SECL ਕਰਮਚਾਰੀ ਨੇ ਕੀਤੀ ਖੁਦਕੁਸ਼ੀ, ਬਲੇਡ ਨਾਲ ਗਲੇ ਦੀ ਨਾੜ ਵੱਢ ਨਦੀ ''ਚ ਮਾਰੀ ਛਾਲ

ਸੂਰਜਪੁਰ — ਛੱਤੀਸਗੜ੍ਹ ਦੇ ਸੂਰਜਪੁਰ ਜ਼ਿਲ੍ਹੇ 'ਚ SECL ਦੇ ਇਕ ਕਰਮਚਾਰੀ ਨੇ ਸੋਮਵਾਰ ਨੂੰ ਬਲੇਡ ਨਾਲ ਆਪਣੀ ਗਲੇ ਦੀ ਨਾੜ ਕੱਟ ਕੇ ਰੇਨ ਨਦੀ 'ਚ ਛਾਲ ਮਾਰ ਦਿੱਤੀ। ਕਰਮਚਾਰੀ ਦੀ ਲਾਸ਼ ਨੂੰ ਡੀਡੀਆਰ ਐਫ ਟੀਮ ਨੇ 3 ਘੰਟੇ ਦੀ ਸਖ਼ਤ ਮਿਹਨਤ ਤੋਂ ਬਾਅਦ ਦਰਿਆ ਵਿੱਚੋਂ ਬਰਾਮਦ ਕੀਤਾ। ਖੁਦਕੁਸ਼ੀ ਦੇ ਕਾਰਨਾਂ ਦਾ ਪਤਾ ਨਹੀਂ ਲੱਗ ਸਕਿਆ। ਇਹ ਘਟਨਾ ਜੈਨਗਰ ਥਾਣਾ ਖੇਤਰ ਦੀ ਹੈ।

ਇਹ ਵੀ ਪੜ੍ਹੋ- ਰੇਲਵੇ ਨੇ ਬਦਲੇ ਨਿਯਮ, ਵੇਟਿੰਗ ਟਿਕਟ 'ਤੇ ਸਫ਼ਰ ਕਰਨਾ ਪਵੇਗਾ ਮਹਿੰਗਾ, ਪੜ੍ਹੋ ਪੂਰੀ ਖ਼ਬਰ

ਪ੍ਰਾਪਤ ਜਾਣਕਾਰੀ ਅਨੁਸਾਰ ਬਸੰਤ ਰਾਮ ਸਿਰਦਾਰ (57) ਵਾਸੀ ਪਿੰਡ ਬਿੰਝੀਆ, ਜੈਨਗਰ ਪਿਛਲੇ ਕਾਫੀ ਸਮੇਂ ਤੋਂ ਪਿੰਡ ਪੰਦਰਖੀ ਵਿਖੇ ਆਪਣੇ ਸਹੁਰੇ ਘਰ ਰਹਿ ਰਿਹਾ ਸੀ। ਬਸੰਤ ਰਾਮ ਸਿਰਦਾਰ ਐਸ.ਈ.ਸੀ.ਐਲ ਮਾਈਨ ਵਿੱਚ ਰੈਗੂਲਰ ਮੁਲਾਜ਼ਮ ਸੀ। ਉਹ ਸੋਮਵਾਰ ਸਵੇਰੇ ਨਦੀ ਵੱਲ ਜਾਣ ਦੇ ਨਾਂ 'ਤੇ ਘਰੋਂ ਨਿਕਲਿਆ ਸੀ। ਕਾਫੀ ਦੇਰ ਤੱਕ ਜਦੋਂ ਉਹ ਵਾਪਸ ਨਹੀਂ ਪਰਤਿਆ ਤਾਂ ਉਸ ਦੇ ਚਿੰਤਤ ਪਰਿਵਾਰਕ ਮੈਂਬਰ ਉਸ ਦੀ ਭਾਲ ਵਿਚ ਰੇਨ ਨਦੀ ਦੇ ਨੇੜੇ ਪਹੁੰਚ ਗਏ। ਰੇਨ ਨਦੀ ਦੇ ਬਾਹਰ ਕੱਪੜੇ ਅਤੇ ਜੁੱਤੀਆਂ ਵੇਖੀਆਂ ਗਈਆਂ ਪਰ ਬਸੰਤ ਸਿਰਦਾਰ ਨਹੀਂ ਮਿਲਿਆ। ਪਰਿਵਾਰਕ ਮੈਂਬਰਾਂ ਨੇ ਘਟਨਾ ਦੀ ਸੂਚਨਾ ਥਾਣਾ ਜੈਨਗਰ ਦੀ ਪੁਲਸ ਨੂੰ ਦਿੱਤੀ। ਰੇਨ ਨਦੀ 'ਚ ਪਾਣੀ ਜ਼ਿਆਦਾ ਹੋਣ ਕਾਰਨ ਬਸੰਤ ਰਾਮ ਸਿਰਦਾਰ ਦੇ ਡੁੱਬਣ ਦੀ ਸੰਭਾਵਨਾ ਨੂੰ ਦੇਖਦੇ ਹੋਏ ਪੁਲਸ ਨੇ ਜ਼ਿਲ੍ਹਾ ਸੈਨਿਕ ਸੰਜੇ ਗੁਪਤਾ ਨੂੰ ਸੂਚਨਾ ਦਿੱਤੀ।

ਇਹ ਵੀ ਪੜ੍ਹੋ- ਇਸ ਸੂਬੇ 'ਚ ਮਹਿੰਗੀ ਹੋਈ ਬਿਜਲੀ, 1 ਜੁਲਾਈ ਤੋਂ ਲਾਗੂ ਹੋਣਗੀਆਂ ਨਵੀਆਂ ਕੀਮਤਾਂ

ਡੀਡੀਆਰਐਫ ਦੇ ਇੰਚਾਰਜ ਬੀਰਬਲ ਗੁਪਤਾ ਦੀ ਅਗਵਾਈ ਹੇਠ ਗੋਤਾਖੋਰਾਂ ਦੀ ਟੀਮ ਮੌਕੇ ’ਤੇ ਪੁੱਜੀ। ਕਰੀਬ ਤਿੰਨ ਘੰਟੇ ਦੀ ਮੁਸ਼ੱਕਤ ਤੋਂ ਬਾਅਦ ਬਸੰਤ ਰਾਮ ਸਿਰਦਾਰ ਦੀ ਲਾਸ਼ ਨੂੰ ਨਦੀ ਵਿੱਚੋਂ ਬਾਹਰ ਕੱਢਿਆ ਗਿਆ। ਪੁਲਸ ਨੇ ਮੌਕੇ ’ਤੇ ਲਾਸ਼ ਦਾ ਪੰਚਨਾਮਾ ਕੀਤਾ। ਬਸੰਤ ਸਿਰਦਾਰ ਦਾ ਗਲਾ ਕੱਟਿਆ ਹੋਇਆ ਪਾਇਆ ਗਿਆ। ਉਸ ਦੇ ਗਲੇ 'ਚੋਂ ਖੂਨ ਨਿਕਲ ਰਿਹਾ ਸੀ। ਮੌਕੇ 'ਤੇ ਇੱਕ ਬਲੇਡ ਵੀ ਪਿਆ ਸੀ। ਖ਼ਦਸ਼ਾ ਜਤਾਇਆ ਜਾ ਰਿਹਾ ਹੈ ਕਿ ਬਸੰਤ ਰਾਮ ਸਿਰਦਾਰ ਨੇ ਖ਼ੁਦਕੁਸ਼ੀ ਕਰਨ ਲਈ ਪਹਿਲਾਂ ਬਲੇਡ ਨਾਲ ਗਲਾ ਵੱਢਿਆ ਅਤੇ ਬਾਅਦ ਵਿੱਚ ਦਰਿਆ ਵਿੱਚ ਛਾਲ ਮਾਰ ਦਿੱਤੀ। ਮੁਲਾਜ਼ਮ ਨੇ ਖੁਦਕੁਸ਼ੀ ਕਿਉਂ ਕੀਤੀ, ਇਸ ਬਾਰੇ ਜਾਂਚ ਕੀਤੀ ਜਾ ਰਹੀ ਹੈ। ਲਾਸ਼ ਨੂੰ ਪੋਸਟਮਾਰਟਮ ਲਈ ਭੇਜ ਦਿੱਤਾ ਗਿਆ ਹੈ।

ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ

👇Join us on Whatsapp channel👇                             

https://whatsapp.com/channel/0029Va94hsaHAdNVur4L170e