ਲੈਕਚਰ ਨਾ ਦਿਓ, ਅੱਤਵਾਦ ਦੀਆਂ ਫੈਕਟਰੀਆਂ ਨੂੰ ਰੋਕਣ ''ਤੇ ਧਿਆਨ ਦਿਓ : ਭਾਰਤ ਦਾ ਪਾਕਿਸਤਾਨ ''ਤੇ ਹਮਲਾ
03/25/2024 2:30:27 PM
ਨਵੀਂ ਦਿੱਲੀ - ਭਾਰਤ ਨੇ ਐਤਵਾਰ ਨੂੰ ਇੰਟਰ-ਪਾਰਲੀਮੈਂਟਰੀ ਯੂਨੀਅਨ (ਆਈਪੀਯੂ) ਵਿਚ ਪਾਕਿਸਤਾਨ ਦੀ ਆਲੋਚਨਾ ਕਰਦੇ ਹੋਏ ਕਿਹਾ ਕਿ "ਅੱਤਵਾਦੀਆਂ ਨੂੰ ਪਨਾਹ ਦੇਣ, ਮਦਦ ਕਰਨ ਅਤੇ ਸਰਗਰਮੀ ਨਾਲ ਸਮਰਥਨ ਕਰਨ" ਦੇ ਸਥਾਪਿਤ ਇਤਿਹਾਸ ਵਾਲੇ ਦੇਸ਼ ਨੂੰ ਮਨੁੱਖੀ ਅਧਿਕਾਰਾਂ 'ਤੇ ਟਿੱਪਣੀ ਨਹੀਂ ਕਰਨੀ ਚਾਹੀਦੀ।
ਆਈਪੀਯੂ ਵਿੱਚ ਭਾਰਤੀ ਵਫ਼ਦ ਦੀ ਨੁਮਾਇੰਦਗੀ ਕਰਦਿਆਂ, ਰਾਜ ਸਭਾ ਦੇ ਡਿਪਟੀ ਚੇਅਰਮੈਨ ਹਰੀਵੰਸ਼ ਨਰਾਇਣ ਸਿੰਘ ਨੇ ਵੀ ਦੁਹਰਾਇਆ ਕਿ ਜੰਮੂ ਅਤੇ ਕਸ਼ਮੀਰ "ਭਾਰਤ ਦਾ ਅਟੁੱਟ ਹਿੱਸਾ" ਰਿਹਾ ਹੈ ਅਤੇ ਰਹੇਗਾ।
ਹਰਿਵੰਸ਼ ਸਿੰਘ ਨੇ ਆਈਪੀਯੂ 'ਚ ਕਿਹਾ, "ਮੈਂ ਪਾਕਿਸਤਾਨ ਵੱਲੋਂ ਆਪਣੇ ਦੇਸ਼ ਵਿਰੁੱਧ ਕੀਤੀਆਂ ਬੇਤੁਕੀਆਂ ਟਿੱਪਣੀਆਂ ਨੂੰ ਰੱਦ ਕਰਦਾ ਹਾਂ। ਭਾਰਤ ਦੁਨੀਆ ਦਾ ਸਭ ਤੋਂ ਵੱਡਾ ਲੋਕਤੰਤਰ ਹੈ ਅਤੇ ਮੈਂ ਖੁਸ਼ਕਿਸਮਤ ਹਾਂ ਕਿ ਬਹੁਤ ਸਾਰੇ ਲੋਕ ਭਾਰਤੀ ਲੋਕਤੰਤਰ ਨੂੰ ਨਕਲ ਕਰਨ ਲਈ ਮਾਡਲ ਮੰਨਦੇ ਹਨ।"
ਹਰਿਵੰਸ਼ ਸਿੰਘ ਨੇ ਸਵਿਟਜ਼ਰਲੈਂਡ ਦੇ ਜੇਨੇਵਾ ਵਿੱਚ ਆਈਪੀਯੂ ਦੇ 148ਵੇਂ ਸੈਸ਼ਨ ਦੌਰਾਨ ਭਾਰਤ ਦੇ ਜਵਾਬ ਦੇ ਅਧਿਕਾਰ ਦੀ ਵਰਤੋਂ ਕਰਦਿਆਂ ਇਹ ਬਿਆਨ ਦਿੱਤਾ। ਪਾਕਿਸਤਾਨ 'ਤੇ ਹੋਰ ਹਮਲਾ ਕਰਦਿਆਂ, ਉਸਨੇ ਕਿਹਾ ਕਿ "ਲੋਕਤੰਤਰ ਦਾ ਮਾੜਾ ਟਰੈਕ ਰਿਕਾਰਡ" ਰੱਖਣ ਵਾਲੇ ਦੇਸ਼ ਦੁਆਰਾ "ਲੈਕਚਰ" ਹਾਸੋਹੀਣਾ ਹੈ।
ਉਨ੍ਹਾਂ ਕਿਹਾ, "ਇਹ ਚੰਗਾ ਹੁੰਦਾ ਜੇਕਰ ਪਾਕਿਸਤਾਨ ਅਜਿਹੇ ਬੇਤੁਕੇ ਦੋਸ਼ਾਂ ਅਤੇ ਝੂਠੀਆਂ ਕਹਾਣੀਆਂ ਨਾਲ ਆਈਪੀਯੂ ਵਰਗੇ ਮੰਚ ਦੀ ਮਹੱਤਤਾ ਨੂੰ ਘੱਟ ਨਾ ਕਰਦਾ।" ਜੰਮੂ-ਕਸ਼ਮੀਰ ਅਤੇ ਲੱਦਾਖ ਨੂੰ ਲੈ ਕੇ ਪਾਕਿਸਤਾਨ ਵੱਲੋਂ ਲਗਾਏ ਗਏ ਦੋਸ਼ਾਂ ਦਾ ਜ਼ਿਕਰ ਕਰਦੇ ਹੋਏ ਰਾਜ ਸਭਾ ਦੇ ਉਪ ਚੇਅਰਮੈਨ ਨੇ ਕਿਹਾ, ''ਜੰਮੂ-ਕਸ਼ਮੀਰ ਅਤੇ ਲੱਦਾਖ ਕੇਂਦਰ ਸ਼ਾਸਤ ਪ੍ਰਦੇਸ਼ਾਂ ਦੇ ਸੰਬੰਧ 'ਚ ਭਾਰਤ ਦੇ ਹਮੇਸ਼ਾ ਤੋਂ ਅਟੁੱਟ ਅੰਗ ਰਹੇ ਹਨ ਅਤੇ ਰਹਿਣਗੇ। "
