ਸਾਬਕਾ ਮੁੱਖ ਮੰਤਰੀ ਦਿਗਵਿਜੇ ਸਿੰਘ ਦਿੱਲੀ ''ਚ ਗ੍ਰਿਫਤਾਰ, ਜਾਣੋ ਕੀ ਹੈ ਪੂਰਾ ਮਾਮਲਾ

ਨਵੀਂ ਦਿੱਲੀ, (ਯੂ. ਐੱਨ. ਆਈ.)- ਇਲੈਕਟ੍ਰਾਨਿਕ ਵੋਟਿੰਗ ਮਸ਼ੀਨ (ਈ. ਵੀ. ਐੱਮ.) ਦੀਆਂ ਖਾਮੀਆਂ ਖਿਲਾਫ ਰਾਸ਼ਟਰੀ ਰਾਜਧਾਨੀ ’ਚ ਵੀਰਵਾਰ ਨੂੰ ਈ. ਵੀ. ਐੱਮ. ਹਟਾਓ ਮੋਰਚਾ ਅਤੇ ਹੋਰ ਸੰਗਠਨਾਂ ਦੇ ਪ੍ਰਦਰਸ਼ਨ ’ਚ ਸ਼ਾਮਲ ਹੋਏ ਕਾਂਗਰਸ ਨੇਤਾ ਦਿਗਵਿਜੇ ਸਿੰਘ ਅਤੇ ਕਈ ਹੋਰ ਨੇਤਾਵਾਂ ਨੂੰ ਹਿਰਾਸਤ ’ਚ ਲਿਆ ਗਿਆ। ਈ. ਵੀ. ਐੱਮ. ਹਟਾਓ ਮੋਰਚਾ ਵੱਲੋਂ ਦਿੱਤੀ ਗਈ ਜਾਣਕਾਰੀ ਅਨੁਸਾਰ ਈ. ਵੀ. ਐੱਮ. ਖ਼ਿਲਾਫ਼ ਇੱਥੇ ਜੰਤਰ-ਮੰਤਰ ’ਤੇ ਸਭਾ ਆਯੋਜਿਤ ਕੀਤੀ ਜਾ ਰਹੀ ਸੀ ਅਤੇ ਇਸ ਦੀ ਇਜਾਜ਼ਤ ਵੀ ਮਿਲ ਗਈ ਸੀ ਪਰ ਦਿੱਲੀ ਪੁਲਸ ਨੇ ਆਖਰੀ ਸਮੇਂ ਇਜਾਜ਼ਤ ਨੂੰ ਰੱਦ ਕਰ ਦਿੱਤਾ, ਜਿਸ ਕਾਰਨ ਇਹ ਸਮਾਗਮ ਯੂਥ ਕਾਂਗਰਸ ਦੇ ਦਫਤਰ ਰਾਇਸੀਨਾ ਰੋਡ ’ਤੇ ਕਰਨਾ ਪਿਆ।

#BreakingNews :- दिल्ली पुलिस द्वारा ईवीएम के विरोध में प्रर्दशन कर रहे कांग्रेस नेता श्री @digvijaya_28 जी व @Dr_Uditraj जी को गिरफ़्तार कर लिया गया हैं।

जंतर मंतर पर एकत्रित हुए हज़ारों प्रदर्शनकारियों को जंतर मंतर से गिरफ़्तार कर उनके ऊपर लाठी चार्ज एवं बुरा बर्ताव किए जानें… pic.twitter.com/hrg4Usqa5m

— Bhopal Congress (@Bhopalinc) February 22, 2024

ਮੋਰਚਾ ਦੇ ਮੁਖੀ ਉਦਿਤ ਰਾਜ ਦੇ ਹਵਾਲੇ ਨਾਲ ਮਿਲੀਆਂ ਖਬਰਾਂ ’ਚ ਦੱਸਿਆ ਗਿਆ ਹੈ ਕਿ ਵਿਰੋਧ ਪ੍ਰਦਰਸ਼ਨ ’ਚ ਕਾਂਗਰਸ ਨੇਤਾ ਦਿਗਵਿਜੇ ਸਿੰਘ ਅਤੇ ਡਾ. ਉਦਿਤ ਰਾਜ ਸਮੇਤ ਸੈਂਕੜੇ ਵਰਕਰਾਂ ਨੂੰ ਸ਼ਾਂਤਮਈ ਪ੍ਰਦਰਸ਼ਨ ਕਰਨ ਦੌਰਾਨ ਪੁਲਸ ਨੇ ਹਿਰਾਸਤ ’ਚ ਲੈ ਕੇ ਪਾਰਲੀਮੈਂਟ ਥਾਣੇ ’ਚ ਰੱਖਿਆ ਗਿਆ, ਜਦਕਿ ਵਿਧਾਇਕ ਅਤੇ ਸਾਬਕਾ ਮੰਤਰੀ ਦਿੱਲੀ ਸਰਕਾਰ ਰਾਜੇਂਦਰ ਪਾਲ ਗੌਤਮ ਨੂੰ ਇੰਦਰਾਪੁਰੀ ਥਾਣੇ ’ਚ ਰੱਖਿਆ ਗਿਆ।