ਹੈਂ...! ਮਜ਼ਦੂਰੀ ਕਰਨ ਆਏ 2 ਬੱਚਿਆਂ ਦੇ ਪਿਓ 'ਤੇ ਆ ਗਿਆ ਕੁੜੀ ਦਾ ਦਿਲ, ਕਿਹਾ- ''ਹੁਣ ਜੀਣਾ-ਮਰਨਾ ਨਾਲ ਤੇਰੇ...''

ਨੈਸ਼ਨਲ ਡੈਸਕ- ਬੀਤੇ ਕੁਝ ਦਿਨਾਂ ਤੋਂ ਅਨੋਖੀਆਂ ਹੀ ਪ੍ਰੇਮ ਕਹਾਣੀਆਂ ਸਾਹਮਣੇ ਆ ਰਹੀਆਂ ਹਨ। ਇਕ ਅਜਿਹੀ ਹੀ ਖ਼ਬਰ ਸਾਹਮਣੇ ਆਈ ਸੀ ਕਿ ਇਕ ਖ਼ਰਾਬ ਪੱਖੇ ਨੇ 2 ਲੋਕਾਂ ਨੂੰ ਪਿਆਰ ਦੇ ਰਾਹ 'ਤੇ ਤੋਰ ਦਿੱਤਾ ਤੇ ਦੋਵਾਂ ਦਾ ਵਿਆਹ ਹੋ ਗਿਆ।

ਹੁਣ ਅਜਿਹਾ ਹੀ ਇਕ ਹੋਰ ਮਾਮਲਾ ਬਿਹਾਰ ਤੋਂ ਸਾਹਮਣੇ ਆ ਰਿਹਾ ਹੈ, ਜਿੱਥੇ ਘਰ 'ਚ ਮਜ਼ਦੂਰੀ ਕਰਨ ਆਏ 2 ਬੱਚਿਆਂ ਦੇ ਪਿਓ 'ਤੇ ਇਕ ਕੁੜੀ ਦਾ ਦਿਲ ਆ ਗਿਆ ਤੇ ਦੋਵਾਂ ਨੇ ਭੱਜ ਕੇ ਵਿਆਹ ਕਰਵਾ ਲਿਆ। ਇਹੀ ਨਹੀਂ, ਪਿੰਡ ਦੀ ਪੰਚਾਇਤ ਨੇ ਵੀ ਦੋਹਾਂ ਦੇ ਰਿਸ਼ਤੇ ਨੂੰ ਸਵੀਕਾਰ ਕਰ ਲਿਆ ਹੈ। 

ਇਹ ਵੀ ਪੜ੍ਹੋ- IPL 2025 ; ਅੱਜ CSK ਦਾ ਮੁਕਾਬਲਾ KKR ਨਾਲ, ਟੀਮ ਦੀ ਡਗਮਗਾਉਂਦੀ ਬੇੜੀ ਨੂੰ ਸੰਭਾਲਣਗੇ 'ਕੈਪਟਨ ਕੂਲ'

ਜਾਣਕਾਰੀ ਅਨੁਸਾਰ ਇਹ ਮਾਮਲਾ ਬਿਹਾਰ ਦੇ ਪੂਰਬੀ ਚੰਪਾਰਨ ਜ਼ਿਲ੍ਹੇ ਦਾ ਹੈ, ਜਿੱਥੋਂ ਦੇ ਨਰਕਟੀਆਗੰਜ ਅਧੀਨ ਆਉਂਦੇ ਸਿਸਈ ਪਿੰਡ ਦਾ ਹੈ। ਅੱਜ ਤੋਂ ਕਰੀਬ 7 ਸਾਲ ਪਹਿਲਾਂ 2 ਬੱਚਿਆਂ ਦਾ ਪਿਓ ਇਕ ਘਰ 'ਚ ਮਜ਼ਦੂਰੀ ਕਰਨ ਗਿਆ ਸੀ, ਜਿਸ ਦੌਰਾਨ ਉਸ ਘਰ ਰਹਿਣ ਵਾਲੀ ਕੁੜੀ ਨੂੰ ਉਸ ਨਾਲ ਪਿਆਰ ਹੋ ਗਿਆ। 

ਹੁਣ 7 ਸਾਲ ਬਾਅਦ ਦੋਵਾਂ ਨੇ ਘਰੋਂ ਭੱਜ ਕੇ ਵਿਆਹ ਕਰਵਾ ਲਿਆ ਤੇ ਵਿਆਹ ਕਰਵਾ ਕੇ ਦੋਵੇਂ ਘਰ ਵਾਪਸ ਆ ਗਏ। ਇਸ ਮਗਰੋਂ ਜਦੋਂ ਨੌਜਵਾਨ ਤੋਂ ਇਸ ਬਾਰੇ ਪੁੱਛਿਆ ਗਿਆ ਤਾਂ ਉਸ ਨੇ ਦੱਸਿਆ ਕਿ ਉਹ ਆਪਣੀਆਂ ਦੋਵਾਂ ਪਤਨੀਆਂ ਦੇ ਨਾਲ ਰਹੇਗਾ ਤੇ ਦੋਵਾਂ ਦਾ ਹੀ ਖਿਆਲ ਰੱਖੇਗਾ। ਉਸ ਦੇ ਪਿਤਾ ਨੇ ਵੀ ਆਪਣੀ ਦੂਜੀ ਨੂੰਹ ਨੂੰ ਸਵੀਕਾਰ ਕਰ ਲਿਆ ਹੈ, ਜਿਸ ਨੇ ਕਿਹਾ ਕਿ ਮੈਂ ਹੁਣ ਆਖ਼ਰੀ ਸਾਹ ਤੱਕ ਆਪਣੇ ਪਤੀ ਨਾਲ ਹੀ ਰਹਾਂਗੀ। 

ਇਹ ਵੀ ਪੜ੍ਹੋ- ਕਿੱਥੋਂ ਕਰ ਲਓਗੇ ਮੁਕਾਬਲਾ ! IPL ਨਾਲ ਟਕਰਾਅ ਤੋਂ ਬਚਣ ਲਈ PSL ਨੂੰ ਬਦਲਣਾ ਪਿਆ Time

ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ

👇Join us on Whatsapp channel👇

https://whatsapp.com/channel/0029Va94hsaHAdNVur4L170e