ਗੈਸ ਮੁੱਕ ਗਈ? ਫਿਕਰ ਨਾ ਕਰੋ, ਬੱਸ WhatsApp ''ਤੇ ਲਿਖੋ ''HI'' ! ਇੰਝ 2 ਸੈਕਿੰਡ ਵਿੱਚ ਬੁੱਕ ਕਰੋ ਆਪਣਾ ਸਿਲੰਡਰ

ਨਵੀਂ ਦਿੱਲੀ: ਜੇਕਰ ਤੁਹਾਡੇ ਘਰ ਵਿੱਚ ਰਸੋਈ ਗੈਸ (LPG) ਖ਼ਤਮ ਹੋਣ ਵਾਲੀ ਹੈ, ਤਾਂ ਹੁਣ ਤੁਹਾਨੂੰ ਗੈਸ ਏਜੰਸੀ ਦੇ ਚੱਕਰ ਲਗਾਉਣ ਜਾਂ ਲੰਬੀਆਂ ਲਾਈਨਾਂ ਵਿੱਚ ਲੱਗਣ ਦੀ ਲੋੜ ਨਹੀਂ ਹੈ। ਇੰਡੇਨ (Indane), HP ਅਤੇ ਭਾਰਤ ਗੈਸ ਵਰਗੀਆਂ ਪ੍ਰਮੁੱਖ ਕੰਪਨੀਆਂ ਹੁਣ WhatsApp, ਮੋਬਾਈਲ ਐਪ, SMS ਅਤੇ ਕਾਲ ਵਰਗੇ ਕਈ ਡਿਜੀਟਲ ਤਰੀਕਿਆਂ ਰਾਹੀਂ ਘਰ ਬੈਠੇ ਸਿਲੰਡਰ ਬੁੱਕ ਕਰਨ ਦੀ ਸਹੂਲਤ ਦੇ ਰਹੀਆਂ ਹਨ।

WhatsApp ਰਾਹੀਂ ਬੁਕਿੰਗ 

ਸਭ ਤੋਂ ਆਸਾਨ ਭਾਰਤ ਵਿੱਚ WhatsApp ਦੀ ਪ੍ਰਸਿੱਧੀ ਨੂੰ ਦੇਖਦੇ ਹੋਏ ਗੈਸ ਕੰਪਨੀਆਂ ਨੇ ਇਸ ਰਾਹੀਂ ਬੁਕਿੰਗ ਦੀ ਵਿਸ਼ੇਸ਼ ਸਹੂਲਤ ਦਿੱਤੀ ਹੈ। ਗਾਹਕਾਂ ਨੂੰ ਸਿਰਫ਼ ਆਪਣੀ ਕੰਪਨੀ ਦਾ ਨੰਬਰ ਸੇਵ ਕਰਨਾ ਹੋਵੇਗਾ ਅਤੇ 'Hi' ਜਾਂ 'REFILL' ਲਿਖ ਕੇ ਮੈਸੇਜ ਭੇਜਣਾ ਹੋਵੇਗਾ।

• Indane Gas: 75888 88824
• HP Gas: 92222 01122
• Bharat Gas: 1800 22 4344

ਕਾਲ ਅਤੇ ਮੋਬਾਈਲ ਐਪ ਦੀ ਸੁਵਿਧਾ 

ਕਾਲ ਰਾਹੀਂ ਬੁਕਿੰਗ ਲਈ HP ਗੈਸ ਦੇ ਗਾਹਕ 88888 23456 'ਤੇ ਕਾਲ ਕਰ ਸਕਦੇ ਹਨ ਜਾਂ 94936 02222 'ਤੇ ਮਿਸਡ ਕਾਲ ਦੇ ਸਕਦੇ ਹਨ। ਭਾਰਤ ਗੈਸ ਲਈ 77150 12345 ਅਤੇ ਇੰਡੇਨ ਲਈ 7718955555 ਨੰਬਰ ਵਰਤੇ ਜਾ ਸਕਦੇ ਹਨ। ਇਸ ਤੋਂ ਇਲਾਵਾ, ਕੰਪਨੀਆਂ ਦੀਆਂ ਆਪਣੀਆਂ ਮੋਬਾਈਲ ਐਪਸ (IndianOil ONE, HP Gas ਐਪ, Hello BPCL) ਰਾਹੀਂ ਵੀ ਸਿਲੰਡਰ ਬੁੱਕ ਕੀਤਾ ਜਾ ਸਕਦਾ ਹੈ ਅਤੇ ਪੇਮੈਂਟ ਦੇ ਨਾਲ-ਨਾਲ ਡਿਲੀਵਰੀ ਸਟੇਟਸ ਵੀ ਦੇਖਿਆ ਜਾ ਸਕਦਾ ਹੈ।

ਬੁਕਿੰਗ ਦੇ ਨਿਯਮਾਂ ਵਿੱਚ ਬਦਲਾਅ 

ਸਰਕਾਰ ਨੇ LPG ਸਿਲੰਡਰ ਦੀ ਜਮ੍ਹਾਖੋਰੀ ਰੋਕਣ ਅਤੇ ਸਪਲਾਈ ਨੂੰ ਬਰਾਬਰ ਰੱਖਣ ਲਈ ਬੁਕਿੰਗ ਦੇ ਨਿਯਮਾਂ ਵਿੱਚ ਬਦਲਾਅ ਕੀਤਾ ਹੈ। ਹੁਣ ਇੱਕ ਸਿਲੰਡਰ ਲੈਣ ਤੋਂ ਬਾਅਦ ਦੂਜਾ ਸਿਲੰਡਰ ਬੁੱਕ ਕਰਨ ਲਈ ਘੱਟੋ-ਘੱਟ 25 ਦਿਨਾਂ ਦਾ ਇੰਤਜ਼ਾਰ ਕਰਨਾ ਪਵੇਗਾ, ਜਦਕਿ ਪਹਿਲਾਂ ਇਹ ਸਮਾਂ 21 ਦਿਨ ਸੀ। ਪੇਂਡੂ ਇਲਾਕਿਆਂ ਵਿੱਚ ਇਹ ਗੈਪ 45 ਦਿਨਾਂ ਤੱਕ ਦਾ ਵੀ ਹੋ ਸਕਦਾ ਹੈ। ਹਾਲ ਹੀ ਦੇ ਦਿਨਾਂ ਵਿੱਚ ਬੁਕਿੰਗ ਸਿਸਟਮ 'ਤੇ ਲੋਡ ਵਧਣ ਕਾਰਨ ਕਾਲ ਸੇਵਾਵਾਂ ਵਿੱਚ ਕੁਝ ਦਿੱਕਤਾਂ ਆ ਸਕਦੀਆਂ ਹਨ, ਅਜਿਹੇ ਵਿੱਚ ਮਾਹਰਾਂ ਦਾ ਸੁਝਾਅ ਹੈ ਕਿ ਉਪਭੋਗਤਾ WhatsApp ਜਾਂ ਮੋਬਾਈਲ ਐਪ ਵਰਗੇ ਵਿਕਲਪਾਂ ਦੀ ਵਰਤੋਂ ਕਰਨ।