NIA ਵੱਲੋਂ ਦਿੱਲੀ Blast ਮਾਮਲੇ ''ਚ ਆਮਿਰ ਰਾਸ਼ਿਦ ਅਲੀ ਗ੍ਰਿਫਤਾਰ, ਖਰੀਦੀ ਸੀ ਧਮਾਕੇ ''ਚ ਵਰਤੀ ਕਾਰ
Sunday, Nov 16, 2025 - 07:35 PM (IST)
ਵੈੱਬ ਡੈਸਕ : ਐੱਨਆਈਏ ਨੇ ਐਤਵਾਰ ਨੂੰ ਕਸ਼ਮੀਰੀ ਨਿਵਾਸੀ ਆਮਿਰ ਰਾਸ਼ਿਦ ਅਲੀ ਨੂੰ ਗ੍ਰਿਫ਼ਤਾਰ ਕੀਤਾ, ਜਿਸ ਦੇ ਨਾਮ 'ਤੇ 10 ਦਸੰਬਰ ਨੂੰ ਦਿੱਲੀ ਧਮਾਕੇ ਵਿੱਚ ਵਰਤੀ ਗਈ ਕਾਰ ਰਜਿਸਟਰਡ ਕੀਤੀ ਗਈ ਸੀ।
ਜਾਂਚਕਰਤਾਵਾਂ ਨੇ ਪਤਾ ਲਾਇਆ ਕਿ ਪੰਪੋਰ ਦਾ ਰਹਿਣ ਵਾਲਾ ਆਮਿਰ, ਬਾਅਦ 'ਚ ਆਈਈਡੀ ਵਜੋਂ ਵਰਤੀ ਗਈ ਗੱਡੀ ਖਰੀਦਣ ਵਿੱਚ ਮਦਦ ਕਰਨ ਲਈ ਦਿੱਲੀ ਗਿਆ ਸੀ। ਏਜੰਸੀ ਨੇ ਫੋਰੈਂਸਿਕ ਤੌਰ 'ਤੇ ਇਹ ਵੀ ਪੁਸ਼ਟੀ ਕੀਤੀ ਹੈ ਕਿ ਆਤਮਘਾਤੀ ਹਮਲਾ ਕਰਨ ਵਾਲਾ ਮ੍ਰਿਤਕ ਡਰਾਈਵਰ ਉਮਰ ਨਬੀ ਸੀ, ਜਿਸ ਨਾਲ ਆਮਿਰ ਨੇ ਕਥਿਤ ਤੌਰ 'ਤੇ ਸਾਜ਼ਿਸ਼ ਰਚੀ ਸੀ।
ਦੱਸ ਦਈਏ ਕਿ ਇਸ ਤੋਂ ਪਹਿਲਾਂ ਦਿੱਲੀ ਬਲਾਸਟ ਦੀ ਜਾਂਚ 'ਚ ਕੇਂਦਰੀ ਏਜੰਸੀਆਂ ਨੇ ਨੂਹ ਦੀ ਹਯਾਤ ਕਲੋਨੀ ਤੋਂ ਦੋ ਹੋਰ ਵਿਅਕਤੀਆਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਇਨ੍ਹਾਂ ਗ੍ਰਿਫ਼ਤਾਰੀਆਂ ਨੇ ਅਲ-ਫਲਾਹ ਯੂਨੀਵਰਸਿਟੀ (Al-Falah University) ਨਾਲ ਜੁੜੇ ਇੱਕ ਵੱਡੇ ਅੱਤਵਾਦੀ ਫਾਈਨੈਂਸਿੰਗ ਨੈੱਟਵਰਕ ਦੀ ਸ਼ਮੂਲੀਅਤ ਦੀ ਪੁਸ਼ਟੀ ਕੀਤੀ ਹੈ। ਗ੍ਰਿਫ਼ਤਾਰ ਕੀਤੇ ਗਏ ਵਿਅਕਤੀਆਂ ਦੀ ਪਛਾਣ ਰਿਜ਼ਵਾਨ (Rizwan) ਤੇ ਸ਼ੋਏਬ (Shoaib) ਵਜੋਂ ਹੋਈ ਹੈ। ਜਾਂਚਕਰਤਾਵਾਂ ਦਾ ਕਹਿਣਾ ਹੈ ਕਿ ਸ਼ੋਏਬ ਪਹਿਲਾਂ ਅਲ-ਫਲਾਹ ਯੂਨੀਵਰਸਿਟੀ ਵਿੱਚ ਬਿਜਲੀ ਮਿਸਤਰੀ (Electrician) ਵਜੋਂ ਕੰਮ ਕਰਦਾ ਸੀ। ਦੋਵਾਂ ਮੁਲਜ਼ਮਾਂ 'ਤੇ ਅੱਤਵਾਦੀ ਮਾਡਿਊਲ (Terror module) ਨੂੰ ਪੈਸਾ ਮੁਹੱਈਆ ਕਰਵਾਉਣ ਦਾ ਦੋਸ਼ ਹੈ। ਇਨ੍ਹਾਂ ਦੋਹਾਂ ਦੀ ਗ੍ਰਿਫ਼ਤਾਰੀ ਨੂੰ ਮਾਰੇ ਗਏ ਅੱਤਵਾਦੀ ਸ਼ੱਕੀ ਡਾ. ਉਮਰ (Dr. Umar) ਅਤੇ ਉਸਦੇ ਸਾਥੀਆਂ ਡਾ. ਮੁਜੰਮਿਲ ਅਤੇ ਡਾ. ਸ਼ਾਹੀਨ ਬਾਰੇ ਰਾਜ਼ ਖੋਲ੍ਹਣ ਵਿੱਚ ਮਹੱਤਵਪੂਰਨ ਸਫਲਤਾ ਮੰਨਿਆ ਜਾ ਰਿਹਾ ਹੈ।
