ਦਿੱਲੀ ਪੁਲਸ ਮੁਲਾਜ਼ਮਾਂ ਨੂੰ ਕਮਿਸ਼ਨਰ ਦੀ ਚਿੱਠੀ, ਕਿਹਾ- ਆਉਣ ਵਾਲੇ ਕੁਝ ਦਿਨ ਹੋਣਗੇ ਚੁਣੌਤੀਪੂਰਨ

ਨਵੀਂ ਦਿੱਲੀ- 26 ਜਨਵਰੀ ਨੂੰ ਕਿਸਾਨ ਅੰਦੋਲਨ ਦੇ ਹਿੰਸਕ ਹੋਣ ਨੂੰ ਲੈ ਕੇ ਦਿੱਲੀ ਪੁਲਸ ਕਮਿਸ਼ਨਰ ਐੱਸ.ਐੱਨ. ਸ਼੍ਰੀਵਾਸਤਵ ਨੇ ਦਿੱਲੀ ਪੁਲਸ ਮੁਲਾਜ਼ਮਾਂ ਨੂੰ ਚਿੱਠੀ ਲਿਖੀ ਹੈ। ਉਨ੍ਹਾਂ ਨੇ ਚਿੱਠੀ 'ਚ ਲਿਖਿਆ ਕਿ 26 ਜਨਵਰੀ ਨੂੰ ਕਿਸਾਨ ਅੰਦੋਲਨ ਦੇ ਹਿੰਸਕ ਹੋਣ ਜਾਣ 'ਤੇ ਤੁਸੀਂ ਬੇਹੱਦ ਸਬਰ ਅਤੇ ਸਮਝਦਾਰੀ ਦਾ ਪਰਿਚੈ ਦਿੱਤਾ। ਮੈਂ ਤੁਹਾਡੇ ਸਬਰ ਲਈ ਧੰਨਵਾਦ ਕਰਦਾ ਹਾਂ। ਉਨ੍ਹਾਂ ਨੇ ਅੱਗੇ ਲਿਖਿਆ ਕਿ ਜਦੋਂ ਕਿ ਤੁਹਾਡੇ ਕੋਲ ਬਲ ਵਰਤੋਂ ਕਰਨ ਦਾ ਬਦਲ ਮੌਜੂਦ ਸੀ ਪਰ ਤੁਸੀਂ ਸਮਝਦਾਰੀ ਦਾ ਪਰਿਚੈ ਦਿੱਤਾ। ਤੁਹਾਡੇ ਇਸ ਆਚਰਨ ਕਾਰਨ ਦਿੱਲੀ ਪੁਲਸ ਇਸ ਚੁਣੌਤੀਪੂਰਨ ਅੰਦੋਲਨ ਨਾਲ ਨਿਪਟ ਸਕੀ। ਅਸੀਂ ਸਾਰੇ ਇਸ ਤਰ੍ਹਾਂ ਦੀਆਂ ਚੁਣੌਤੀਂ ਦਾ ਸਾਹਮਣਾ ਕਰਦੇ ਆਏ ਹਨ। ਤੁਹਾਡੀ ਮਿਹਨਤ ਅਤੇ ਕਾਰਜ ਕੁਸ਼ਲਤਾ ਨਾਲ ਹੀ ਕਿਸਾਨ ਅੰਦੋਲਨ ਦੀ ਚੁਣੌਤੀ ਦਾ ਅਸੀਂ ਡਟ ਕੇ ਮੁਕਾਬਲਾ ਕਰ ਸਕੇ ਹਨ।

ਹਿੰਸਾ 'ਚ 394 ਸਾਥੀ ਜ਼ਖਮੀ ਹੋਏ ਹਨ
ਸ਼੍ਰੀਵਾਸਤਵ ਲਿਖਦੇ ਹਨ,''ਕਿਸਾਨ ਅੰਦੋਲਨ 'ਚ ਹੋਈ ਹਿੰਸਾ 'ਚ ਸਾਡੇ 394 ਸਾਥੀ ਜ਼ਖਮੀ ਹੋਏ ਹਨ। ਕੁਝ ਦਾ ਇਲਾਜ ਹਸਪਤਾਲ 'ਚ ਹਾਲੇ ਵੀ ਚੱਲ ਰਿਹਾ ਹੈ। ਮੈਂ ਖ਼ੁਦ ਕੁਝ ਜ਼ਖਮੀ ਸਾਥੀਆਂ ਨਾਲ ਹਸਪਤਾਲ 'ਚ ਪਹੁੰਚ ਕੇ ਉਨ੍ਹਾਂ ਦਾ ਹਾਲਚਾਲ ਪੁੱਛਿਆ। ਸਾਰਿਆਂ ਨੂੰ ਚੰਗਾ ਇਲਾਜ ਉਪਲੱਬਧ ਹੋ ਰਿਹਾ ਹੈ। ਦਿੱਲੀ ਪੁਲਸ ਉਨ੍ਹਾਂ ਦੀ ਚੰਗੀ ਸਿਹਤ ਅਤੇ ਇਲਾਜ ਲਈ ਵਚਨਬੱਧ ਹੈ। ਮੈਂ ਤੁਹਾਨੂੰ ਦੱਸਣਾ ਚਾਹੁੰਦਾ ਹਾਂ ਕਿ ਅੱਗੇ ਆਉਣ ਵਾਲੇ ਕੁਝ ਦਿਨ ਸਾਡੇ ਲਈ ਕਾਫ਼ੀ ਚੁਣੌਤੀਪੂਰਨ ਹੋ ਸਕਦੇ ਹਨ। ਇਸ ਲਈ ਸਾਨੂੰ ਸਾਵਧਾਨ ਰਹਿਣ ਦੀ ਜ਼ਰੂਰਤ ਹੈ। ਸਾਨੂੰ ਸਾਰਿਆਂ ਨੂੰ ਸਬਰ ਅਤੇ ਅਨੁਸ਼ਾਸਨ ਬਣਾਏ ਰੱਖਣਾ ਹੈ। ਮੈਂ ਤੁਹਾਡੇ ਸਬਰ ਲਈ ਧੰਨਵਾਦ ਕਰਦਾ ਹਾਂ।''