ਦੇਸ਼ ''ਚ ਕੋਰੋਨਾ ਨੇ ਫੜੀ ਰਫ਼ਤਾਰ, 7400 ਤੋਂ ਵੱਧ ਮਾਮਲੇ ਆਏ ਸਾਹਮਣੇ

ਨਵੀਂ ਦਿੱਲੀ- ਭਾਰਤ 'ਚ ਕੋਰੋਨਾ ਦੇ ਮਾਮਲੇ ਦਿਨੋਂ-ਦਿਨ ਵਧਦੇ ਜਾ ਰਹੇ ਹਨ। ਸ਼ਨੀਵਾਰ ਨੂੰ ਸਰਗਰਮ ਮਾਮਲਿਆਂ ਦੀ ਗਿਣਤੀ 7400 ਤੋਂ ਵੱਧ ਹੋ ਗਈ। ਪਿਛਲੇ 24 ਘੰਟਿਆਂ 'ਚ ਸਵੇਰੇ 8 ਵਜੇ ਤੱਕ 269 ਨਵੇਂ ਮਾਮਲੇ ਸਾਹਮਣੇ ਆਏ। ਕੇਂਦਰੀ ਸਿਹਤ ਮੰਤਰਾਲਾ ਵਲੋਂ ਉਪਲੱਬਧ ਅੰਕੜਿਆਂ ਅਨੁਸਾਰ, ਇਸੇ ਮਿਆਦ ਦੌਰਾਨ 9 ਮੌਤਾਂ ਦਰਜ ਕੀਤੀਆਂ ਗਈਆਂ, ਜਿਸ 'ਚ ਮੌਤਾਂ ਦੀ ਗਿਣਤੀ 87 ਹੋ ਗਈ ਹੈ। ਗੁਜਰਾਤ, ਕੇਰਲ ਅਤੇ ਮਹਾਰਾਸ਼ਟਰ ਵਰਗੇ ਸੂਬਿਆਂ 'ਚ ਸਭ ਤੋਂ ਵੱਧ ਮਾਮਲੇ ਸਾਹਮਣੇ ਆ ਰਹੇ ਹਨ। ਪਿਛਲੇ ਕੁਝ ਹਫ਼ਤਿਆਂ 'ਚ ਕੁੱਲ ਗਿਣਤੀ ਲਗਾਤਾਰ ਵੱਧ ਰਹੀ ਹੈ। 22 ਮਈ ਨੂੰ ਸਿਰਫ਼ 257 ਸਰਗਰਮ ਮਾਮਲੇ ਸਨ ਜੋ 14 ਜੂਨ ਤੱਕ 7,400 ਤੋਂ ਵੱਧ ਹੋ ਗਏ। ਸਰਕਾਰੀ ਅੰਕੜਿਆਂ ਤੋਂ ਪਤਾ ਲੱਗਦਾ ਹੈ ਕਿ 11,967 ਮਰੀਜ਼ ਵਾਇਰਸ ਨਾਲ ਠੀਕ ਹੋਏ ਹਨ। ਹਾਲ ਹੀ 'ਚ ਹੋਈਆਂ ਮੌਤਾਂ 'ਚੋਂ 4 ਮਹਾਰਾਸ਼ਟਰ 'ਚ, ਤਿੰਨ ਕੇਰਲ 'ਚ, ਇਕ-ਇਕ ਰਾਜਸਥਾਨ ਅਤੇ ਤਾਮਿਲਨਾਡੂ 'ਚ ਹੋਈਆਂ। 

ਦਿੱਲੀ 'ਚ ਹੁਣ ਤੱਕ 672 ਕੋਰੋਨਾ ਮਾਮਲੇ ਸਾਹਮਣੇ ਆਏ ਹਨ, ਪਿਛਲੇ 24 ਘੰਟਿਆਂ 'ਚ ਨਵਾਂ ਮਾਮਲਾ ਜਾਂ ਮੌਮਤ ਨਹੀਂ ਹੋਈ। ਅੰਕੜਿਆਂ ਅਨੁਸਾਰ, ਰਾਸ਼ਟਰੀ ਰਾਜਧਾਨੀ 'ਚ ਮੌਜੂਦਾ ਸਮੇਂ 757 ਸਰਗਰਮ ਮਾਮਲੇ ਹਨ। ਕੇਰਲ 'ਚ ਮੌਤ ਦਰ ਦੇ ਲਿਹਾਜ ਨਾਲ 61 ਤੋਂ 83 ਸਾਲ ਦੀ ਉਮਰ ਦੇ ਤਿੰਨ ਪੁਰਸ਼ਾਂ ਦੀ ਮੌਤ ਹੋਈ, ਸਾਰਿਆਂ ਨੂੰ ਪਹਿਲਾਂ ਤੋਂ ਹੀ ਗੰਭੀਰ ਸਿਹਤ ਸਮੱਸਿਆਵਾਂ ਸਨ। ਮਹਾਰਾਸ਼ਟਰ 'ਚ 34 ਤੋਂ 85 ਸਾਲ ਦੀ ਉਮਰ ਦੇ ਚਾਰ ਰੋਗੀਆਂ ਦੀ ਮੌਤ ਦੀ ਸੂਚਨਾ ਮਿਲੀ। ਸਿਹਤ ਅਧਿਕਾਰੀ ਸਾਵਧਾਨੀ ਅਤੇ ਸ਼ੁਰੂਆਤੀ ਮੈਡੀਕਲ ਦਖ਼ਲਅੰਦਾਜੀ ਦੇ ਮਹੱਤਵ 'ਤੇ ਜ਼ੋਰ ਦਿੰਦੇ ਹਨ, ਖ਼ਾਸ ਕਰ ਕੇ ਉਨ੍ਹਾਂ ਲੋਕਾਂ ਲਈ ਜਿਨ੍ਹਾਂ ਨੂੰ ਪਹਿਲਾਂ ਤੋਂ ਹੀ ਸਿਹਤ ਸੰਬੰਧੀ ਪਰੇਸ਼ਾਨੀਆਂ ਹਨ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8