ਗੈਰ-ਕਾਨੂੰਨੀ ਸ਼ਰਾਬ ਦੇ ਧੰਦੇ ਦਾ ਪਰਦਾਫਾਸ਼, ਖੇਤ ਨੂੰ ਹੀ ਬਣਾ ਰਿੱਖਿਆ ਸੀ ਫੈਕਟਰੀ

ਜੈਪੁਰ (ਭਾਸ਼ਾ) : ਰਾਜਸਥਾਨ ਪੁਲਸ ਨੇ ਝਾਲਾਵਾੜ ਜ਼ਿਲ੍ਹੇ 'ਚ ਇੱਕ ਗੈਰ-ਕਾਨੂੰਨੀ ਸ਼ਰਾਬ ਫੈਕਟਰੀ ਦਾ ਪਰਦਾਫਾਸ਼ ਕੀਤਾ ਹੈ। ਪੁਲਸ ਨੂੰ ਇੱਥੇ ਗੈਰ-ਕਾਨੂੰਨੀ ਸ਼ਰਾਬ ਬਣਾਉਣ ਲਈ ਸਮੱਗਰੀ ਦਾ ਵੱਡਾ ਭੰਡਾਰ ਮਿਲਿਆ ਹੈ। ਅਧਿਕਾਰੀਆਂ ਨੇ ਸ਼ੁੱਕਰਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। 

ਅਧਿਕਾਰੀਆਂ ਅਨੁਸਾਰ, ਝਾਲਾਵਾੜ ਜ਼ਿਲ੍ਹੇ ਦੇ ਦਾਗ ਅਤੇ ਉਨਹੇਲ ਪੁਲਸ ਸਟੇਸ਼ਨ ਵੱਲੋਂ ਕੀਤੀ ਗਈ ਇੱਕ ਸਾਂਝੀ ਕਾਰਵਾਈ 'ਚ, ਲੁਹਾਰੀਆ ਪਿੰਡ 'ਚ ਇੱਕ ਗੈਰ-ਕਾਨੂੰਨੀ ਦੇਸੀ ਸ਼ਰਾਬ ਫੈਕਟਰੀ ਦਾ ਪਰਦਾਫਾਸ਼ ਕੀਤਾ ਗਿਆ ਹੈ। ਜ਼ਿਲ੍ਹਾ ਪੁਲਸ ਸੁਪਰਡੈਂਟ ਅਮਿਤ ਕੁਮਾਰ ਨੇ ਦੱਸਿਆ ਕਿ ਲੁਹਾਰੀਆ ਵਿੱਚ ਫਤੇਸਿੰਘ ਪੁੱਤਰ ਬਾਲੂਸਿੰਘ ਦੇ ਖੇਤ ਵਿੱਚ ਬਣੇ ਇੱਕ ਘਰ ਵਿੱਚ ਗੈਰ-ਕਾਨੂੰਨੀ ਸ਼ਰਾਬ ਬਣਾਉਣ ਦੀ ਸੂਚਨਾ ਮਿਲੀ ਸੀ। ਜਦੋਂ ਸਾਂਝੀ ਟੀਮ ਨੇ ਵੀਰਵਾਰ ਨੂੰ ਛਾਪਾ ਮਾਰਿਆ ਤਾਂ ਉੱਥੇ ਗੈਰ-ਕਾਨੂੰਨੀ ਸ਼ਰਾਬ ਬਣਾਉਣ ਦੇ ਪੂਰੇ ਪ੍ਰਬੰਧ ਮਿਲੇ। 

ਪੁਲਸ ਨੇ 500 ਲੀਟਰ ਸਪਿਰਿਟ ਕੈਮੀਕਲ ਵਾਲੇ ਦੋ ਡਰੰਮ, 6000 ਖਾਲੀ ਬੋਤਲਾਂ, ਇੱਕ ਸ਼ਰਾਬ ਪੈਕਿੰਗ ਮਸ਼ੀਨ, 3000 ਸਟਿੱਕਰ ਅਤੇ 800 ਲੇਬਲ (ਗਲੋਬਲ ਲੈਮਨ ਸਪੈਸ਼ਲ ਦੇਸੀ ਸ਼ਰਾਬ), ਯੂਰੀਆ ਖਾਦ ਦੀ ਇੱਕ ਬੋਰੀ ਅਤੇ ਇੱਕ ਇਲੈਕਟ੍ਰਿਕ ਜਨਰੇਟਰ ਅਤੇ 'ਗਲੋਬਲ ਸਪਿਰਿਟ ਲਿਮਟਿਡ', ਬਹਿਰੋਰ ਦੀ ਇੱਕ ਸੀਲ ਬਰਾਮਦ ਕੀਤੀ। ਪੁਲਸ ਨੇ ਕਿਹਾ ਕਿ ਮੁੱਖ ਦੋਸ਼ੀ ਫਤੇਸਿੰਘ ਵਿਰੁੱਧ ਸਬੰਧਤ ਧਾਰਾਵਾਂ ਤਹਿਤ ਮਾਮਲਾ ਦਰਜ ਕਰ ਲਿਆ ਗਿਆ ਹੈ ਅਤੇ ਉਸਨੂੰ ਗ੍ਰਿਫ਼ਤਾਰ ਕਰਨ ਦੀਆਂ ਕੋਸ਼ਿਸ਼ਾਂ ਕੀਤੀਆਂ ਜਾ ਰਹੀਆਂ ਹਨ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e