9 ਸਾਲਾ ਬੱਚੀ ਨਾਲ 3 ਦਿਨਾਂ ਤੱਕ ਕੀਤਾ ਗਿਆ ਗੈਂਗਰੇਪ

Thursday, Feb 27, 2020 - 05:31 PM (IST)

9 ਸਾਲਾ ਬੱਚੀ ਨਾਲ 3 ਦਿਨਾਂ ਤੱਕ ਕੀਤਾ ਗਿਆ ਗੈਂਗਰੇਪ

ਕਰੀਮਨਗਰ— ਹੈਦਰਾਬਾਦ ਦੇ ਕਰੀਮਨਗਰ ਜ਼ਿਲੇ ’ਚ ਤਿੰਨ ਲੋਕਾਂ ਵਲੋਂ 9 ਸਾਲਾ ਬੱਚੀ ਨਾਲ ਤਿੰਨ ਦਿਨਾਂ ਤੱਕ ਰੇਪ ਕਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਪੁਲਸ ਨੇ ਵੀਰਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ਉਨ੍ਹਾਂ ਨੇ ਦੱਸਿਆ ਕਿ ਤਿੰਨੋਂ ਦੋਸ਼ੀਆਂ ’ਚੋਂ ਇਕ ਦੇ ਨਾਬਾਲਗ ਹੋਣ ਦਾ ਸ਼ੱਕ ਹੈ, ਜਦੋਂ ਕਿ ਹੋਰ 2 ਦੀ ਉਮਰ 20-21 ਸਾਲ ਹੈ। ਕਰੀਮਨਗਰ ’ਚ ਰਹਿ ਰਹੇ ਤਿੰਨਾਂ ਦੋਸ਼ੀਆਂ ’ਚੋਂ ਇਕ 24 ਫਰਵਰੀ ਨੂੰ ਘਰ ਦੇ ਸਾਹਮਣੇ ਖੇਡ ਰਹੀ ਬੱਚੀ ਨੂੰ ਵਰਗਲਾ ਕੇ ਆਪਣੇ ਘਰ ਲੈ ਗਿਆ ਅਤੇ ਕਥਿਤ ਤੌਰ ’ਤੇ ਉਸ ਨਾਲ ਰੇਪ ਕੀਤਾ।

ਬੱਚੀ ਦੀ ਮਾਂ ਵਲੋਂ ਦਰਜ ਕਰਵਾਈ ਗਈ ਸ਼ਿਕਾਇਤ ਅਨੁਸਾਰ ਮਕਾਨ ’ਚ ਰਹਿ ਰਹੇ 2 ਹੋਰ ਲੋਕਾਂ ਨੇ 25 ਅਤੇ 26 ਫਰਵਰੀ ਨੂੰ ਕਥਿਤ ਤੌਰ ’ਤੇ ਬੱਚੀ ਨਾਲ ਰੇਪ ਕੀਤਾ। ਪੁਲਸ ਨੇ ਦੱਸਿਆ ਕਿ ਬੱਚੀ ਨੂੰ ਮੈਡੀਕਲ ਜਾਂਚ ਲਈ ਹਸਪਤਾਲ ਭੇਜਿਆ ਗਿਆ ਹੈ। ਦੋਸ਼ੀਆਂ ਦੀ ਗਿ੍ਰਫਤਾਰੀ ਦੇ ਸਵਾਲ ’ਤੇ ਅਧਿਕਾਰੀ ਨੇ ਕਿਹਾ ਕਿ ਮਾਮਲੇ ’ਚ ਜਾਂਚ ਕੀਤੀ ਜਾ ਰਹੀ ਹੈ।


author

DIsha

Content Editor

Related News