ਸਪ੍ਰਾਉਟ ਸਲਾਦ, ਗਰਿੱਲਡ ਚਿਕਨ, ਮੱਛੀ, ਇਡਲੀ, ਖੀਰ...! ਸੰਸਦ ਮੈਂਬਰ ਖਾਣਗੇ ਹੁਣ ਇਹ ਖਾਣਾ

ਨਵੀਂ ਦਿੱਲੀ : ਸੰਸਦ ਵਿੱਚ ਕੰਮ ਦੀ ਉਤਪਾਦਕਤਾ ਵਧਾਉਣ ਤੋਂ ਬਾਅਦ ਹੁਣ ਲੋਕ ਸਭਾ ਸਪੀਕਰ ਓਮ ਬਿਰਲਾ ਨੇ ਸੰਸਦ ਮੈਂਬਰਾਂ, ਅਧਿਕਾਰੀਆਂ ਅਤੇ ਮਹਿਮਾਨਾਂ ਦੀ ਸਿਹਤ ਦਾ ਵਿਸ਼ੇਸ਼ ਧਿਆਨ ਰੱਖਣ ਦੀ ਯੋਜਨਾ ਬਣਾਈ ਹੈ। ਇਸ ਦੇ ਤਹਿਤ ਹੁਣ ਸੰਸਦ ਵਿਚ ਰਾਗੀ, ਬਾਜਰਾ, ਇਡਲੀ, ਜਵਾਰ ਉਪਮਾ, ਮੂੰਗ ਦਾਲ ਦਾ ਚੀਲਾ ਅਤੇ ਉਬਲੀਆਂ ਹੋਈਆਂ ਸਬਜ਼ੀਆਂ ਦੇ ਨਾਲ ਗਰਿੱਲਡ ਮੱਛੀ ਆਦਿ ਸਿਹਤਮੰਦ ਚੀਜ਼ਾਂ ਉਪਲਬਧ ਕਰਵਾਈਆਂ ਜਾਣਗੀਆਂ। ਸਿਹਤਮੰਦ ਭੋਜਨ ਦੀ ਸਾਰੀ ਸੂਚੀ ਲੋਕ ਸਭਾ ਸਪੀਕਰ ਓਮ ਬਿਰਲਾ ਦੇ ਕਹਿਣ 'ਤੇ ਤਿਆਰ ਕੀਤਾ ਗਿਆ ਹੈ। 

ਦੱਸ ਦੇਈਏ ਕਿ ਲੋਕ ਸਭਾ ਸਪੀਕਰ ਦਾ ਮੰਨਣਾ ਹੈ ਕਿ ਸਿਹਤ ਨਾਲ ਕਿਸੇ ਤਰ੍ਹਾਂ ਦਾ ਸਮਝੌਤਾ ਕੀਤੇ ਬਿਨਾਂ ਲੋਕ ਭਲਾਈ ਦੇ ਕੰਮ ਨੂੰ ਅੱਗੇ ਵਧਾਉਣਾ ਚਾਹੀਦਾ ਹੈ। ਸੰਸਦ ਦੀ ਕੰਟੀਨ ਵਿਚ ਸਿਹਤ ਨੂੰ ਧਿਆਨ ਵਿਚ ਰੱਖਦੇ ਹੋਏ ਭੋਜਨ ਉਪਲਬੰਧ ਕਰਵਾਉਣ ਦੀ ਪਹਿਲ ਇਸ ਮਾਇਨੇ ਵਿਚ ਵੀ ਮਹੱਤਵਪੂਰਨ ਹੈ ਕਿ ਸੈਸ਼ਨ ਦੌਰਾਨ ਕਾਰਵਾਈ ਲੰਬੇ ਸਮੇਂ ਤੱਕ ਅਤੇ ਕਈ ਵਾਰ ਦੇਰ ਰਾਤ ਤੱਕ ਚੱਲਦੀ ਰਹਿੰਦੀ ਹੈ। ਸਿਹਤ ਜੀਵਨ ਸ਼ੈਲੀ ਨੂੰ ਉਤਸ਼ਾਹਿਤ ਕਰਨ ਲਈ ਸੰਸਦ ਦੀ ਕੰਟੀਨ ਨੇ ਪੋਸ਼ਣ ਨੂੰ ਧਿਆਨ ਵਿਚ ਰੱਖਦੇ ਹੋਏ ਵਿਸ਼ੇਸ਼ ਸੂਚੀ ਦੀ ਪਹਿਲੀ ਕੀਤੀ ਹੈ। ਹੁਣ ਸੰਸਦ ਵਿਚ ਸੁਆਦੀ ਪਕਵਾਨਾਂ ਦੇ ਨਾਲ ਬਾਜਰੇ ਨਾਲ ਬਣੇ ਪਕਵਾਨ, ਫਾਈਬਰ ਨਾਲ ਭਰਪੂਰ ਸਲਾਦ ਅਤੇ ਪ੍ਰੋਟੀਨ-ਪੈਕ ਸੂਪ ਪਰੋਸੇ ਜਾਣਗੇ, ਜੋ ਇਕ ਸਿਹਤਮੰਦ ਖੁਰਾਕ ਨੂੰ ਉਤਸ਼ਾਹਿਤ ਕਰਨ ਵਿਚ ਖ਼ਾਸ ਹਨ। 

ਹਰੇਕ ਪਕਵਾਨ ਨੂੰ ਧਿਆਨ ਨਾਲ ਤਿਆਰ ਕੀਤਾ ਗਿਆ ਹੈ ਤਾਂ ਜੋ ਕਾਰਬੋਹਾਈਡਰੇਟ, ਸੋਡੀਅਮ ਅਤੇ ਕੈਲੋਰੀ ਘੱਟ ਹੋਣ ਅਤੇ ਸਿਹਤ ਲਈ ਜ਼ਰੂਰੀ ਪੌਸ਼ਟਿਕ ਤੱਤਾਂ ਦੀ ਮਾਤਰਾ ਜ਼ਿਆਦਾ ਹੋਵੇ। ਸੰਸਦ ਦੇ ਕੰਟੀਨ ਦੇ ਮੀਨੂ ਵਿੱਚ ਕਿਹਾ ਗਿਆ ਹੈ, "ਹਰੇਕ ਪਕਵਾਨ ਨੂੰ ਸਭ ਤੋਂ ਉੱਚ ਪੌਸ਼ਟਿਕ ਮਾਪਦੰਡਾਂ ਨੂੰ ਪੂਰਾ ਕਰਦੇ ਹੋਏ ਧਿਆਨ ਨਾਲ ਤਿਆਰ ਕੀਤਾ ਗਿਆ ਹੈ ਤਾਂ ਜੋ ਇਹ ਯਕੀਨੀ ਬਣਾਇਆ ਜਾ ਸਕੇ ਕਿ ਉਹਨਾਂ ਵਿੱਚ ਕਾਰਬੋਹਾਈਡਰੇਟ ਘੱਟ, ਸੋਡੀਅਮ ਘੱਟ ਅਤੇ ਕੈਲੋਰੀ ਘੱਟ ਹੋਵੇ ਜਦੋਂ ਕਿ ਫਾਈਬਰ ਜ਼ਿਆਦਾ ਅਤੇ ਪ੍ਰੋਟੀਨ ਨਾਲ ਭਰਪੂਰ ਹੋਵੇ।" ਇਸ ਮੀਨੂ ਵਿੱਚ ਸੰਯੁਕਤ ਰਾਸ਼ਟਰ ਦੁਆਰਾ ਐਲਾਨੇ ਗਏ ਅੰਤਰਰਾਸ਼ਟਰੀ ਬਾਜਰੇ ਸਾਲ, 2023 ਦਾ ਹਿੱਸਾ ਸਨ, ਜੋ ਖਾਣ-ਪੀਣ ਦੀਆਂ ਚੀਜ਼ਾਂ ਨੂੰ ਪ੍ਰਮੁੱਖਤਾ ਨਾਲ ਸ਼ਾਮਲ ਕਰਦਾ ਹੈ। 

ਇਸ ਤੋਂ ਇਲਾਵਾ ਸਾਬਰ ਦੇ ਨਾਲ ਰਾਗੀ, ਬਾਜਰਾ, ਇਡਲੀ ਅਤੇ ਚਟਨੀ (270 ਕਿਲੋ ਕੈਲੋਰੀ), ਜਵਾਰ ਉਪਮਾ (206 ਕਿਲੋ ਕੈਲੋਰੀ) ਅਤੇ ਸ਼ੂਗਰ-ਮੁਕਤ ਮਿਕਸਡ ਬਾਜਰੇ ਦੀ ਖੀਰ (161 ਕਿਲੋ ਕੈਲੋਰੀ) ਸ਼ਾਮਲ ਹਨ। ਚਨਾ ਚਾਟ ਅਤੇ ਮੂੰਗ ਦਾਲ ਚੀਲਾ ਵਰਗੇ ਪ੍ਰਸਿੱਧ ਭਾਰਤੀ ਪਕਵਾਨ ਵੀ ਪ੍ਰਮੁੱਖਤਾ ਨਾਲ ਸ਼ਾਮਲ ਹਨ। ਹਲਕੇ ਨਾਸ਼ਤੇ ਲਈ ਸੰਸਦ ਜੌਂ ਅਤੇ ਜਵਾਰ ਸਲਾਦ (294 kcal) ਅਤੇ ਗਾਰਡਨ ਫਰੈਸ਼ ਸਲਾਦ (113 kcal) ਵਰਗੇ ਰੰਗੀਨ ਸਲਾਦ ਦੇ ਨਾਲ-ਨਾਲ ਭੁੰਨੇ ਹੋਏ ਟਮਾਟਰ, ਤੁਲਸੀ ਅਤੇ ਸਬਜ਼ੀਆਂ ਦੇ ਗਰਮ ਸੂਪ ਦਾ ਆਨੰਦ ਲੈ ਸਕਦੇ ਹਨ। ਮਾਸਾਹਾਰੀ ਭੋਜਨ ਦਾ ਸੇਵਨ ਕਰਨ ਵਾਲੇ ਸੰਸਦ ਮੈਬਰਾਂ ਦਾ ਵੀ ਖ਼ਾਸ ਧਿਆਨ ਰੱਖਿਆ ਗਿਆ ਹੈ। ਉਨ੍ਹਾਂ ਲਈ ਗਰਿੱਲਡ ਚਿਕਨ (157 kcal) ਅਤੇ ਗਰਿੱਲਡ ਮੱਛੀ (378 kcal) ਵਰਗੇ ਪੌਸ਼ਟਿਕ ਵਿਕਲਪ ਗਰਿੱਲਡ ਸਟੀਮਡ ਸਬਜ਼ੀਆਂ ਦੇ ਨਾਲ ਉਪਲਬਧ ਹਨ।

ਪੀਣ ਵਾਲੇ ਪਦਾਰਥਾਂ ਦੀ ਸੂਚੀ ਵਿਚ 'ਸਿਹਤ-ਪਹਿਲਾਂ' ਦ੍ਰਿਸ਼ਟੀਕੌਣ ਨੂੰ ਦਰਸਾਇਆ ਗਿਆ ਹੈ, ਜਿਸ ਵਿੱਚ ਗ੍ਰੀਨ ਅਤੇ ਹਰਬਲ ਚਾਹ, ਮਸਾਲਾ ਸੱਤੂ ਅਤੇ ਗੁੜ ਦੇ ਸੁਆਦ ਵਾਲਾ ਅੰਬ ਪੰਨਾ ਸ਼ਾਮਲ ਹੋਵੇਗਾ, ਜੋ ਖੰਡ ਨਾਲ ਭਰੇ ਸੋਡੇ ਅਤੇ ਰਵਾਇਤੀ ਮਠਿਆਈਆਂ ਦੀ ਥਾਂ ਲੈ ਰਹੇ ਹਨ। ਸਿਹਤਮੰਦ ਵਿਕਲਪਾਂ ਨੂੰ ਉਤਸ਼ਾਹਿਤ ਕਰਨ ਦੀ ਜ਼ਰੂਰਤ ਨੂੰ ਸਮਝਦੇ ਹੋਏ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਆਪਣੇ ਹਾਲੀਆ 'ਮਨ ਕੀ ਬਾਤ' ਭਾਸ਼ਣ ਵਿੱਚ ਮੋਟਾਪੇ ਨਾਲ ਨਜਿੱਠਣ ਲਈ ਦੇਸ਼ ਵਿਆਪੀ ਜਾਗਰੂਕਤਾ ਅਤੇ ਸਮੂਹਿਕ ਕਾਰਵਾਈ ਦੀ ਜ਼ਰੂਰਤ 'ਤੇ ਜ਼ੋਰ ਦਿੱਤਾ ਅਤੇ ਖਾਸ ਤੌਰ 'ਤੇ ਖਾਣ ਵਾਲੇ ਤੇਲ ਦੀ ਖਪਤ ਨੂੰ ਘਟਾਉਣ ਦਾ ਸੱਦਾ ਦਿੱਤਾ। ਲੋਕ ਸਭਾ ਸਪੀਕਰ ਸਦਨ ਦੇ ਸੈਸ਼ਨ ਦੌਰਾਨ ਸੰਸਦ ਮੈਂਬਰਾਂ ਲਈ ਨਿਯਮਤ ਸਿਹਤ ਜਾਂਚ ਕੈਂਪ ਲਗਾ ਰਹੇ ਹਨ। 

ਇਸ ਤੋਂ ਇਲਾਵਾ ਕਈ ਮਾਹਿਰਾਂ ਨੇ ਸੰਸਦ ਮੈਂਬਰਾਂ ਲਈ ਸਿਹਤਮੰਦ ਜੀਵਨ ਸ਼ੈਲੀ ਅਤੇ ਖੁਰਾਕ 'ਤੇ ਭਾਸ਼ਣ ਵੀ ਦਿੱਤੇ ਹਨ। ਇਸ ਵਚਨਬੱਧਤਾ ਨੂੰ ਮਜ਼ਬੂਤ ਕਰਦੇ ਹੋਏ ਸਰਕਾਰ ਨੇ 'ਫਿਟ ਇੰਡੀਆ ਮੂਵਮੈਂਟ', ਗੈਰ-ਸੰਚਾਰੀ ਬਿਮਾਰੀਆਂ ਦੀ ਰੋਕਥਾਮ ਅਤੇ ਨਿਯੰਤਰਣ ਲਈ ਰਾਸ਼ਟਰੀ ਪ੍ਰੋਗਰਾਮ (NP-NCD), ਪੋਸ਼ਣ ਅਭਿਆਨ, 'ਈਟ ਰਾਈਟ ਇੰਡੀਆ' ਅਤੇ 'ਖੇਲੋ ਇੰਡੀਆ' ਸਮੇਤ ਕਈ ਪਹਿਲਕਦਮੀਆਂ ਸ਼ੁਰੂ ਕੀਤੀਆਂ ਹਨ।