‘ਭਾਰਤ ਟੈਕਸੀ’ ਨਾਲ ਬਦਲੇਗੀ ਹੁਣ ਡਰਾਈਵਰਾਂ ਦੀ ਕਿਸਮਤ! ਅਮਿਤ ਸ਼ਾਹ ਦਾ ਵੱਡਾ ਬਿਆਨ

ਨਵੀਂ ਦਿੱਲੀ (ਏਜੰਸੀਆਂ) - ਦਿੱਲੀ ’ਚ ਕੇਂਦਰੀ ਗ੍ਰਹਿ ਅਤੇ ਸਹਿਕਾਰਤਾ ਮੰਤਰੀ ਅਮਿਤ ਸ਼ਾਹ ਦੀ ਭਾਰਤ ਟੈਕਸੀ ਸਰਵਿਸ ਨਾਲ ਜੁੜੇ ਡਰਾਈਵਰਾਂ ਦੇ ਨਾਲ ਇਕ ਮਹੱਤਵਪੂਰਨ ਬੈਠਕ ਹੋਈ। ਬੈਠਕ ਤੋਂ ਬਾਅਦ ਸ਼ਾਹ ਨੇ ਕਿਹਾ ਕਿ ਇਸ ਨਵੀਂ ਵਿਵਸਥਾ ’ਚ ਗੱਡੀ ਚਲਾਉਣ ਵਾਲਾ ਡਰਾਈਵਰ ਸਿਰਫ ਇਕ ਕਰਮਚਾਰੀ ਨਹੀਂ, ਸਗੋਂ ਖੁਦ ਮਾਲਕ ਦੀ ਭੂਮਿਕਾ ’ਚ ਹੋਵੇਗਾ। ਸ਼ਾਹ ਨੇ ਕਿਹਾ ਕਿ ‘ਭਾਰਤ ਟੈਕਸੀ’ ਆਪਣੇ ਮੰਚ ਨਾਲ ਜੁੜੇ ਸਾਰੇ ਡਰਾਈਵਰਾਂ ਲਈ ਪ੍ਰਤੀ ਕਿਲੋਮੀਟਰ ਘੱਟੋ-ਘੱਟ ਆਧਾਰ ਕਿਰਾਇਆ ਯਕੀਨੀ ਬਣਾਏਗੀ। 

ਇਹ ਵੀ ਪੜ੍ਹੋ : Smile Plz! ਸੈਲਫੀ ਲੈਣ 'ਤੇ ਭੜਕਿਆ ਲਾੜਾ, ਸਟੇਜ 'ਤੇ ਹੀ ਲਾੜੀ ਨੂੰ ਮਾਰ 'ਤੀ ਲੱਤ, ਫਿਰ...

ਉਨ੍ਹਾਂ ਦੋਸ਼ ਲਾਇਆ ਕਿ ਮੌਜੂਦਾ ਟੈਕਸੀ ਐਗਰੀਗੇਟਰ ਕੰਪਨੀਆਂ ਨੇ ਆਪਣਾ ਲਾਭ ਵਧਾਉਣ ਲਈ ਜਾਣਬੁੱਝ ਕੇ ਡਰਾਈਵਰਾਂ ਲਈ ਕੋਈ ਆਧਾਰ ਦਰ ਤੈਅ ਨਹੀਂ ਕੀਤੀ ਹੈ। ਸ਼ਾਹ ਨੇ ਦਿੱਲੀ-ਐੱਨ. ਸੀ. ਆਰ. ਅਤੇ ਗੁਜਰਾਤ ਦੇ ਕੈਬ ਅਤੇ ਆਟੋ ਡਰਾਈਵਰਾਂ ਦੇ ਨਾਲ ਇਕ ਟਾਊਨ ਹਾਲ ਚਰਚਾ ’ਚ ਕਿਹਾ ਕਿ ਇਸ ਸਹਿਕਾਰੀ ਸਵਾਰੀ ਮੰਚ ਦੇ ਲਾਭ ਦਾ 80 ਫੀਸਦੀ ਹਿੱਸਾ ਡਰਾਈਵਰ ਨੂੰ ਉਨ੍ਹਾਂ ਵੱਲੋਂ ਤੈਅ ਕੀਤੀ ਗਈ ਦੂਰੀ (ਕਿਲੋਮੀਟਰ) ਦੇ ਆਧਾਰ ’ਤੇ ਮੋੜਿਆ ਜਾਵੇਗਾ, ਜਦਕਿ 20 ਫੀਸਦੀ ਸਹਿਕਾਰੀ ਪੂੰਜੀ ਵਜੋਂ ਰੱਖਿਆ ਜਾਵੇਗਾ। ਤਿੰਨੇ ਐਗਰੀਗੇਟਰ ਕੰਪਨੀਆਂ ਦੇ ਚਾਲਕਾਂ ਲਈ ਘੱਟੋ-ਘੱਟ ਆਧਾਰ ਦਰ ਤੈਅ ਕਰਨ ਬਾਰੇ ਪੁੱਛੇ ਜਾਣ ’ਤੇ ਉਨ੍ਹਾਂ ਨਾਂਹ-ਪੱਖੀ ਜਵਾਬ ਦਿੱਤਾ। 

ਇਹ ਵੀ ਪੜ੍ਹੋ : ਵਿਦਿਆਰਥਣ ਨਾਲ ਦਰਿੰਦਗੀ ਦੀਆਂ ਹੱਦਾਂ ਪਾਰ! ਪਹਿਲਾਂ ਕੀਤਾ ਜਬਰ-ਜ਼ਨਾਹ, ਫ਼ਿਰ ਸੈਨੀਟਾਈਜ਼ਰ ਪਾ ਕੇ ਲਾ 'ਤੀ ਅੱਗ

ਉਨ੍ਹਾਂ ਕਿਹਾ, ‘‘ਪਰ ਅਸੀਂ ਅਜਿਹਾ ਨਹੀਂ ਕਰਾਂਗੇ। ਤੁਹਾਡਾ ਜੋ ਵੀ ਕਾਰੋਬਾਰ ਹੋਵੇਗਾ, ਉਸ ਦੀ ਘੱਟੋ-ਘੱਟ ਆਮਦਨ ਤੈਅ ਹੋਵੇਗੀ ਅਤੇ ਉਸ ਤੋਂ ਵੱਧ ਜੋ ਵੀ ਹੋਵੇਗਾ, ਉਹ ਤੁਹਾਨੂੰ ਵਾਪਸ ਮਿਲੇਗਾ।’’ ਸਹਿਕਾਰਤਾ ਮੰਤਰੀ ਨੇ ‘ਭਾਰਤ ਟੈਕਸੀ’ ਦੀ ਤੁਲਨਾ ਦੁੱਧ ਸਹਿਕਾਰੀ ਸੰਸਥਾ ਅਮੂਲ ਨਾਲ ਕਰਦੇ ਹੋਏ ਇਸ ਨੂੰ ਵੱਡੇ ਪੱਧਰ ’ਤੇ ਕਰਮਚਾਰੀ-ਮਾਲਕੀ ਵਾਲੇ ਉੱਦਮ ਦੀ ਉਦਾਹਰਣ ਦੱਸਿਆ। ਉਨ੍ਹਾਂ ਕਿਹਾ, ‘‘36 ਲੱਖ ਮਾਵਾਂ-ਭੈਣਾਂ ਨੇ 50-50 ਰੁਪਏ ਦਾ ਨਿਵੇਸ਼ ਕਰ ਕੇ ਅਮੂਲ ਬ੍ਰਾਂਡ ਨੂੰ ਖੜ੍ਹਾ ਕੀਤਾ ਸੀ, ਜਿਸ ਦਾ ਅੱਜ 1,25,000 ਕਰੋੜ ਰੁਪਏ ਦਾ ਕਾਰੋਬਾਰ ਹੈ। ਨਿੱਜੀ ਡੇਅਰੀ ’ਚ ਲਾਭ ਮਾਲਕ ਕੋਲ ਜਾਂਦਾ ਹੈ, ਜਦਕਿ ਅਮੂਲ ’ਚ 85 ਫੀਸਦੀ ਉਤਪਾਦਕਾਂ ਨੂੰ ਮੋੜਿਆ ਜਾਂਦਾ ਹੈ। ਭਾਰਤ ਟੈਕਸੀ ਵੀ ਆਵਾਜਾਈ ਦੇ ਖੇਤਰ ’ਚ ਇਹੀ ਧਾਰਨਾ ਹੈ।’’

ਇਹ ਵੀ ਪੜ੍ਹੋ : Chips ਤੇ Cold Drinks ਦੇ ਸ਼ੌਕੀਨ ਸਾਵਧਾਨ! ਰਿਸਰਚ 'ਚ ਹੋਇਆ ਹੋਸ਼ ਉੱਡਾ ਦੇਣ ਵਾਲਾ ਖ਼ੁਲਾਸਾ

ਉਨ੍ਹਾਂ ਦੱਸਿਆ ਕਿ ਡਰਾਈਵਰ 500 ਰੁਪਏ ਦਾ ਸ਼ੇਅਰ ਲੈ ਕੇ ਇਸ ’ਚ ਸਹਿ-ਮਾਲਕ ਬਣ ਸਕਦੇ ਹਨ ਅਤੇ ਮੈਂਬਰ ਗਿਣਤੀ ਵਧਣ ਦੇ ਨਾਲ ਡਾਇਰੈਕਟਰ ਬੋਰਡ ’ਚ ਡਰਾਈਵਰਾਂ ਲਈ ਵੀ ਸੀਟਾਂ ਰਾਖਵੀਆਂ ਹੋਣਗੀਆਂ। ਸ਼ਾਹ ਨੇ ਕਿਹਾ ਕਿ ‘ਭਾਰਤ ਟੈਕਸੀ’ ਦਾ ਟੀਚਾ ਦੋ ਸਾਲ ’ਚ 15 ਕਰੋੜ ਚਾਲਕਾਂ ਨੂੰ ਜੋੜਨ ਅਤੇ ਤਿੰਨ ਸਾਲਾਂ ’ਚ ਨਗਰ ਨਿਗਮ ਵਾਲੇ ਸਾਰੇ ਸ਼ਹਿਰਾਂ ਤੱਕ ਵਿਸਥਾਰ ਦਾ ਹੈ। ਫਿਲਹਾਲ ਇਹ ਟੈਕਸੀ ਸੇਵਾ ਦਿੱਲੀ-ਐੱਨ. ਸੀ. ਆਰ. ਅਤੇ ਗੁਜਰਾਤ ਦੇ ਰਾਜਕੋਟ ’ਚ ਸ਼ੁਰੂ ਕੀਤੀ ਗਈ ਹੈ। ਉਨ੍ਹਾਂ ਸਵੀਕਾਰ ਕੀਤਾ ਕਿ ਪੂਰਨ ਲਾਭ-ਵੰਡ ਮਾਡਲ ਨੂੰ ਸਰਗਰਮ ਹੋਣ ’ਚ ਤਿੰਨ ਸਾਲ ਤਕ ਦਾ ਸਮਾਂ ਲੱਗ ਸਕਦਾ ਹੈ ਅਤੇ ਇਸ ਦੇ ਲਈ ਉਨ੍ਹਾਂ ਡਰਾਈਵਰਾਂ ਨੂੰ ਧੀਰਜ ਰੱਖਣ ਦੀ ਅਪੀਲ ਕੀਤੀ।

ਇਹ ਵੀ ਪੜ੍ਹੋ : Train 'ਚ ਸਫ਼ਰ ਦੌਰਾਨ ਭੁੱਲ ਕੇ ਵੀ ਨਾ ਕਰਨਾ ਇਹ ਗਲਤੀ, ਨਹੀਂ ਤਾਂ ਹੋਵੇਗੀ ਜੇਲ੍ਹ

ਇਸ ਐਪ ’ਚ ‘ਸਾਰਥੀ ਦੀਦੀ’ ਨਾਮੀ ਸਹੂਲਤ ਵੀ ਜੋੜੀ ਜਾਵੇਗੀ, ਜਿਸ ਦੇ ਤਹਿਤ ਇਕੱਲੇ ਯਾਤਰਾ ਕਰਨ ਵਾਲੀਆਂ ਔਰਤਾਂ ਮਹਿਲਾ ਡਰਾਈਵਰਾਂ ਨੂੰ ਤਰਜੀਹ ਦੇ ਸਕਣਗੀਆਂ। ਸ਼ਾਹ ਨੇ ਕਿਹਾ ਕਿ ਮੰਚ ’ਤੇ ਡਰਾਈਵਰਾਂ ਲਈ ਆਨਲਾਈਨ, ਭੌਤਿਕ ਅਤੇ ਕਾਲ ਸੈਂਟਰ- ਤਿੰਨ ਮਾਧਿਅਮਾਂ ਵਾਲਾ ਇਕ ਸ਼ਿਕਾਇਤ ਨਿਵਾਰਣ ਸਿਸਟਮ ਸਥਾਪਤ ਕੀਤਾ ਜਾਵੇਗਾ। ਸਾਰੇ ਨੀਤੀਗਤ ਬਦਲਾਅ ਘੱਟੋ-ਘੱਟ ਇਕ ਹਫ਼ਤਾ ਪਹਿਲਾਂ ਐਪ ਰਾਹੀਂ ਸੂਚਿਤ ਕੀਤੇ ਜਾਣਗੇ। ਉਨ੍ਹਾਂ ਡਰਾਈਵਰਾਂ ਨੂੰ ਖੁਦ ਨੂੰ ‘ਡਰਾਈਵਰ’ ਦੀ ਬਜਾਏ ‘ਸਾਰਥੀ’ ਕਹਿਣ ਦਾ ਸੱਦਾ ਦਿੰਦੇ ਹੋਏ ਕਿਹਾ ਕਿ ਮਿਹਨਤ ਨਾਲ ਕੀਤਾ ਗਿਆ ਕੋਈ ਵੀ ਕੰਮ ਛੋਟਾ ਨਹੀਂ ਹੁੰਦਾ। ਉਨ੍ਹਾਂ ਕਿਹਾ ਕਿ ਨਵੇਂ ਵਾਹਨਾਂ ਲਈ ਸਹਿਕਾਰੀ ਬੈਂਕਾਂ ਤੋਂ ਕਰਜ਼ੇ ਦੀ ਸਹੂਲਤ ਟੈਕਸੀ ਨੂੰ ਗਿਰਵੀ ਰੱਖ ਕੇ ਮੁਹੱਈਆ ਕਰਵਾਈ ਜਾਵੇਗੀ ਅਤੇ ਬੀਮਾ ਕਵਰ ਘੱਟੋ-ਘੱਟ ਪ੍ਰੀਮੀਅਮ ’ਤੇ ਇਫਕੋ ਟੋਕੀਓ ਨਾਲ ਸਮਝੌਤੇ ਤਹਿਤ ਦਿੱਤਾ ਜਾਵੇਗਾ।

ਇਹ ਵੀ ਪੜ੍ਹੋ : ਮੁਫ਼ਤ ਰਾਸ਼ਨ ਲੈਣ ਵਾਲਿਆਂ ਦਾ ਕੱਟਿਆ ਜਾਵੇਗਾ ਨਾਮ! 1 ਅਪ੍ਰੈਲ ਤੋਂ ਲਾਗੂ ਹੋਣਗੇ ਇਹ ਨਵੇਂ ਨਿਯਮ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e