ਅਫਗਾਨਿਸਤਾਨ ਮੁੱਦੇ ''ਤੇ PM ਰਿਹਾਇਸ਼ ''ਤੇ ਅਹਿਮ ਬੈਠਕ, NSA ਡੋਭਾਲ ਵੀ ਮੌਜੂਦ

ਨਵੀਂ ਦਿੱਲੀ - ਤਾਲਿਬਾਨ ਦੇ ਕਬਜ਼ੇ ਤੋਂ ਬਾਅਦ ਅਫਗਾਨਿਸਤਾਨ ਦੇ ਹਾਲਾਤ ਨੂੰ ਲੈ ਕੇ ਪੀ.ਐੱਮ. ਰਿਹਾਇਸ਼ 'ਤੇ 7 ਲੋਕ ਕਲਿਆਣ ਰਸਤਾ (7 LKM) 'ਤੇ ਇਸ ਸਮੇਂ ਵੱਡੀ ਬੈਠਕ ਹੋ ਰਹੀ ਹੈ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਅਗਵਾਈ ਵਾਲੀ ਬੈਠਕ ਵਿੱਚ ਗ੍ਰਹਿ ਮੰਤਰੀ ਅਮਿਤ ਸ਼ਾਹ, ਰੱਖਿਆ ਮੰਤਰੀ ਰਾਜਨਾਥ ਸਿੰਘ ਅਤੇ ਐੱਨ.ਐੱਸ.ਏ. ਅਜਿਤ ਡੋਭਾਲ ਮੌਜੂਦ ਹਨ। ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਣ ਵੀ ਬੈਠਕ ਵਿੱਚ ਹਨ। ਇਹ CSS ਦੀ ਬੈਠਕ ਹੈ ਅਤੇ ਸੂਤਰਾਂ ਦੇ ਅਨੁਸਾਰ CSS ਦੀ ਬੈਠਕ ਅਫਗਾਨਿਸਤਾਨ ਨੂੰ ਲੈ ਕੇ ਬੈਠਕ ਹੋ ਰਹੀ ਹੈ।

ਅਫਗਾਨਿਸਤਾਨ ਲਈ ਸਪੈਸ਼ਲ ਨੰਬਰ ਜਾਰੀ
ਇਸ ਦੌਰਾਨ ਵਿਦੇਸ਼ ਮੰਤਰਾਲਾ ਦੇ ਬੁਲਾਰਾ ਅਰਿੰਦਮ ਬਾਗਚੀ ਨੇ ਅੱਜ ਮੰਗਲਵਾਰ ਨੂੰ ਵਿਦੇਸ਼ ਮੰਤਰਾਲਾ ਵਲੋਂ 24 ਘੰਟੇ ਚੱਲਣ ਵਾਲੇ ਵਿਸ਼ੇਸ਼ ਅਫਗਾਨਿਸਤਾਨ ਸੈੱਲ ਦੇ ਨੰਬਰ ਵੀ ਜਾਰੀ ਕੀਤੇ। ਸਪੈਸ਼ਲ ਸੈੱਲ ਨੂੰ ਅਫਗਾਨਿਸਤਾਨ ਤੋਂ ਵਾਪਸੀ ਅਤੇ ਹੋਰ ਬੇਨਤੀਆਂ ਦੇ ਤਾਲਮੇਲ ਲਈ ਸਥਾਪਤ ਕੀਤਾ ਗਿਆ ਹੈ।

Phone numbers: +91-11-49016783, +91-11-49016784, +91-11-49016785
WhatsApp number: +91-8010611290
E-mail: SituationRoom@mea.gov.in

ਦੂਜੀ ਪਾਸੇ, ਸੀ-17 ਗਲੋਬਮਾਸਟਰ ਪਲੇਨ ਕਾਬੁਲ ਤੋਂ 120 ਭਾਰਤੀਆਂ ਨੂੰ ਲੈ ਕੇ ਅੱਜ ਭਾਰਤ ਆ ਗਿਆ। ਸੀ-17 ਗਲੋਬਮਾਸਟਰ ਪਲੇਨ ਨੂੰ ਪਹਿਲਾਂ ਗੁਜਰਾਤ ਦੇ ਜਾਮਨਗਰ ਵਿੱਚ ਰੋਕਿਆ ਗਿਆ। ਫਿਰ ਇਸ ਨੂੰ ਹਿੰਡਨ ਏਅਰਬੇਸ ਲਿਆਇਆ ਗਿਆ। ਵਾਪਸ ਆਉਣ ਵਾਲਿਆਂ ਵਿੱਚ ਭਾਰਤੀ ਦੂਤਘਰ ਦੇ ਕਈ ਕਰਮਚਾਰੀ, ਉੱਥੇ ਮੌਜੂਦ ਸੁਰੱਖਿਆ ਮੁਲਾਜ਼ਮ ਅਤੇ ਕੁੱਝ ਭਾਰਤੀ ਸੰਪਾਦਕ ਸ਼ਾਮਲ ਹਨ। ਭਾਰਤੀ ਦੂਤਘਰ ਦੇ ਸਾਰੇ ਲੋਕ ਪਰਤ ਆਏ ਹਨ।

ਨੋਟ- ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ? ਕੁਮੈਂਟ ਬਾਕਸ ਵਿੱਚ ਦਿਓ ਜਵਾਬ।