ਚੋਣ ਕਾਨੂੰਨ ਸੋਧ ਬਿੱਲ 2021'' ਜਾਣੋ ਇਸ ਦੇ ਲਾਭ

ਨਵੀਂ ਦਿੱਲੀ : ਵੋਟਰ ਸੂਚੀ ’ਚ ਰਜਿਸਟ੍ਰੇਸ਼ਨ ਇੱਕ ਵਿਅਕਤੀ ਦੁਆਰਾ ਇੱਕ ਅਰਜ਼ੀ ਦੇ ਅਧਾਰ ’ਤੇ ਕੀਤੀ ਜਾਂਦੀ ਹੈ ਜੋ ਇੱਕ ਵੋਟਰ ਵਜੋਂ ਰਜਿਸਟਰ ਹੋਣ ਦੇ ਯੋਗ ਹੈ। ਇਸ ਬਿੱਲ ’ਚ ਇੱਕ ਵਿਵਸਥਾ ਹੈ ਜਿਸ ਤਹਿਤ ਨਵਾਂ ਬਿਨੈਕਾਰ ਪਛਾਣ ਦੇ ਉਦੇਸ਼ ਲਈ ਅਰਜ਼ੀ ਦੇ ਨਾਲ ਸਵੈ-ਇੱਛਾ ਨਾਲ ਆਧਾਰ ਨੰਬਰ ਪ੍ਰਦਾਨ ਕਰ ਸਕਦਾ ਹੈ। ਕੋਈ ਵੀ ਅਰਜ਼ੀ ਇਸ ਆਧਾਰ 'ਤੇ ਰੱਦ ਨਹੀਂ ਕੀਤੀ ਜਾਵੇਗੀ ਕਿ ਆਧਾਰ ਨੰਬਰ ਜਮ੍ਹਾ ਨਹੀਂ ਕਰਵਾਇਆ ਗਿਆ ਹੈ। ਆਧਾਰਕਾਰਡ ਨੂੰ ਵੋਟਰ ਸੂਚੀ ਨਾਲ ਜੋੜਨਾ ਇਲੈਕਟੋਰਲ ਡਾਟਾਬੇਸ ਪ੍ਰਬੰਧਨ ’ਚ ਇੱਕ ਵੱਡੀ ਸਮੱਸਿਆ ਦਾ ਹੱਲ ਕਰੇਗਾ ਜੋ ਕਿ ਵੱਖ-ਵੱਖ ਸਥਾਨਾਂ 'ਤੇ ਇੱਕੋ ਵਿਅਕਤੀ ਦੇ ਕਈ ਨਾਮ ਹਨ। ਇਹ ਵੋਟਰਾਂ ਵਲੋਂ ਆਪਣੀ ਰਿਹਾਇਸ਼ ਸਥਾਨ ਨੂੰ ਵਾਰ-ਵਾਰ ਬਦਲਣਾ ਅਤੇ ਪਿਛਲੀ ਰਜਿਸਟ੍ਰੇਸ਼ਨ ਨੂੰ ਹਟਾਏ ਬਿਨਾਂ ਨਵੀਂ ਜਗ੍ਹਾ 'ਤੇ ਨਾਮ ਦਰਜ ਕਰਵਾਉਣ ਦੇ ਕਾਰਨ ਹੋ ਸਕਦਾ ਹੈ। ਇਸ ਤਰ੍ਹਾਂ, ਜਿਨ੍ਹਾਂ ਵੋਟਰਾਂ ਦੇ ਨਾਮ ਇੱਕ ਤੋਂ ਵੱਧ ਵੋਟਰ ਸੂਚੀਆਂ ’ਚ ਜਾਂ ਕਈ ਵਾਰ ਇੱਕੋ ਵੋਟਰ ਸੂਚੀ ’ਚ ਇੱਕ ਤੋਂ ਵੱਧ ਵਾਰ ਆਉਂਦੇ ਹਨ। ਅਜਿਹੀਆਂ ਮੁਸ਼ਕਲਾਂ ਤੋਂ ਨਜਿੱਠਣਾ ਸੌਖਾ ਹੋਵੇਗਾ।

ਇਹ ਵੀ ਪੜ੍ਹੋ : ‘ਪਿਛਲੇ ਦੋ ਸਾਲਾਂ ’ਚ ਪਾਕਿ ਨੇ LoC ’ਤੇ ਕੀਤਾ 5601 ਵਾਰ ਜੰਗਬੰਦੀ ਦਾ ਉਲੰਘਣ’

ਇੱਕ ਵਾਰ ਆਧਾਰਕਾਰਡ ਲਿੰਕ ਪ੍ਰਾਪਤ ਹੋਣ ਤੋਂ ਬਾਅਦ, ਜਦੋਂ ਵੀ ਕੋਈ ਵਿਅਕਤੀ ਨਵੀਂ ਰਜਿਸਟ੍ਰੇਸ਼ਨ ਲਈ ਅਰਜ਼ੀ ਦਿੰਦਾ ਹੈ ਤਾਂ ਵੋਟਰ ਰੋਲ ਡੇਟਾ ਸਿਸਟਮ ਪਿਛਲੀ ਰਜਿਸਟ੍ਰੇਸ਼ਨ ਦੀ ਮੌਜੂਦਗੀ ਬਾਰੇ ਵੀ ਸਾਰਾ ਡੇਟਾ ਦੱਸ ਦੇਵੇਗਾ। ਇਹ ਵੋਟਰ ਸੂਚੀ ਨੂੰ ਕਾਫ਼ੀ ਹੱਦ ਤੱਕ ਸਾਫ਼ ਕਰਨ ’ਚ ਮਦਦ ਕਰੇਗਾ ਅਤੇ ਉਸ ਜਗ੍ਹਾ 'ਤੇ ਵੋਟਰ ਰਜਿਸਟ੍ਰੇਸ਼ਨ ਦੀ ਸਹੂਲਤ ਦੇਵੇਗਾ ਜਿੱਥੇ ਉਹ 'ਆਮ ਤੌਰ 'ਤੇ ਨਿਵਾਸੀ' ਹਨ।