ਦਿੱਲੀ: ਵਿਆਹ ਭਵਨ ਤੋਂ ਨਕਦੀ, ਗਹਿਣੇ ਤੇ ਸ਼ਗਨ ਦੇ ਲਿਫ਼ਾਫ਼ੇ ਚੋਰੀ ਕਰਨ ਵਾਲਾ ਵਿਅਕਤੀ ਗ੍ਰਿਫ਼ਤਾਰ

ਨਵੀਂ ਦਿੱਲੀ- ਦੱਖਣੀ ਦਿੱਲੀ ਵਿੱਚ ਪੁਲਸ ਨੇ ਇੱਕ ਵਿਆਹ ਭਵਨ ਤੋਂ ਨਕਦੀ, ਗਹਿਣੇ ਅਤੇ ਹੋਰ ਕੀਮਤੀ ਸਾਮਾਨ ਚੋਰੀ ਕਰਨ ਦੇ ਦੋਸ਼ ਵਿੱਚ ਇੱਕ ਵਿਅਕਤੀ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਪੁਲਸ ਨੂੰ 16 ਨਵੰਬਰ ਨੂੰ ਇੱਕ ਵਿਆਹ ਭਵਨ ਤੋਂ ਸ਼ਿਕਾਇਤ ਮਿਲੀ ਸੀ ਕਿ ਨਕਦੀ, ਮੋਬਾਈਲ ਫੋਨ ਅਤੇ 'ਸ਼ਗਨ' ਦੇ ਲਿਫ਼ਾਫ਼ੇ ਵਾਲਾ ਇੱਕ ਬੈਗ ਗੁੰਮ ਹੋ ਗਿਆ ਹੈ। ਸ਼ਿਕਾਇਤ ਦੇ ਆਧਾਰ 'ਤੇ ਐਫਆਈਆਰ ਦਰਜ ਕਰਕੇ ਜਾਂਚ ਸ਼ੁਰੂ ਕੀਤੀ ਗਈ। ਪੁਲਸ ਨੇ ਵੀਰਵਾਰ ਨੂੰ ਦੱਸਿਆ ਕਿ ਆਰੋਪੀ ਦੀ ਪਛਾਣ ਰੋਹਿਤ ਸੈਣੀ ਉਰਫ ਪੱਪਨ ਵਜੋਂ ਹੋਈ ਹੈ, ਜਿਸ ਨੂੰ ਬੁੱਧਵਾਰ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ। ਪੁਲਸ ਦੀ ਟੀਮ ਨੇ ਘਟਨਾ ਸਥਲ ਅਤੇ ਆਸ-ਪਾਸ ਦੇ ਇਲਾਕਿਆਂ ਦੀ ਸੀਸੀਟੀਵੀ ਫੁਟੇਜ ਖੰਗਾਲੀ, ਜਿਸ ਤੋਂ ਪਤਾ ਲੱਗਾ ਕਿ ਆਰੋਪੀ ਛਤਰਪੁਰ ਅਤੇ ਮਹਿਰੌਲੀ ਵਿੱਚ ਆਉਂਦਾ-ਜਾਂਦਾ ਰਹਿੰਦਾ ਹੈ।
ਛਾਪੇਮਾਰੀ ਦੌਰਾਨ ਸੈਣੀ ਨੂੰ ਫੜਿਆ ਗਿਆ ਅਤੇ ਉਸਦੇ ਕਬਜ਼ੇ ਵਿੱਚੋਂ ਚੋਰੀ ਦੇ ਦੋ ਮੋਬਾਈਲ ਫੋਨ, 24,500 ਰੁਪਏ ਨਕਦ ਅਤੇ 'ਸ਼ਗਨ' ਦੇ 14 ਲਿਫ਼ਾਫ਼ੇ ਬਰਾਮਦ ਕੀਤੇ ਗਏ। ਪੁਲਸ ਨੇ ਦੱਸਿਆ ਕਿ ਸੈਣੀ ਬਾਰ-ਬਾਰ ਅਪਰਾਧ ਕਰਨ ਵਾਲਾ ਵਿਅਕਤੀ ਹੈ ਅਤੇ ਉਹ 2006 ਵਿੱਚ ਡਿਫੈਂਸ ਕਾਲੋਨੀ ਥਾਣੇ ਵਿੱਚ ਦਰਜ ਚੋਰੀ, ਧੋਖਾਧੜੀ ਅਤੇ ਜਾਅਲਸਾਜ਼ੀ ਦੇ ਇੱਕ ਪੁਰਾਣੇ ਮਾਮਲੇ ਵਿੱਚ ਵੀ ਆਰੋਪੀ ਹੈ।