ਗੁੰਮਰਾਹਕੁੰਨ ਦਾਅਵਿਆਂ ’ਤੇ FSSAI ਸਖਤ, Lotte India, Ferns n Petals ਅਤੇ Kubera Foods ਨੂੰ ਨੋਟਿਸ

ਬਿਜ਼ਨੈੱਸ ਡੈਸਕ - ਭਾਰਤੀ ਖਾਦ ਸੁਰੱਖਿਆ ਅਤੇ ਮਿਆਰ ਅਥਾਰਟੀ (ਐੱਫ. ਐੱਸ. ਐੱਸ. ਏ. ਆਈ.) ਨੇ ਖਾਦ ਪਦਾਰਥਾਂ ’ਤੇ ਗੁੰਮਰਾਹਕੁੰਨ ਦਾਅਵਿਆਂ ਅਤੇ ਲੇਬਲਿੰਗ ਨਿਯਮਾਂ ਦੀ ਉਲੰਘਣਾ ਦੇ ਦੋਸ਼ ’ਚ ਲੋਟੇ ਇੰਡੀਆ, ਫਰਨਜ਼ ਐੱਨ ਪੈਟਲਜ਼ ਅਤੇ ਕੁਬੇਰਾ ਫੂਡਜ਼ ਨੂੰ ਕਾਰਨ ਦੱਸੋ ਨੋਟਿਸ ਜਾਰੀ ਕੀਤੇ ਹਨ।

ਇਹ ਵੀ ਪੜ੍ਹੋ :  ਅਰਬਪਤੀ ਦੀ ਧੀ ਵਸੁੰਧਰਾ ਓਸਵਾਲ ਨਾਲ ਸਵਿੱਟਜ਼ਰਲੈਂਡ 'ਚ ਹੋਇਆ ਨਸਲੀ ਭੇਦਭਾਵ, Video

ਰੈਗੂਲੇਟਰੀ ਨੇ ਤਿੰਨਾਂ ਕੰਪਨੀਆਂ ਨੂੰ 7 ਦਿਨਾਂ ਦੇ ਅੰਦਰ ਜਵਾਬ ਦੇਣ ਦਾ ਨਿਰਦੇਸ਼ ਦਿੱਤਾ ਹੈ ਕਿ ਉਨ੍ਹਾਂ ਖਿਲਾਫ ਖੁਰਾਕ ਸੁਰੱਖਿਆ ਅਤੇ ਮਿਆਰ ਐਕਟ, 2006 ਤਹਿਤ ਕਾਰਵਾਈ ਕਿਉਂ ਨਾ ਕੀਤੀ ਜਾਵੇ। ਇਹ ਜਾਣਕਾਰੀ ਐੱਫ. ਐੱਸ. ਐੱਸ. ਏ. ਆਈ. ਨੇ ਸੋਸ਼ਲ ਮੀਡੀਆ ਮੰਚ ਇੰਸਟਾਗ੍ਰਾਮ ਜ਼ਰੀਏ ਸਾਂਝੀ ਕੀਤੀ।

ਲੋਟੇ ਇੰਡੀਆ ’ਤੇ ਕਈ ਤਰ੍ਹਾਂ ਦੀਆਂ ਬੇਨਿਯਮੀਆਂ ਦੇ ਦੋਸ਼

ਐੱਫ. ਐੱਸ. ਐੱਸ. ਏ. ਆਈ. ਅਨੁਸਾਰ ਲੋਟੇ ਇੰਡੀਆ ਨੇ ਬਿਨਾਂ ਅਗਾਊਂ ਪ੍ਰਵਾਨਗੀ ਪੁਰਾਣੇ ਨਾਮ ਵਾਲੇ ਪਹਿਲਾਂ ਤੋਂ ਛਪੇ ਲੇਬਲ ਦੀ ਵਰਤੋਂ ਕੀਤੀ, ਜੋ ਨਿਰਧਾਰਿਤ ਮਿਆਰਾਂ ਦੇ ਅਨੁਕੂਲ ਨਹੀਂ ਸਨ। ਇਸ ਤੋਂ ਇਲਾਵਾ ਕੰਪਨੀ ਦੇ ਕੁਝ ਉਤਪਾਦਾਂ ’ਤੇ ‘100 ਫੀਸਦੀ ਸ਼ਾਕਾਹਾਰੀ’ ਦਾ ਦਾਅਵਾ ਗੁੰਮਰਾਹ ਕਰਨ ਵਾਲਾ ਪਾਇਆ ਗਿਆ।

ਇਹ ਵੀ ਪੜ੍ਹੋ :  LPG ਗਾਹਕਾਂ ਲਈ ਅੱਜ ਤੋਂ ਬਦਲ ਗਏ ਕਈ ਨਿਯਮ, ਸਿਲੰਡਰ ਬੁੱਕ ਕਰਨ ਤੋਂ ਪਹਿਲਾਂ ਜਾਣੋ ਨਵੇਂ ਬਦਲਾਅ

ਪੇਪੇਰੋ ਬਿਸਕੁਟ ਸਟਿਕਸ ’ਤੇ ਪੋਸ਼ਣ ਸਬੰਧੀ ਜਾਣਕਾਰੀ ਨਿਰਧਾਰਿਤ ਫਾਰਮੈੱਟ ’ਚ ਨਹੀਂ ਦਿੱਤੀ ਗਈ, ਜਦੋਂਕਿ ਲੌਲੀ ਬਲਿਸ ਲੌਲੀਪੌਪ ’ਚ ਵਿਟਾਮਿਨ ਦਾ ਪੱਧਰ ਨਿਯਮਾਂ ਦੇ ਅਨੁਕੂਲ ਨਹੀਂ ਮਿਲਿਆ। ਉੱਥੇ ਹੀ ਫਰੂਟਜ਼ ਐਕਲੇਅਰਸ ’ਚ ਫਲ ਨਾ ਹੋਣ ਦੇ ਬਾਵਜੂਦ ਪੈਕੇਜਿੰਗ ਤੋਂ ਫਲ ਹੋਣ ਦਾ ਅਹਿਸਾਸ ਕਰਵਾਇਆ ਗਿਆ ਅਤੇ ਲਾਜ਼ਮੀ ਡਿਸਕਲੇਮਰ ਵੀ ਨਹੀਂ ਦਿੱਤਾ ਗਿਆ।

ਇਹ ਵੀ ਪੜ੍ਹੋ : ਪਾਕਿਸਤਾਨੀ ਕ੍ਰੀਮ ਨਾਲ 18 ਭਾਰਤੀ ਔਰਤਾਂ ਦੀ ਕਿਡਨੀ ਹੋਈ ਖ਼ਰਾਬ; 'Goree' ਸਮੇਤ 3 ਸੁੰਦਰਤਾ ਉਤਪਾਦਾਂ 'ਤੇ ਲੱਗਾ ਬੈਨ

ਕੁਬੇਰਾ ਫੂਡਜ਼ ਦੇ ਦਾਅਵਿਆਂ ’ਤੇ ਵੀ ਸਵਾਲ

ਕੁਬੇਰਾ ਫੂਡਜ਼ ਦੇ ‘ਸਾਫਟ ਐਂਡ ਫਰੈਸ਼ ਕ੍ਰੀਮ ਬਨ ਪਾਈਨਐਪਲ’ ਉਤਪਾਦ ’ਤੇ ‘100 ਫੀਸਦੀ ਕੁਦਰਤੀ’ ਅਤੇ ‘ਕੋਈ ਪ੍ਰੀਜ਼ਰਵੇਟਿਵ, ਰੰਗ ਅਤੇ ਫਲੇਵਰ ਨਹੀਂ’ ਵਰਗੇ ਦਾਅਵੇ ਕੀਤੇ ਗਏ, ਜਦੋਂਕਿ ਉਤਪਾਦ ਦੇ ਲੇਬਲ ’ਤੇ ਪ੍ਰੀਜ਼ਰਵੇਟਿਵ, ਬਨਾਉਟੀ ਰੰਗ ਅਤੇ ਫਲੇਵਰਿੰਗ ਪਦਾਰਥਾਂ ਦਾ ਜ਼ਿਕਰ ਮੌਜੂਦ ਹੈ। ਐੱਫ. ਐੱਸ. ਐੱਸ. ਏ. ਆਈ. ਨੇ ‘ਸ਼ੁੱਧ, ਤਾਜ਼ਾ ਅਤੇ ਕੁਦਰਤੀ’ ਵਰਗੇ ਦਾਅਵਿਆਂ ਨੂੰ ਵੀ ਨਿਯਮਾਂ ਦੇ ਉਲਟ ਦੱਸਿਆ ਹੈ।

ਇਹ ਵੀ ਪੜ੍ਹੋ :   ਪਾਕਿਸਤਾਨ 'ਚ ਜਿਊਣਾ ਹੀ ਨਹੀਂ ਸਗੋਂ ਮਰਨਾ ਵੀ ਹੋਇਆ ਮਹਿੰਗਾ , ਅੰਤਿਮ ਵਿਦਾਈ ਬਣਿਆ ਵੱਡਾ ਵਿੱਤੀ ਸੰਕਟ

ਫਰਨਜ਼ ਐਨ ਪੈਟਲਜ਼ ਦੀ ਲੇਬਲਿੰਗ ’ਚ ਵੀ ਮਿਲੀਆਂ ਕਮੀਆਂ

ਰੈਗੂਲੇਟਰੀ ਨੇ ਫਰਨਜ਼ ਐਨ ਪੈਟਲਜ਼ ਦੇ ‘ਰੋਸਟਿਡ ਆਲਮੰਡ ਚਾਕਲੇਟ’ ਉਤਪਾਦ ’ਤੇ ‘ਪ੍ਰੀਮੀਅਮ ਚਾਕਲੇਟ’ ਵਰਗੇ ਦਾਅਵਿਆਂ ਨੂੰ ਗੁੰਮਰਾਹ ਕਰਨ ਵਾਲਾ ਦੱਸਿਆ। ਐੱਫ. ਐੱਸ. ਐੱਸ. ਏ. ਆਈ. ਮੁਤਾਬਕ ਉਤਪਾਦ ’ਚ ਹਾਈਡ੍ਰੋਜਨਿਡ ਬਨਸਪਤੀ ਚਰਬੀ (ਫੈਟ) ਦੀ ਵਰਤੋਂ ਕੀਤੀ ਗਈ ਹੈ। ਨਾਲ ਹੀ, ਸਿਫਾਰਿਸ਼ੀ ਖੁਰਾਕ ਭੱਤਾ (ਆਰ. ਡੀ. ਏ.) ਅਤੇ ਸਮੱਗਰੀ ਦੇ ਖੁਲਾਸੇ ਨਾਲ ਜੁੜੀ ਲੇਬਲਿੰਗ ’ਚ ਵੀ ਕਈ ਕਮੀਆਂ ਪਾਈਆਂ ਗਈਆਂ।

ਇਹ ਵੀ ਪੜ੍ਹੋ : ਅੱਜ ਫਿਰ ਤੀਜੇ ਦਿਨ ਟੁੱਟੇ Gold-Silver ਦੇ ਭਾਅ, ਜਾਣੋ ਕਿੰਨੇ ਹੋਏ ਕੀਮਤੀ ਧਾਤਾਂ ਦੇ ਰੇਟ

ਸ਼ਿਕਾਇਤਾਂ ਅਤੇ ਸਵੈ-ਨੋਟਿਸ ਦੇ ਆਧਾਰ ’ਤੇ ਕਾਰਵਾਈ

ਐੱਫ. ਐੱਸ. ਐੱਸ. ਏ. ਆਈ. ਨੇ ਕਿਹਾ ਕਿ ਹਾਲ ਦੇ ਮਹੀਨਿਆਂ ’ਚ ਖਪਤਕਾਰਾਂ ਦੇ ਹਿੱਤਾਂ ਦੀ ਰੱਖਿਆ ਲਈ ਕਈ ਕੰਪਨੀਆਂ ਖਿਲਾਫ ਕਾਰਵਾਈ ਕੀਤੀ ਗਈ ਹੈ। ਇਸ ਤੋਂ ਪਹਿਲਾਂ ‘ਤਾਜ਼ਾ ਪਨੀਰ’ ਸਬੰਧੀ ਗੁੰਮਰਾਹਕੁੰਨ ਦਾਅਵਿਆਂ ਨੂੰ ਲੈ ਕੇ ਹੈਰੀਟੇਜ ਫੂਡਜ਼ ਸਮੇਤ ਹੋਰ ਕੰਪਨੀਆਂ ਨੂੰ ਵੀ ਨੋਟਿਸ ਜਾਰੀ ਕੀਤੇ ਗਏ ਸਨ। ਰੈਗੂਲੇਟਰੀ ਅਨੁਸਾਰ ਮੌਜੂਦਾ ਨੋਟਿਸ ਸਵੈ-ਨੋਟਿਸ ਲੈਣ ਅਤੇ ਖਪਤਕਾਰਾਂ ਤੋਂ ਪ੍ਰਾਪਤ ਸ਼ਿਕਾਇਤਾਂ ਦੇ ਆਧਾਰ ’ਤੇ ਜਾਰੀ ਕੀਤੇ ਗਏ ਹਨ ਅਤੇ ਅੱਗੇ ਵੀ ਅਜਿਹੇ ਮਾਮਲਿਆਂ ’ਚ ਸਖਤ ਕਾਰਵਾਈ ਜਾਰੀ ਰਹੇਗੀ।

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt