8 ਮਾਰਚ ਤੋਂ ਖਾਤਿਆਂ ''ਚ ਆਉਣਗੇ 2500 ਰੁਪਏ! ਔਰਤਾਂ ਅੱਜ ਹੀ ਕਰਨ ਲੈਣ ਇਹ ਜ਼ਰੂਰੀ ਕੰਮ

ਨਵੀਂ ਦਿੱਲੀ- ਭਾਜਪਾ ਸਰਕਾਰ ਅੰਤਰਰਾਸ਼ਟਰੀ ਮਹਿਲਾ ਦਿਵਸ ਮੌਕੇ 'ਔਰਤਾਂ ਨੂੰ ਵੱਡਾ ਤੋਹਫ਼ਾ ਦੇ ਸਕਦੀ ਹੈ। ਦਿੱਲੀ ਦੀ ਭਾਜਪਾ ਸਰਕਾਰ ਨੇ ਕਿਹਾ ਹੈ ਕਿ ਮੁੱਖ ਮੰਤਰੀ ਰੇਖਾ ਗੁਪਤਾ 8 ਮਾਰਚ ਨੂੰ ਅੰਤਰਰਾਸ਼ਟਰੀ ਮਹਿਲਾ ਦਿਵਸ ਮੌਕੇ ਔਰਤਾਂ ਦੇ ਖਾਤਿਆਂ 'ਚ 2500 ਰੁਪਏ ਭੇਜਣ ਦੀ ਯੋਜਨਾ ਸ਼ੁਰੂ ਕਰ ਸਕਦੀ ਹੈ। ਭਾਜਪਾ ਨੇ ਚੋਣਾਂ ਤੋਂ ਪਹਿਲਾਂ ਵਾਅਦਾ ਕੀਤਾ ਸੀ ਕਿ ਦਿੱਲੀ ਦੀਆਂ ਲੋੜਵੰਦ ਔਰਤਾਂ ਦੇ ਖਾਤਿਆਂ 'ਚ 2500 ਰੁਪਏ ਭੇਜਣ ਲਈ ਮਹਿਲਾ ਸਮ੍ਰਿੱਧੀ ਯੋਜਨਾ ਸ਼ੁਰੂ ਕੀਤੀ ਜਾਵੇਗੀ। ਮੰਨਿਆ ਜਾ ਰਿਹਾ ਹੈ ਕਿ ਇਹ ਯੋਜਨਾ ਮਹਿਲਾ ਸਨਮਾਨ ਯੋਜਨਾ ਵਰਗੀ ਹੀ ਹੋਵੇਗੀ। ਹਾਲਾਂਕਿ, ਇਹ ਅਜੇ ਸਪੱਸ਼ਟ ਨਹੀਂ ਹੈ ਕਿ ਇਸ ਲਈ ਅਰਜ਼ੀ ਪ੍ਰਕਿਰਿਆ ਕੀ ਹੋਵੇਗੀ?

ਇਹ ਵੀ ਪੜ੍ਹੋ : ਮਹਾਕੁੰਭ ਵਿਚ ਕਰੋੜਪਤੀ ਬਣਿਆ ਪਰਿਵਾਰ, 45 ਦਿਨਾਂ ਦੀ ਕਮਾਈ ਸੁਣ ਉੱਡ ਜਾਣਗੇ ਹੋਸ਼

ਜੇਕਰ ਦਿੱਲੀ ਦੀਆਂ ਹੋਰ ਯੋਜਨਾਵਾਂ ਵਾਂਗ ਇਸ ਲਈ ਵੀ ਅਪਲਾਈ ਕਰਨਾ ਹੋਵੇਗਾ ਤਾਂ ਸਭ ਤੋਂ ਪਹਿਲਾਂ ਤੁਹਾਨੂੰ ਇਕ ਜ਼ਰੂਰੀ ਕੰਮ ਹੁਣ ਤੋਂ ਹੀ ਕਰਨਾ ਪਵੇਗਾ। ਉਹ ਹੈ E-District ਪੋਰਟਲ 'ਤੇ ਰਜਿਸਟ੍ਰੇਸ਼ਨ। ਦਰਅਸਲ ਦਿੱਲੀ 'ਚ ਪਹਿਲਾਂ ਤੋਂ ਚੱਲ ਰਹੀਆਂ ਬਹੁਤ ਸਾਰੀਆਂ ਯੋਜਨਾਵਾਂ ਅਤੇ ਸੇਵਾਵਾਂ ਲਈ, ਤੁਹਾਨੂੰ ਸਿਰਫ਼ ਈ-ਡਿਸਟ੍ਰਿਕਟ ਪੋਰਟਲ ਰਾਹੀਂ ਹੀ ਅਰਜ਼ੀ ਦੇਣੀ ਪਵੇਗੀ ਪਰ ਤੁਸੀਂ ਸਿਰਫ਼ ਤਾਂ ਹੀ ਅਰਜ਼ੀ ਦੇ ਸਕਦੇ ਹੋ ਜੇਕਰ ਤੁਹਾਡੇ ਕੋਲ ਈ-ਡਿਸਟ੍ਰਿਕਟ ਪੋਰਟਲ 'ਤੇ ਰਜਿਸਟ੍ਰੇਸ਼ਨ ਲਈ ਯੂਜ਼ਰ ਆਈਡੀ ਅਤੇ ਪਾਸਵਰਡ ਹੈ। ਤੁਸੀਂ ਸਿਰਫ਼ ਯੂਜ਼ਰ ਆਈਡੀ ਅਤੇ ਪਾਸਵਰਡ ਰਾਹੀਂ ਹੀ ਲੌਗਇਨ ਕਰ ਸਕੋਗੇ। ਇਸ ਤੋਂ ਬਾਅਦ ਹੀ ਦਿੱਲੀ ਸਰਕਾਰ ਦੇ ਸਾਰੇ ਵਿਭਾਗਾਂ ਦੀਆਂ ਯੋਜਨਾਵਾਂ ਅਤੇ ਸੇਵਾਵਾਂ ਲਈ ਅਪਲਾਈ ਕਰਨ ਦਾ ਵਿਕਲਪ ਖੁੱਲ੍ਹਦਾ ਹੈ।

ਇੰਝ ਕਰੋ E-District ਪੋਰਟਲ 'ਤੇ ਰਜਿਸਟਰੇਸ਼ਨ

ਇਸਦੇ ਲਈ ਤੁਹਾਨੂੰ ਪਹਿਲਾਂ ਈ-ਡਿਸਟ੍ਰਿਕਟ ਪੋਰਟਲ 'ਤੇ ਜਾਣਾ ਪਵੇਗਾ।
ਸਿਟੀਜ਼ਨ ਕਾਰਨਰ 'ਚ ਨਵੇਂ ਯੂਜ਼ਰ ਰਜਿਸਟ੍ਰੇਸ਼ਨ ਟੈਬ 'ਤੇ ਕਲਿੱਕ ਕਰੋ।
ਤੁਹਾਨੂੰ ਦਸਤਾਵੇਜ਼ ਕਿਸਮ 'ਚ ਆਧਾਰ ਕਾਰਡ ਦੀ ਚੋਣ ਕਰਨੀ ਚਾਹੀਦੀ ਹੈ।
ਹੇਠਾਂ ਆਧਾਰ ਨੰਬਰ ਲਿਖੋ, ਫਿਰ ਕੈਪਚਾ ਕੋਡ ਲਿਖੋ।
ਸਹਿਮਤੀ 'ਤੇ ਕਲਿੱਕ ਕਰੋ ਅਤੇ Continue 'ਤੇ ਕਲਿੱਕ ਕਰੋ।

ਇਸ ਤੋਂ ਬਾਅਦ ਨਾਗਰਿਕ ਅਰਜ਼ੀ ਫਾਰਮ ਖੁੱਲ੍ਹੇਗਾ।
ਆਪਣਾ ਨਾਮ, ਲਿੰਗ, ਪਿਤਾ/ਮਾਤਾ ਦਾ ਨਾਮ, ਜਨਮ ਮਿਤੀ ਅਤੇ ਪਤਨੀ ਦਾ ਨਾਮ (ਜੇਕਰ ਵਿਆਹਿਆ ਹੋਇਆ ਹੈ) ਦਰਜ ਕਰੋ।
ਫਿਰ ਤੁਹਾਨੂੰ ਆਪਣਾ ਪੂਰਾ ਘਰ ਦਾ ਪਤਾ ਲਿਖਣਾ ਪਵੇਗਾ, ਫਿਰ ਆਪਣੀ ਈ-ਮੇਲ ਆਈਡੀ ਅਤੇ ਮੋਬਾਈਲ ਨੰਬਰ ਦਰਜ ਕਰਨਾ ਪਵੇਗਾ।
ਕੈਪਚਾ ਕੋਡ ਦਰਜ ਕਰੋ ਅਤੇ ਰਜਿਸਟਰ ਕਰਨ ਲਈ ਜਾਰੀ ਰੱਖੋ 'ਤੇ ਕਲਿੱਕ ਕਰੋ।
ਤੁਹਾਡੇ ਮੋਬਾਈਲ ਨੰਬਰ 'ਤੇ ਇਕ ਐਕਸੈਸ ਕੋਡ ਅਤੇ ਪਾਸਵਰਡ ਭੇਜਿਆ ਜਾਵੇਗਾ।
ਇਨ੍ਹਾਂ ਨੂੰ ਬਾਕਸ 'ਚ ਭਰੋ ਅਤੇ ਕੈਪਚਾ ਕੋਡ ਦੁਬਾਰਾ ਲਿਖੋ, Complete Registration 'ਤੇ ਕਲਿੱਕ ਕਰੋ।
ਤੁਹਾਡੀ ਪੂਰੀ ਜਾਣਕਾਰੀ ਤੁਹਾਡੀ USER ID ਦੇ ਨਾਲ ਉਪਲੱਬਧ ਹੋਵੇਗੀ, ਤੁਸੀਂ ਇਸ ਨੂੰ ਸੇਵ ਕਰ ਸਕਦੇ ਹੋ।
ਈ-ਡਿਸਟ੍ਰਿਕਟ ਪੋਰਟਲ 'ਤੇ ਲੌਗਇਨ ਕਰਨ ਲਈ ਪਾਸਵਰਡ ਤੁਹਾਡੇ ਰਜਿਸਟਰਡ ਮੋਬਾਈਲ ਨੰਬਰ 'ਤੇ ਭੇਜਿਆ ਜਾਵੇਗਾ।

ਜੇਕਰ ਤੁਸੀਂ ਦਿੱਲੀ ਸਰਕਾਰ ਦੀ ਕਿਸੇ ਵੀ ਯੋਜਨਾ ਲਈ ਅਰਜ਼ੀ ਦੇਣਾ ਚਾਹੁੰਦੇ ਹੋ ਜਾਂ ਕਿਸੇ ਸੇਵਾ ਦੀ ਲੋੜ ਹੈ, ਜਿਵੇਂ ਕਿ ਡਰਾਈਵਿੰਗ ਲਾਇਸੈਂਸ 'ਚ ਬਦਲਾਅ ਕਰਨਾ, ਵਿਆਹ ਸਰਟੀਫਿਕੇਟ, ਜਾਤੀ ਸਰਟੀਫਿਕੇਟ ਪ੍ਰਾਪਤ ਕਰਨਾ ਆਦਿ ਤਾਂ ਤੁਹਾਨੂੰ ਈ-ਡਿਸਟ੍ਰਿਕਟ ਪੋਰਟਲ 'ਤੇ ਲੌਗਇਨ ਕਰਨਾ ਪਵੇਗਾ।
ਲੌਗਇਨ ਲਈ ਅਧਿਕਾਰਤ ਵੈੱਬਸਾਈਟ https://edistrict.delhigovt.nic.in/ 'ਤੇ ਜਾਓ।
ਸਿਟੀਜ਼ਨ ਕਾਰਨਰ 'ਚ ਲੌਗਇਨ 'ਤੇ ਕਲਿੱਕ ਕਰੋ ਅਤੇ ਅਪਲਾਈ ਕਰੋ।
ਲੌਗਇਨ ਕਰਨ ਲਈ ਆਪਣਾ ਯੂਜ਼ਰ ਆਈਡੀ ਅਤੇ ਪਾਸਵਰਡ ਦਰਜ ਕਰੋ ਅਤੇ ਕੈਪਚਾ ਕੋਡ ਦਰਜ ਕਰੋ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8