ਧੀ ਲਈ ਮੁੰਡਾ ਲੱਭਣ ਗਿਆ ਪਿਤਾ ਖੁਦ ਕਰਵਾ ਆਇਆ ਤੀਜਾ ਵਿਆਹ ! ਹੋ ਗਿਆ ਵੱਡਾ ਹੰਗਾਮਾ

ਨੈਸ਼ਨਲ ਡੈਸਕ : ਉੱਤਰ ਪ੍ਰਦੇਸ਼ ਦੇ ਸੋਨਭੱਦਰ ਜ਼ਿਲ੍ਹੇ ਤੋਂ ਇੱਕ ਬੇਹੱਦ ਹੈਰਾਨੀਜਨਕ ਮਾਮਲਾ ਸਾਹਮਣੇ ਆਇਆ ਹੈ, ਜਿੱਥੇ ਇੱਕ ਵਿਅਕਤੀ ਆਪਣੀ ਧੀ ਲਈ ਰਿਸ਼ਤਾ ਦੇਖਣ ਦੇ ਬਹਾਨੇ ਘਰੋਂ ਨਿਕਲਿਆ ਪਰ ਖੁਦ ਹੀ ਤੀਜੀ ਪਤਨੀ ਲੈ ਕੇ ਵਾਪਸ ਪਰਤਿਆ। ਇਸ ਘਟਨਾ ਤੋਂ ਬਾਅਦ ਘਰ ਵਿੱਚ ਕਲੇਸ਼ ਪੈਦਾ ਹੋ ਗਿਆ ਅਤੇ ਮਾਮਲਾ ਪੁਲਸ ਦੇ ਪਰਿਵਾਰ ਪਰਾਮਰਸ਼ ਕੇਂਦਰ ਤੱਕ ਪਹੁੰਚ ਗਿਆ।

ਰਿਸ਼ਤਾ ਲੱਭਣ ਦੇ ਬਹਾਨੇ ਕੀਤਾ ਤੀਜਾ ਵਿਆਹ
ਇਹ ਵਿਅਕਤੀ ਘਰੋਂ ਇਹ ਕਹਿ ਕੇ ਗਿਆ ਸੀ ਕਿ ਉਹ ਧੀ ਲਈ ਲੜਕਾ ਦੇਖਣ ਜਾ ਰਿਹਾ ਹੈ ਅਤੇ ਕਿਤੇ ਨਾ ਕਿਤੇ ਰਿਸ਼ਤਾ ਤੈਅ ਕਰ ਕੇ ਹੀ ਮੁੜੇਗਾ। ਜਦੋਂ ਉਹ ਤਿੰਨ ਮਹੀਨਿਆਂ ਬਾਅਦ ਵਾਪਸ ਆਇਆ ਤਾਂ ਉਸ ਦੇ ਨਾਲ ਇੱਕ ਨੌਜਵਾਨ ਔਰਤ ਸੀ, ਜਿਸ ਨੂੰ ਦੇਖ ਕੇ ਪਰਿਵਾਰਕ ਮੈਂਬਰ ਦੰਗ ਰਹਿ ਗਏ। ਪਤਾ ਲੱਗਾ ਕਿ ਉਸ ਨੇ ਗੁਪਤ ਤੌਰ 'ਤੇ ਤੀਜਾ ਵਿਆਹ ਕਰ ਲਿਆ ਹੈ।

ਪਤਨੀ ਨੇ ਲਗਾਏ ਗੰਭੀਰ ਦੋਸ਼
 ਐਤਵਾਰ ਨੂੰ ਉਕਤ ਵਿਅਕਤੀ ਦੀ ਦੂਜੀ ਪਤਨੀ ਮਹਿਲਾ ਥਾਣੇ ਦੇ ਪਰਿਵਾਰ ਪਰਾਮਰਸ਼ ਕੇਂਦਰ ਵਿੱਚ ਪਹੁੰਚੀ ਅਤੇ ਆਪਣੇ ਪਤੀ ਵਿਰੁੱਧ ਸ਼ਿਕਾਇਤਾਂ ਕੀਤੀਆਂ। ਉਸ ਨੇ ਦੱਸਿਆ ਕਿ ਉਨ੍ਹਾਂ ਦਾ ਵਿਆਹ ਲਗਭਗ 20 ਸਾਲ ਪਹਿਲਾਂ ਹੋਇਆ ਸੀ ਅਤੇ ਉਨ੍ਹਾਂ ਦੇ ਪੰਜ ਵੱਡੇ ਬੱਚੇ ਹਨ। ਪਤਨੀ ਅਨੁਸਾਰ, ਉਸ ਦੇ ਪਤੀ ਨੇ ਆਪਣੀ ਪਹਿਲੀ ਪਤਨੀ ਨੂੰ ਮਾਨਸਿਕ ਤੌਰ 'ਤੇ ਪਰੇਸ਼ਾਨ ਦੱਸ ਕੇ ਪਹਿਲਾਂ ਹੀ ਛੱਡ ਦਿੱਤਾ ਸੀ। ਹੁਣ ਤੀਜੇ ਵਿਆਹ ਕਾਰਨ ਘਰ ਵਿੱਚ ਤਣਾਅ ਅਤੇ ਬਦਸਲੂਕੀ ਦਾ ਮਾਹੌਲ ਬਣ ਗਿਆ ਹੈ।

ਪਤੀ ਦੀ ਸਫਾਈ ਤੇ ਪੁਲਸ ਦਾ ਸਮਝੌਤਾ 
ਥਾਣੇ ਵਿੱਚ ਮੌਜੂਦ ਪਤੀ ਨੇ ਆਪਣਾ ਪੱਖ ਰੱਖਦਿਆਂ ਪਤਨੀ 'ਤੇ ਹੀ ਦੁਰਵਿਵਹਾਰ ਦੇ ਦੋਸ਼ ਲਗਾਏ,। ਉਸ ਨੇ ਦਾਅਵਾ ਕੀਤਾ ਕਿ ਪਤਨੀ ਦੀਆਂ ਇਨ੍ਹਾਂ ਹਰਕਤਾਂ ਕਾਰਨ ਹੀ ਉਸ ਨੇ ਤੀਜਾ ਵਿਆਹ ਕਰਨ ਦਾ ਫੈਸਲਾ ਲਿਆ। ਪਤਨੀ ਆਪਣੇ ਪਤੀ 'ਤੇ ਮੁਕੱਦਮਾ ਦਰਜ ਨਹੀਂ ਕਰਵਾਉਣਾ ਚਾਹੁੰਦੀ ਸੀ ਪਰ ਸਖ਼ਤ ਕਾਰਵਾਈ ਦੀ ਮੰਗ ਕਰ ਰਹੀ ਸੀ। ਮਹਿਲਾ ਥਾਣਾ ਇੰਚਾਰਜ ਸਵਿਤਾ ਸਰੋਜ ਅਤੇ ਹੋਰ ਪੱਤਵੰਤਿਆਂ ਦੀ ਮੌਜੂਦਗੀ ਵਿੱਚ ਕਾਫੀ ਜੱਦੋ-ਜਹਿਦ ਤੋਂ ਬਾਅਕ ਇਹ ਸਮਝੌਤਾ ਹੋਇਆ ਕਿ ਪਤੀ ਆਪਣੀ ਤੀਜੀ ਪਤਨੀ ਨੂੰ ਘਰ ਤੋਂ ਬਾਹਰ ਕਿਤੇ ਹੋਰ ਰੱਖੇਗਾ ਅਤੇ ਆਪਣੀ ਦੂਜੀ ਪਤਨੀ ਤੇ ਬੱਚਿਆਂ ਨਾਲ ਸਹੀ ਵਿਵਹਾਰ ਕਰੇਗਾ।

ਮਿਸ਼ਨ ਸ਼ਕਤੀ ਤਹਿਤ ਹੋਈ ਕਾਰਵਾਈ 
ਇਹ ਮਾਮਲਾ 'ਮਿਸ਼ਨ ਸ਼ਕਤੀ' ਮੁਹਿੰਮ ਤਹਿਤ ਆਯੋਜਿਤ ਪਰਿਵਾਰ ਪਰਾਮਰਸ਼ ਪ੍ਰੋਗਰਾਮ ਦੌਰਾਨ ਸਾਹਮਣੇ ਆਇਆ। ਇਸ ਦਿਨ ਕੁੱਲ ਅੱਠ ਪਰਿਵਾਰਕ ਮਾਮਲੇ ਪਹੁੰਚੇ ਸਨ, ਜਿਨ੍ਹਾਂ ਵਿੱਚੋਂ ਛੇ ਮਾਮਲਿਆਂ ਵਿੱਚ ਦੋਵਾਂ ਪੱਖਾਂ ਦੀ ਸਹਿਮਤੀ ਨਾਲ ਆਪਸੀ ਗੱਲਬਾਤ ਰਾਹੀਂ ਸੁਲ੍ਹਾ-ਸਮਝੌਤਾ ਕਰਵਾ ਕੇ ਉਨ੍ਹਾਂ ਨੂੰ ਵਾਪਸ ਭੇਜ ਦਿੱਤਾ ਗਿਆ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e