ਹਰਿਆਣਾ ਨਗਰ ਨਿਗਮ ਚੋਣਾਂ ''ਚ ਭਾਜਪਾ ਦੀ ਜਿੱਤ ਤੈਅ, ਮੇਅਰ ਅਹੁਦੇ ਲਈ 8 ਉਮੀਦਵਾਰ ਅੱਗੇ

ਚੰਡੀਗੜ੍ਹ- ਹਰਿਆਣਾ 'ਚ ਹਾਲ ਹੀ 'ਚ ਹੋਈਆਂ ਨਗਰ ਨਿਗਮ ਚੋਣਾਂ ਲਈ ਵੋਟਾਂ ਦੀ ਗਿਣਤੀ ਬੁੱਧਵਾਰ ਨੂੰ ਸ਼ੁਰੂ ਹੋ ਗਈ, ਜਿਸ 'ਚ ਭਾਰਤੀ ਜਨਤਾ ਪਾਰਟੀ (ਭਾਜਪਾ) ਦੇ ਮੇਅਰ ਉਮੀਦਵਾਰ ਨੇ ਅੰਬਾਲਾ ਨਗਰ ਨਿਗਮ 'ਚ ਜਿੱਤ ਪ੍ਰਾਪਤ ਕੀਤੀ ਅਤੇ ਪਾਰਟੀ ਦੇ ਉਮੀਦਵਾਰ 8 ਹੋਰ ਨਗਰ ਨਿਗਮਾਂ 'ਚ ਆਪਣੇ ਵਿਰੋਧੀਆਂ ਤੋਂ ਅੱਗੇ ਹਨ। ਸਾਲ 2024 ਦੀਆਂ ਵਿਧਾਨ ਸਭਾ ਚੋਣਾਂ 'ਚ ਹਾਰ ਦਾ ਸਾਹਮਣਾ ਕਰਨ ਤੋਂ ਬਾਅਦ ਵਾਪਸੀ ਦੀ ਉਮੀਦ ਕਰ ਰਹੀ ਕਾਂਗਰਸ ਇਸ ਸਮੇਂ ਨਗਰ ਨਿਗਮ ਚੋਣਾਂ 'ਚ ਪਿੱਛੇ ਹੈ। ਮਾਨੇਸਰ, ਗੁਰੂਗ੍ਰਾਮ, ਫਰੀਦਾਬਾਦ, ਹਿਸਾਰ, ਰੋਹਤਕ, ਕਰਨਾਲ, ਯਮੁਨਾਨਗਰ, ਪਾਨੀਪਤ, ਅੰਬਾਲਾ ਅਤੇ ਸੋਨੀਪਤ ਨਗਰ ਨਿਗਮਾਂ 'ਚ ਮੇਅਰ ਅਤੇ ਵਾਰਡ ਮੈਂਬਰਾਂ ਦੇ ਅਹੁਦਿਆਂ ਲਈ ਚੋਣਾਂ ਇਸ ਮਹੀਨੇ ਦੇ ਸ਼ੁਰੂ 'ਚ ਹੋਈਆਂ ਸਨ। ਅੰਬਾਲਾ ਅਤੇ ਸੋਨੀਪਤ ਨਗਰ ਨਿਗਮਾਂ 'ਚ ਮੇਅਰ ਦੇ ਅਹੁਦੇ ਲਈ ਵੀ ਜ਼ਿਮਨੀ ਚੋਣਾਂ ਹੋਈਆਂ। ਅੰਬਾਲਾ 'ਚ ਭਾਜਪਾ ਦੇ ਮੇਅਰ ਅਹੁਦੇ ਦੀ ਉਮੀਦਵਾਰ ਸ਼ੈਲਜਾ ਸਚਦੇਵਾ ਨੇ ਆਪਣੀ ਨਜ਼ਦੀਕੀ ਵਿਰੋਧੀ ਕਾਂਗਰਸ ਦੀ ਅਮੀਸ਼ਾ ਚਾਵਲਾ ਨੂੰ 20,487 ਵੋਟਾਂ ਦੇ ਫਰਕ ਨਾਲ ਹਰਾਇਆ।

ਫਰੀਦਾਬਾਦ 'ਚ ਸੱਤਾਧਾਰੀ ਪਾਰਟੀ ਦੀ ਮੇਅਰ ਉਮੀਦਵਾਰ ਪਰਵੀਨ ਜੋਸ਼ੀ ਕਾਂਗਰਸ ਦੀ ਲਤਾ ਰਾਣੀ ਤੋਂ ਅੱਗੇ ਸੀ, ਜਦੋਂ ਕਿ ਭਾਜਪਾ ਦੀ ਰਾਜ ਰਾਣੀ ਗੁਰੂਗ੍ਰਾਮ ਤੋਂ ਸੀਮਾ ਪਾਹੂਜਾ ਤੋਂ ਅੱਗੇ ਸੀ। ਹਾਲਾਂਕਿ ਮਾਨੇਸਰ 'ਚ ਭਾਜਪਾ ਉਮੀਦਵਾਰ ਸੁੰਦਰ ਲਾਲ ਆਜ਼ਾਦ ਉਮੀਦਵਾਰ ਇੰਦਰਜੀਤ ਯਾਦਵ ਤੋਂ ਪਿੱਛੇ ਚੱਲ ਰਹੇ ਹਨ। ਹਿਸਾਰ ਤੋਂ ਭਾਜਪਾ ਦੇ ਪ੍ਰਵੀਨ ਪੋਪਲੀ ਕਾਂਗਰਸ ਦੇ ਕ੍ਰਿਸ਼ਨ ਸਿੰਗਲਾ ਤੋਂ ਅੱਗੇ ਹਨ। ਕਰਨਾਲ 'ਚ ਭਾਜਪਾ ਦੀ ਰੇਣੂ ਬਾਲਾ ਗੁਪਤਾ ਕਾਂਗਰਸ ਦੇ ਮਨੋਜ ਵਧਵਾ ਤੋਂ ਅੱਗੇ ਹੈ। ਪਾਨੀਪਤ 'ਚ ਭਾਜਪਾ ਦੀ ਕੋਮਲ ਸੈਣੀ ਕਾਂਗਰਸ ਦੀ ਸਵਿਤਾ ਗਰਗ ਤੋਂ ਅੱਗੇ ਹੈ, ਜਦੋਂ ਕਿ ਰੋਹਤਕ 'ਚ, ਸੈਫਰਨ ਆਰਗੇਨਾਈਜ਼ੇਸ਼ਨ ਦੇ ਰਾਮ ਅਵਤਾਰ ਸੂਰਜਮਲ ਕਿਲੋਈ ਤੋਂ ਅੱਗੇ ਹਨ। ਸੋਨੀਪਤ 'ਚ ਸੀਨੀਅਰ ਭਾਜਪਾ ਨੇਤਾ ਰਾਜੀਵ ਜੈਨ ਕਾਂਗਰਸ ਦੀ ਕੋਮਲ ਦੀਵਾਨ ਤੋਂ ਅੱਗੇ ਹਨ। ਯਮੁਨਾਨਗਰ 'ਚ ਭਾਜਪਾ ਦੀ ਸੁਮਨ ਕਾਂਗਰਸ ਦੀ ਕਿਰਨਾ ਦੇਵੀ ਤੋਂ ਅੱਗੇ ਹੈ। ਅਧਿਕਾਰੀਆਂ ਨੇ ਦੱਸਿਆ ਕਿ ਗਿਣਤੀ ਪ੍ਰਕਿਰਿਆ ਨੂੰ ਸੁਚਾਰੂ ਢੰਗ ਨਾਲ ਚਲਾਉਣ ਲਈ, ਹਰਿਆਣਾ ਰਾਜ ਚੋਣ ਕਮਿਸ਼ਨ ਨੇ ਸਬੰਧਤ ਜ਼ਿਲ੍ਹਾ ਪ੍ਰਸ਼ਾਸਨ ਦੇ ਸਹਿਯੋਗ ਨਾਲ ਵਿਆਪਕ ਪ੍ਰਬੰਧ ਕੀਤੇ ਹਨ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8