ਰਾਜਨੀਤਿਕ ਦਲਾਂ ਨਾਲ EC ਦੀ ਬੈਠਕ ਖਤਮ, ਕੁਝ ਪਾਰਟੀਆਂ ਨੇ EVM ''ਤੇ ਚੁੱਕੇ ਸਵਾਲ
Monday, Aug 27, 2018 - 06:30 PM (IST)
ਨਵੀਂ ਦਿੱਲੀ— ਅਗਲੀਆਂ ਲੋਕਸਭਾ ਚੋਣਾਂ ਅਤੇ ਵਿਧਾਨਸਭਾ ਚੋਣਾਂ ਦੇ ਮੱਦੇਨਜ਼ਰ ਚੋਣ ਸੁਧਾਰਾਂ 'ਤੇ ਵਿਚਾਰ ਲਈ ਚੋਣ ਕਮਿਸ਼ਨ ਵੱਲੋਂ ਅੱਜ ਬੁਲਾਈ ਗਈ ਰਾਜਨੀਤਿਕ ਦਲਾਂ ਦੀ ਬੈਠਕ ਖਤਮ ਹੋ ਗਈ ਹੈ। ਬੈਠਕ ਦੇ ਬਾਅਦ ਮੀਡੀਆ ਨਾਲ ਗੱਲ ਕਰਦੇ ਹੋਏ ਮੁਖ ਚੋਣ ਕਮਿਸ਼ਨ ਆਯੁਕਤ ਓ.ਪੀ.ਰਾਵਤ ਨੇ ਕਿਹਾ ਕਿ ਕੁਝ ਰਾਜਨੀਤਿਕ ਦਲਾਂ ਨੂੰ ਈ.ਵੀ.ਐੱਮ. ਅਤੇ ਵੀ.ਵੀ.ਪੀ.ਏ.ਟੀ. ਤੋਂ ਪਰੇਸ਼ਾਨ ਹਨ। ਕਮਿਸ਼ਨ ਉਨ੍ਹਾਂ ਦੀਆਂ ਮੰਗਾ 'ਤੇ ਵਿਚਾਰ ਕਰੇਗਾ। ਉਥੇ ਹੀ ਕੁਝ ਪਾਰਟੀਆਂ ਨੇ ਕਿਹਾ ਕਿ ਮਤਪੱਤਰ 'ਤੇ ਵਾਪਸ ਜਾਣਾ ਠੀਕ ਨਹੀਂ ਕਿਉਂਕਿ ਇਹ ਬੂਥ ਕੈਪਚਰਿੰਗ ਵਾਪਸ ਲਿਆਏਗਾ। ਚੋਣ ਕਮਿਸ਼ਨ ਨੇ ਕਿਹਾ ਕਿ ਅਸੀਂ ਸਾਰੇ ਦਲਾਂ ਦੇ ਵਿਚਾਰ ਅਤੇ ਸਮੱਸਿਆਵਾਂ ਨੂੰ ਸੁਣਿਆ ਹੈ। ਸਾਡੀ ਪੂਰੀ ਕੋਸ਼ਿਸ਼ ਹੈ ਕਿ ਅਸੀਂ ਸਾਰਿਆਂ ਦਾ ਸਕਾਰਤਮਕ ਹੱਲ ਕੱਢੀਏ।
ਕਮਿਸ਼ਨ ਨੇ ਇਸ ਬੈਠਕ ਲਈ ਸੱਤ ਪੰਜੀਕਰਨ ਰਾਸ਼ਟਰੀ ਦਲਾਂ ਅਤੇ 51 ਖੇਤਰੀ ਦਲਾਂ ਨੂੰ ਸੱਦਾ ਦਿੱਤਾ ਸੀ। ਬੈਠਕ 'ਚ ਮਤਦਾਤਾ ਸੂਚੀਆਂ ਦੀਆਂ ਪਾਰਦਰਸ਼ਿਤਾ, ਰਾਜਨੀਤਿਕ ਦਲਾਂ ਦੇ ਚੋਣ ਖਰਚ ਨੂੰ ਸੀਮਿਤ ਕਰਨ ਅਤੇ ਖਰਚ ਦੀ ਆਡਿਟ ਰਿਪੋਰਟ ਨਿਰਧਾਰਿਤ ਸਮੇਂ 'ਤੇ ਪੇਸ਼ ਕਰਨ ਵਰਗੇ ਮੁੱਦਿਆਂ 'ਤੇ ਚਰਚਾ ਹੋਈ।
ਬੈਠਕ 'ਚ ਪੋਸਟਲ ਵੋਟ ਨੂੰ ਇਲੈਕਟ੍ਰਾਨਿਕ ਪ੍ਰਣਾਲੀ ਤੋਂ ਭੇਜਣ ਅਤੇ ਅਪਾਹਿਜ਼ ਮਤਦਾਤਾਵਾਂ ਨੂੰ ਵੋਟ ਪ੍ਰੀਕਿਰਿਆ 'ਚ ਜ਼ਿਆਦਾ ਤੋਂ ਜ਼ਿਆਦਾ ਸ਼ਾਮਲ ਕੀਤੇ ਜਾਣ ਦੇ ਬਾਰੇ 'ਚ ਰਾਜਨੀਤਿਕ ਦਲਾਂ ਦੀ ਰਾਏ ਵੀ ਲਈ ਗਈ। ਚੋਣਾਂ ਨੂੰ ਜ਼ਿਆਦਾ ਸਹਿਭਾਗੀ ਬਣਾਉਣ ਲਈ ਰਾਜਨੀਤਿਕ ਦਲਾਂ 'ਚ ਔਰਤਾਂ ਨੂੰ ਜ਼ਿਆਦਾ ਨੁਮਾਇੰਦਗੀ ਦੇਣ 'ਤੇ ਵੀ ਵਿਚਾਰ ਕੀਤਾ ਗਿਆ।
