸੀ। ਹਰਿਆਣਾ ਵਿਚ ਉਹ ਕਈ ਵਾਰ ਸੱਤਾ ਵਿਚ ਰਹੀ ਅਤੇ ਕਈ ਵਾਰ ਮੁੱਖ ਵਿਰੋਧੀ ਪਾਰਟੀ ਵੀ ਰਹੀ। ਇਕ ਸਮਾਂ ਸੀ ਜਦੋਂ ਇਹ ਪੇਂਡੂ ਖੇਤਰਾਂ ਵਿਚ ਪ੍ਰਸਿੱਧ ਸੀ। ਅੱਜ ਹਾਲਾਤ ਅਜਿਹੇ ਹਨ ਕਿ ਇਸ ਦੀ ਹੋਂਦ ਵੀ ਖ਼ਤਰੇ ਵਿਚ ਹੈ। 2014 ਦੀਆਂ ਵਿਧਾਨ ਸਭਾ ਚੋਣਾਂ ਵਿਚ ਇਨੈਲੋ ਨੇ 19, 2009 ਵਿਚ 31 ਅਤੇ 2000 ਵਿਚ 47 ਸੀਟਾਂ ਜਿੱਤੀਆਂ ਸਨ। 1999 ਵਿਚ ਇੱਕ ਸਮਾਂ ਅਜਿਹਾ ਆਇਆ ਜਦੋਂ ਇਨੈਲੋ ਨੇ 5 ਲੋਕ ਸਭਾ ਸੀਟਾਂ ਜਿੱਤੀਆਂ ਸਨ।

ਇਹ ਵੀ ਪੜ੍ਹੋ - ਕਰਨਾਟਕ ਦੇ ਕਲਬੁਰਗੀ ਹਵਾਈ ਅੱਡੇ 'ਤੇ ਫੈਲੀ ਸਨਸਨੀ, ਮਿਲੀ ਬੰਬ ਦੀ ਧਮਕੀ, ਫਲਾਈਟ ਤੋਂ ਉਤਾਰੇ ਯਾਤਰੀ

ਇਕ ਖੇਤਰੀ ਪਾਰਟੀ ਹੋਣ ਦੇ ਬਾਵਜੂਦ ਲੰਬੇ ਸਮੇਂ ਤੋਂ ਸੂਬੇ ਦੀ ਸਿਆਸਤ ਵਿਚ ਇਨੈਲੋ ਦਾ ਰੁਤਬਾ ਕਿਸੇ ਵੀ ਕੌਮੀ ਪਾਰਟੀ ਨਾਲੋਂ ਘੱਟ ਨਹੀਂ ਸੀ। ਇਸ ਦੇ ਸੰਸਥਾਪਕ ਅਤੇ ਸਰਵਉੱਚ ਨੇਤਾ ਤਾਊ ਦੇਵੀ ਲਾਲ ਦੇਸ਼ ਦੇ ਉਪ ਪ੍ਰਧਾਨ ਮੰਤਰੀ ਸਨ ਅਤੇ ਕਈ ਦਹਾਕਿਆਂ ਤੋਂ ਸੰਯੁਕਤ ਪੰਜਾਬ ਦੇ ਸਮੇਂ ਤੋਂ ਪ੍ਰਦੇਸ਼ ਦੀ ਸਿਆਸਤ 'ਚ ਮਜ਼ਬੂਤ ਪ੍ਰਭਾਵ ਰੱਖਦੇ ਸਨ। ਬਾਅਦ ਵਿਚ ਉਨ੍ਹਾਂ ਦੀ ਸਿਆਸੀ ਵਿਰਾਸਤ ਓਮ ਪ੍ਰਕਾਸ਼ ਚੌਟਾਲਾ ਨੇ ਸੰਭਾਲੀ। ਹੁਣ ਇਨੈਲੋ ਦੀ ਕਮਾਨ ਅਭੈ ਚੌਟਾਲਾ ਦੇ ਹੱਥਾਂ ਵਿਚ ਹੈ, ਜੋ ਵਿਧਾਨ ਸਭਾ ਦੇ ਅੰਦਰ ਅਤੇ ਬਾਹਰ ਇਕ ਤਾਕਤਵਰ ਅਤੇ ਜੁਝਾਰੂ ਆਗੂ ਵਜੋਂ ਵੱਖਰੀ ਪਛਾਣ ਰੱਖਦੇ ਹਨ। 

ਅਕਤੂਬਰ 2018 'ਚ ਗੋਹਾਨਾ 'ਚ ਇਨੈਲੋ ਦੀ ਰੈਲੀ 'ਚ ਓਮ ਪ੍ਰਕਾਸ਼ ਚੌਟਾਲਾ ਦੇ ਪੋਤੇ ਦੁਸ਼ਯੰਤ ਚੌਟਾਲਾ ਅਤੇ ਉਨ੍ਹਾਂ ਦੇ ਛੋਟੇ ਭਰਾ ਦਿਗਵਿਜੇ ਚੌਟਾਲਾ ਦੇ ਸਮਰਥਕਾਂ ਨੇ ਅਭੈ ਚੌਟਾਲਾ ਦੇ ਖਿਲਾਫ ਨਾਅਰੇਬਾਜ਼ੀ ਕੀਤੀ ਸੀ, ਜਿਸ ਕਾਰਨ ਓਮ ਪ੍ਰਕਾਸ਼ ਚੌਟਾਲਾ ਪਰੇਸ਼ਾਨ ਹੋ ਗਏ ਸਨ ਅਤੇ ਉਨ੍ਹਾਂ ਨੇ ਦੁਸ਼ਯੰਤ ਅਤੇ ਚੌਟਾਲਾ 'ਤੇ ਅਨੁਸ਼ਾਸਨਹੀਣਤਾ ਦਾ ਦੋਸ਼ ਲਗਾਇਆ ਸੀ ਅਤੇ ਪਾਰਟੀ 'ਚੋਂ ਕੱਢ ਦਿੱਤਾ ਹੈ। ਬਾਅਦ ਵਿਚ ਉਨ੍ਹਾਂ ਦੇ ਪਿਤਾ ਅਜੈ ਚੌਟਾਲਾ ਨੂੰ ਵੀ ਬਾਹਰ ਦਾ ਰਸਤਾ ਦਿਖਾ ਦਿੱਤਾ ਗਿਆ। ਦਸੰਬਰ 2018 ਵਿਚ ਅਜੇ ਅਤੇ ਉਸਦੇ ਦੋ ਪੁੱਤਰਾਂ ਨੇ ਜਨਨਾਇਕ ਜਨਤਾ ਪਾਰਟੀ ਬਣਾਈ।

ਇਹ ਵੀ ਪੜ੍ਹੋ - ਪੇਪਰ ਲੀਕ ਮਾਮਲੇ ਦੀ ਜਾਂਚ ਲਈ ਨਵਾਦਾ ਪੁੱਜੀ CBI ਟੀਮ 'ਤੇ ਹਮਲਾ, ਵਾਹਨਾਂ ਦੀ ਕੀਤੀ ਭੰਨਤੋੜ, 4 ਲੋਕ ਗ੍ਰਿਫ਼ਤਾਰ

ਕੁਝ ਮਹੀਨਿਆਂ ਬਾਅਦ 2019 ਦੀਆਂ ਲੋਕ ਸਭਾ ਅਤੇ ਵਿਧਾਨ ਸਭਾ ਚੋਣਾਂ ਆ ਗਈਆਂ। ਅਜੇ ਚੌਟਾਲਾ ਅਤੇ ਉਨ੍ਹਾਂ ਦੇ ਦੋ ਪੁੱਤਰਾਂ ਨੂੰ ਪਾਰਟੀ 'ਚੋਂ ਕੱਢੇ ਜਾਣ ਨੂੰ ਲੈ ਕੇ ਇਨੈਲੋ ਵਰਕਰਾਂ 'ਚ ਭਾਰੀ ਰੋਸ ਸੀ। ਇਨੈਲੋ ਦੇ ਕਈ ਖ਼ਾਸਕਰ ਨੌਜਵਾਨ ਵਰਕਰ ਜੇਜੇਪੀ ਵਿਚ ਸ਼ਾਮਲ ਹੋ ਗਏ ਅਤੇ 2019 ਦੀਆਂ ਵਿਧਾਨ ਸਭਾ ਚੋਣਾਂ 'ਚ ਇਨੈਲੋ ਨੂੰ ਕੁੱਲ ਇਕ ਸੀਟ ਅਤੇ 2.5 ਫ਼ੀਸਦੀ ਵੋਟਾਂ ਮਿਲੀਆਂ। 2014 ਦੀਆਂ ਵਿਧਾਨ ਸਭਾ ਚੋਣਾਂ ਵਿਚ ਉਹਨਾਂ ਕੋਲ 19 ਸੀਟਾਂ ਸਨ ਅਤੇ ਲਗਭਗ 24 ਫ਼ੀਸਦੀ ਵੋਟ ਸ਼ੇਅਰ ਸਨ। ਦੂਜੇ ਪਾਸੇ ਨਵੀਂ ਪਾਰਟੀ ਜੇਜੇਪੀ ਨੂੰ 10 ਸੀਟਾਂ ਮਿਲੀਆਂ ਅਤੇ ਉਸ ਦਾ ਵੋਟ ਸ਼ੇਅਰ ਕਰੀਬ 15 ਫ਼ੀਸਦੀ ਰਿਹਾ। ਇਹ ਇਨੈਲੋ ਲਈ ਵੱਡਾ ਝਟਕਾ ਸੀ ਅਤੇ ਜੇਜੇਪੀ ਲਈ ਇਕ ਸੰਜੀਵਨੀ। 

ਇਹ ਵੀ ਪੜ੍ਹੋ - ਵੱਡੀ ਖ਼ਬਰ : PM ਕਿਸਾਨ ਯੋਜਨਾ ਦੀ 17ਵੀਂ ਕਿਸ਼ਤ ਜਾਰੀ, ਕਿਸਾਨਾਂ ਦੇ ਖਾਤਿਆਂ 'ਚ ਆਏ 2-2 ਹਜ਼ਾਰ ਰੁਪਏ

ਹਾਰ ਤੋਂ ਬਾਅਦ ਨਿਰਾਸ਼ ਨਹੀਂ ਹੋਏ ਅਭੈ ਚੌਟਾਲਾ
ਸੂਬੇ ਦੀ ਸਿਅਸਤ ਵਿਚ ਦੇਵੀ ਲਾਲ ਵਾਂਗ ਯੋਧੇ ਮੰਨੇ ਜਾਂਦੇ ਓਮ ਪ੍ਰਕਾਸ਼ ਚੌਟਾਲਾ ਅਤੇ ਅਭੈ ਚੌਟਾਲਾ ਇਸ ਲੱਕ ਤੋੜਵੀਂ ਹਾਰ ਤੋਂ ਬਾਅਦ ਵੀ ਨਿਰਾਸ਼ ਨਹੀਂ ਹੋਏ। ਕੁਝ ਮਹੀਨੇ ਪਹਿਲਾਂ ਉਨ੍ਹਾਂ ਨੇ ਪਾਰਟੀ ਦੇ ਸੰਗਠਨ ਵਿਚ ਰਾਮ ਪਾਲ ਮਾਜਰਾ ਵਰਗੇ ਕੁਝ ਪੁਰਾਣੇ ਸਾਥੀਆਂ ਨਾਲ ਨਵੇਂ ਸਿਰੇ ਤੋਂ ਜੋਸ਼ ਭਰਨ ਦੀ ਸ਼ੁਰੂਆਤ ਕੀਤੀ। ਅਭੈ ਨੇ 90 ਵਿਧਾਨ ਸਭਾ ਹਲਕਿਆਂ ਵਿਚ ਲੋਕਾਂ ਨਾਲ ਸਿੱਧਾ ਰਾਬਤਾ ਬਣਾਉਣ ਲਈ 1100 ਕਿਲੋਮੀਟਰ ਲੰਬੀ ਮਾਰਚ ਸ਼ੁਰੂ ਕੀਤੀ, ਜਿਸ ਨਾਲ ਪਿੰਡਾਂ ਵਿਚ ਪਾਰਟੀ ਦਾ ਸਮਰਥਨ ਵਧਿਆ ਅਤੇ ਇਨੈਲੋ ਵਿਚ ਫਿਰ ਤੋਂ ਨਵਾਂ ਹੌਂਸਲਾ ਅਤੇ ਆਤਮਵਿਸ਼ਵਾਸ ਪੈਦਾ ਹੁੰਦਾ ਵਿਖਾਈ ਦਿੱਤਾ ਪਰ ਲੋਕ ਸਭਾ ਚੋਣਾਂ ਵਿਚ ਇਸ ਦਾ ਕੋਈ ਫ਼ਾਇਦਾ ਨਹੀਂ ਹੋਇਆ। ਦੂਜੇ ਪਾਸੇ ਭਾਜਪਾ ਨਾਲ ਹੱਥ ਮਿਲਾ ਕੇ ਦੁਸ਼ਯੰਤ ਚੌਟਾਲਾ ਉਪ ਮੁੱਖ ਮੰਤਰੀ ਬਣ ਗਏ। ਸੱਤਾ ਦੇ ਕਾਰਨ ਵੱਡੀ ਗਿਣਤੀ ਵਿੱਚ ਨੌਜਵਾਨ ਜੇਜੇਪੀ ਵਿੱਚ ਸ਼ਾਮਲ ਹੋਏ ਅਤੇ ਦੁਸ਼ਯੰਤ ਨੇ ਪੂਰੇ ਰਾਜ ਵਿੱਚ ਇੱਕ ਮਜ਼ਬੂਤ ​​ਸੰਗਠਨ ਦੀ ਸਥਾਪਨਾ ਕੀਤੀ। ਇਹ ਵੱਖਰੀ ਗੱਲ ਹੈ ਕਿ ਜੇਜੇਪੀ ਸ਼ਹਿਰੀ ਖੇਤਰਾਂ ਵਿੱਚ ਆਪਣੀ ਪਛਾਣ ਕਾਇਮ ਨਹੀਂ ਕਰ ਸਕੀ। ਇਸ ਦੌਰਾਨ ਦੁਸ਼ਯੰਤ ਨੇ ਦੂਜੇ ਰਾਜਾਂ 'ਚ ਵੀ ਆਪਣੀ ਮੌਜੂਦਗੀ ਵਧਾਉਣ ਦੀ ਕੋਸ਼ਿਸ਼ ਕੀਤੀ ਪਰ ਕੋਈ ਸਫਲਤਾ ਨਹੀਂ ਮਿਲੀ।

ਇਹ ਵੀ ਪੜ੍ਹੋ - ਇਸ ਸੂਬੇ ਦੇ 1.91 ਲੱਖ ਕਿਸਾਨਾਂ ਲਈ ਵੱਡੀ ਖ਼ਬਰ, ਸਰਕਾਰ ਮੁਆਫ਼ ਕਰ ਰਹੀ 2 ਲੱਖ ਰੁਪਏ ਤੱਕ ਦਾ ਕਰਜ਼ਾ

ਸੱਤਾ ਦੇ ਪਸਾਰ ਨਾਲ ਭਾਜਪਾ ਅਤੇ ਜੇਜੇਪੀ ਵਿੱਚ ਉਸਦਾ ਵਿਰੋਧ ਵਧਣਾ ਸ਼ੁਰੂ ਹੋ ਗਿਆ ਅਤੇ ਆਖਰਕਾਰ ਭਾਜਪਾ ਨੇ ਲੋਕ ਸਭਾ ਚੋਣਾਂ ਤੋਂ ਪਹਿਲਾਂ ਦੁਸ਼ਯੰਤ ਨਾਲ ਰਿਸ਼ਤਾ ਤੋੜ ਲਿਆ। ਹੁਣ ਉਸ ਦੇ ਵਿਧਾਇਕ ਵੀ ਕਈ ਹਿੱਸਿਆ ਵਿੱਚ ਵੰਡ ਗਏ ਹਨ। 2024 ਦੀਆਂ ਲੋਕ ਸਭਾ ਚੋਣਾਂ ਇਨੈਲੋ ਅਤੇ ਜੇਜੇਪੀ ਲਈ ਵੱਡਾ ਇਮਤਿਹਾਨ ਸੀ। ਜੇ.ਜੇ.ਪੀ ਨੂੰ ਉਮੀਦ ਸੀ ਕਿ 2019 ਦੀ ਤਰ੍ਹਾਂ ਦੁਬਾਰਾ ਕੋਈ ਚਮਤਕਾਰ ਹੋਵੇਗਾ ਪਰ ਇਨ੍ਹਾਂ ਚੋਣਾਂ 'ਚ ਉਸ ਦੇ ਸਾਰੇ ਉਮੀਦਵਾਰਾਂ ਦੀ ਜ਼ਮਾਨਤ ਜ਼ਬਤ ਹੋ ਗਈ ਅਤੇ ਵੋਟ ਸ਼ੇਅਰ ਵੀ ਸ਼ਾਇਦ ਬਰਾਬਰ ਰਹੇ। ਅਭੈ ਚੌਟਾਲਾ ਸਮੇਤ ਇਨੈਲੋ ਦੇ ਸਾਰੇ ਉਮੀਦਵਾਰਾਂ ਦੀ ਜ਼ਮਾਨਤ ਜ਼ਬਤ ਹੋ ਗਈ ਸੀ ਪਰ ਪਿਛਲੀ ਵਾਰ ਵੋਟ ਸ਼ੇਅਰ ਵਿੱਚ ਕੁਝ ਵਾਧਾ ਜ਼ਰੂਰ ਹੋਇਆ ਸੀ। ਉਨ੍ਹਾਂ ਨੂੰ ਕੁੱਲ 1.87 ਫ਼ੀਸਦੀ ਵੋਟਾਂ ਮਿਲੀਆਂ। ਅਭੈ ਸਿੰਘ ਚੌਟਾਲਾ ਨੇ ਨਿਸ਼ਚਿਤ ਤੌਰ 'ਤੇ ਕੁਰੂਕਸ਼ੇਤਰ ਤੋਂ ਲਗਭਗ 78708 ਵੋਟਾਂ ਹਾਸਲ ਕੀਤੀਆਂ ਹਨ। ਮੰਨਿਆ ਜਾ ਰਿਹਾ ਹੈ ਕਿ ਇਸ ਵੰਡ ਕਾਰਨ ਇਨੈਲੋ ਅਤੇ ਜੇਜੇਪੀ ਦੋਵਾਂ ਨੂੰ ਨੁਕਸਾਨ ਹੋਇਆ ਹੈ। ਅੱਜ ਵੀ ਜੇਕਰ ਦੋਵੇਂ ਪਾਰਟੀਆਂ ਇਕਜੁੱਟ ਹੋ ਜਾਂਦੀਆਂ ਹਨ ਤਾਂ ਇਹ ਸੂਬੇ ਵਿਚ ਵੱਡੀ ਤਾਕਤ ਬਣ ਸਕਦੀਆਂ ਹਨ।

ਇਹ ਵੀ ਪੜ੍ਹੋ - 300 ਲੋਕਾਂ ਨੂੰ ਲੈ ਕੇ 9 ਘੰਟੇ ਉਡਦਾ ਰਿਹਾ ਬੋਇੰਗ ਜਹਾਜ਼, 7000 ਕਿਲੋਮੀਟਰ ਤੈਅ ਕੀਤਾ ਸਫ਼ਰ, ਨਹੀਂ ਹੋਈ ਲੈਂਡਿੰਗ!

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8