DRDO ਨੇ ''ਪ੍ਰਲਯ'' ਮਿਜ਼ਾਈਲ ਦੇ ਲਗਾਤਾਰ ਕੀਤੇ 2 ਸਫ਼ਲ ਪ੍ਰੀਖਣ

ਬਾਲਾਸੋਰ- ਰੱਖਿਆ ਖੋਜ ਅਤੇ ਵਿਕਾਸ ਸੰਗਠਨ (ਡੀਆਰਡੀਓ) ਨੇ ਮੰਗਲਵਾਰ ਨੂੰ ਕਿਹਾ ਕਿ ਉਸ ਨੇ ਓਡੀਸ਼ਾ ਤੱਟ ਤੋਂ ਡਾ. ਅਬਦੁਲ ਕਲਾਮ ਟਾਪੂ ਤੋਂ 'ਪ੍ਰਲਯ' ਮਿਜ਼ਾਈਲ ਦੇ ਲਗਾਤਾਰ 2 ਟੈਸਟ ਕੀਤੇ ਹਨ। ਡੀਆਰਡੀਓ ਨੇ ਕਿਹਾ ਕਿ ਮਿਜ਼ਾਈਲਾਂ ਨਿਰਧਾਰਤ ਦਿਸ਼ਾ 'ਚ ਸਹੀ ਢੰਗ ਨਾਲ ਅੱਗੇ ਵਧੀਆਂ ਅਤੇ ਪੂਰੀ ਸ਼ੁੱਧਤਾ ਨਾਲ ਨਿਰਧਾਰਤ ਟੀਚੇ ਤੱਕ ਪਹੁੰਚੀਆਂ। ਏਜੰਸੀ ਨੇ 'ਐਕਸ' 'ਤੇ ਇਕ ਪੋਸਟ 'ਚ ਕਿਹਾ, "ਪ੍ਰਲਯ ਮਿਜ਼ਾਈਲ ਦੇ ਲਗਾਤਾਰ ਦੋ ਟੈਸਟ 28 ਅਤੇ 29 ਜੁਲਾਈ 2025 ਨੂੰ ਸਫਲਤਾਪੂਰਵਕ ਕੀਤੇ ਗਏ ਸਨ। ਇਹ ਟੈਸਟ 'ਯੂਜ਼ਰ ਮੁਲਾਂਕਣ ਟ੍ਰਾਇਲ' ਦਾ ਹਿੱਸਾ ਸਨ, ਜਿਸ ਦਾ ਉਦੇਸ਼ ਮਿਜ਼ਾਈਲ ਪ੍ਰਣਾਲੀ ਦੀ ਘੱਟੋ-ਘੱਟ ਅਤੇ ਵੱਧ ਤੋਂ ਵੱਧ ਫਾਇਰਪਾਵਰ ਦੀ ਜਾਂਚ ਕਰਨਾ ਸੀ।"

ਰੱਖਿਆ ਸੂਤਰਾਂ ਅਨੁਸਾਰ, ਮੰਗਲਵਾਰ ਸਵੇਰੇ 9.35 ਵਜੇ ਦੂਜੀ 'ਪ੍ਰਲਯ' ਮਿਜ਼ਾਈਲ ਦਾ ਟੈਸਟ ਕੀਤਾ ਗਿਆ। ਉਨ੍ਹਾਂ ਕਿਹਾ ਕਿ ਮਿਜ਼ਾਈਲ ਸ਼ੁੱਧਤਾ ਨਾਲ ਨਿਰਧਾਰਤ ਟੀਚੇ ਤੱਕ ਪਹੁੰਚ ਗਈ, ਜਿਸ ਨਾਲ ਇਸ ਦੇ ਕੰਟਰੋਲ, ਮਾਰਗਦਰਸ਼ਨ ਅਤੇ ਮਿਸ਼ਨ ਐਲਗੋਰਿਦਮ ਦੀ ਪੁਸ਼ਟੀ ਹੋਈ। ਸੂਤਰਾਂ ਅਨੁਸਾਰ, ਮਿਜ਼ਾਈਲ ਦੇ ਸਾਰੇ ਉਪ-ਪ੍ਰਣਾਲੀਆਂ ਨੇ ਤਸੱਲੀਬਖਸ਼ ਪ੍ਰਦਰਸ਼ਨ ਕੀਤਾ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8