ਭਾਰਤੀ ਰੇਲਵੇ ਨੇ ਬਣਾਇਆ ਰਿਕਾਰਡ, ਇਕ ਮਿੰਟ 'ਚ ਬੁੱਕ ਕੀਤੀਆਂ 32 ਹਜ਼ਾਰ ਦੇ ਕਰੀਬ ਟਿਕਟਾਂ

ਨਵੀਂ ਦਿੱਲੀ- ਭਾਰਤੀ ਰੇਲਵੇ ਨੇ 22 ਮਈ ਨੂੰ ਇਕ ਇਤਿਹਾਸਕ ਉਪਲੱਬਧੀ ਦਰਜ ਕੀਤੀ ਗਈ ਹੈ। ਰੇਲਵੇ ਨੇ 22 ਮਈ 2025 ਨੂੰ ਸਿਰਫ਼ 60 ਸਕਿੰਟ ਯਾਨੀ ਇਕ ਮਿੰਟ 'ਚ 31,814 ਟਿਕਟਾਂ ਬੁੱਕ ਕਰ ਕੇ ਨਵਾਂ ਰਿਕਾਰਡ ਬਣਾ ਲਿਆ। ਰੇਲਵੇ ਨੇ ਇਸ ਦੀ ਜਾਣਕਾਰੀ ਦੇਣ ਦੇ ਨਾਲ ਹੀ ਕਿਹਾ ਕਿ ਉਨ੍ਹਾਂ ਨੇ ਆਪਣੀ ਤਕਨੀਕ ਨੂੰ ਅਪਡੇਟ ਕਰ ਕੇ ਇਹ ਰਿਕਾਰਡ ਬਣਾਉਣ 'ਚ ਸਫ਼ਲਤਾ ਹਾਸਲ ਕੀਤੀ ਹੈ। 

ਇਹ ਵੀ ਪੜ੍ਹੋ : ਭਾਜਪਾ ਆਗੂ ਦਾ ਗੋਲੀ ਮਾਰ ਕੇ ਕਤਲ

ਰੇਲਵੇ ਨੇ ਐਂਟੀ-ਬੋਟ ਸਿਸਟਮ ਲਗਾਇਆ

ਰੇਲਵੇ ਨੇ ਟਿਕਟ ਬੁਕਿੰਗ ਸਿਸਟਮ ਨੂੰ ਫਾਸਟ ਅਤੇ ਸਟੀਕ ਬਣਾਉਣ ਲਈ ਨਵੀਂ ਤਕਨੀਕ ਇੰਸਟਾਲ ਕੀਤੀ ਹੈ। ਰੇਲਵੇ ਨੇ ਇਕ ਖ਼ਾਸ ਸੁਰੱਖਿਆ ਤਕਨੀਕ ਐਂਟੀ-ਬੋਟ ਸਿਸਟਮ ਲਗਾਇਆ ਹੈ, ਜਿਸ ਦੀ ਮਦਦ ਨਾਲ ਟਿਕਟ ਬੁਕਿੰਗ ਦੇ ਸਮੇਂ ਗਲਤ ਸਾਫ਼ਟਵੇਅਰ ਨੂੰ ਪਛਾਣ ਕੇ ਉਸ ਨੂੰ ਰੋਕਿਆ ਜਾ ਰਿਹਾ ਹੈ। ਰੇਲਵੇ ਨੇ ਆਪਣਾ ਟਿਕਟ ਬੁਕਿੰਗ ਸਿਸਟਮ ਨੂੰ ਪੂਰੀ ਤਰ੍ਹਾਂ ਡਿਜੀਟਲੀ ਕਰ ਦਿੱਤਾ ਹੈ। ਰੇਲਵੇ ਨੇ ਟਿਕਟ ਬੁਕਿੰਗ ਵੈੱਬਸਾਈਟ 'ਤੇ ਏਆਈ ਬੇਸਡ ਐਂਟੀ-ਬੋਟ ਸਿਸਟਮ ਲਗਾਇਆ ਹੈ, ਜਿਸ ਦੀ ਮਦਦ ਨਾਲ ਫੇਕ ਅਤੇ ਆਟੋਮੇਟਿਕ ਬੁਕਿੰਗ ਕਰਨ ਵਾਲੇ ਬੋਟਸ ਨੂੰ ਬਲਾਕ ਕੀਤਾ ਜਾ ਰਿਹਾ ਹੈ।

ਇਹ ਵੀ ਪੜ੍ਹੋ : ਕੀ ਸੱਚੀ ਬੰਦ ਹੋ ਰਹੇ ਹਨ 500 ਰੁਪਏ ਦੇ ਨੋਟ? ਆ ਗਈ ਨਵੀਂ ਅਪਡੇਟ

ਰੇਲਵੇ ਨੇ 2.5 ਫੀਸਦੀ ਫਰਜ਼ੀ ਆਈਡੀ ਕੀਤੀਆਂ ਬੰਦ

ਟਰੇਨ ਟਿਕਟ ਬੁਕਿੰਗ ਸਿਸਟਮ ਨੂੰ ਸੌਖਾ ਬਣਾਉਣ ਲਈ ਰੇਲਵੇ ਵਲੋਂ ਕਈ ਕਦਮ ਚੁੱਕੇ ਜਾ ਰਹੇ ਹਨ। ਰੇਲਵੇ ਨੇ ਆਪਣੀ ਜਾਂਚ 'ਚ ਪਾਇਆ ਕਿ ਤੁਰੰਤ ਬੁਕਿੰਗ ਦੌਰਾਨ 5 ਮਿੰਟਾਂ 'ਚ ਲਗਭਗ 50 ਫੀਸਦੀ ਲੌਗਿਨ ਬੋਟਸ ਰਾਹੀਂ ਹੁੰਦੀ ਸੀ, ਜਿਸ ਨੂੰ ਹੁਣ ਐਂਟੀ ਬੋਟਸ ਰਾਹੀਂ ਰੋਕ ਦਿੱਤਾ ਗਿਆ ਹੈ। ਰੇਲਵੇ ਨੇ 2.5 ਫੀਸਦੀ ਫਰਜ਼ੀ ਆਈਡੀ ਦਾ ਪਤਾ ਲਗਾ ਕੇ ਉਸ ਨੂੰ ਬੰਦ ਕਰ ਦਿੱਤਾ ਹੈ। ਇਸ ਨਾਲ ਆਮ ਅਤੇ ਅਸਲੀ ਯਾਤਰੀਆਂ ਨੂੰ ਟਿਕਟ ਬੁੱਕ ਕਰਨ 'ਚ ਹੁਣ ਨਾ ਤਾਂ ਦੇਰੀ ਹੋ ਰਹੀ ਹੈ ਅਤੇ ਨਾ ਹੀ ਕਿਸੇ ਏਜੰਟ ਦੀ ਦਖ਼ਲਅੰਦਾਜ਼ੀ। ਰੇਲਵੇ ਨੇ ਟਿਕਟ ਬੁਕਿੰਗ ਸਹੂਲਤ ਨੂੰ ਬਿਹਤਰ ਬਣਾਉਣ ਲਈ ਇੰਟਰਨੈੱਟ ਕੰਪਨੀ ਨਾਲ ਡੀਲ ਕੀਤੀ ਹੈ। ਜਿਸ ਨਾਲ ਹੁਣ ਰੇਲਵੇ ਦੀ ਵੈੱਬਸਾਈਟ ਹੋਰ ਤੇਜ਼ ਚੱਲੇਗੀ। ਰੇਲਵੇ ਨੇ ਕਿਹਾ ਕਿ ਨਵੀਂ ਤਬਦੀਲੀ ਤੋਂ ਬਾਅਦ ਹੁਣ ਉਨ੍ਹਾਂ ਯਜ਼ੂਰਸ ਨੂੰ ਪਹਿਲੇ ਸਹੂਲਤ ਮਿਲੇਗੀ, ਜਿਸ ਦਾ ਅਕਾਊਂਟ ਆਧਾਰ ਨਾਲ ਜੁੜਿਆ ਹੋਇਆ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8