ਕਾਂਗਰਸ ਦੇ ਬੁਲਾਰਾ ਰਾਜੀਵ ਤਿਆਗੀ ਦਾ ਦਿਹਾਂਤ
08/12/2020 9:34:26 PM
ਨਵੀਂ ਦਿੱਲੀ - ਕਾਂਗਰਸ ਬੁਲਾਰਾ ਰਾਜੀਵ ਤਿਆਗੀ ਦਾ ਦਿਹਾਂਤ ਹੋ ਗਿਆ ਹੈ। ਰਾਜੀਵ ਤਿਆਗੀ ਦੀ ਸਿਹਤ ਅਚਾਨਕ ਖ਼ਰਾਬ ਹੋ ਗਈ ਸੀ। ਉਨ੍ਹਾਂ ਨੂੰ ਗੰਭੀਰ ਹਾਲਤ 'ਚ ਗਾਜ਼ੀਆਬਾਦ ਦੇ ਯਸ਼ੋਦਾ ਹਸਪਤਾਲ 'ਚ ਦਾਖਲ ਕਰਵਾਇਆ ਗਿਆ ਸੀ। ਰਾਜੀਵ ਤਿਆਗੀ ਕਾਂਗਰਸ ਦੇ ਬੁਲਾਰਾ ਸਨ ਅਤੇ ਟੀ.ਵੀ. ਚੈਨਲਾਂ 'ਤੇ ਡਿਬੇਟ 'ਚ ਪ੍ਰਭਾਵਸ਼ਾਲੀ ਤਰੀਕੇ ਨਾਲ ਪਾਰਟੀ ਦਾ ਪੱਖ ਰੱਖਦੇ ਸਨ।
आज शाम 5:00 बजे आज तक पर रहूंगा। धन्यवाद।
— Rajiv Tyagi (@RTforINDIA) August 12, 2020
ਰਿਪੋਰਟ ਮੁਤਾਬਕ ਰਾਜੀਵ ਤਿਆਗੀ ਦੀ ਸਿਹਤ ਸਾਰਾ ਦਿਨ ਠੀਕ ਸੀ। ਸ਼ਾਮ ਨੂੰ ਅੱਜ ਤਕ 'ਤੇ ਉਹ ਡਿਬੇਟ 'ਚ ਸ਼ਾਮਿਲ ਹੋਏ ਸਨ। ਖੁਦ ਟਵੀਟ ਕਰਕੇ ਉਨ੍ਹਾਂ ਨੇ ਇਸ ਦੀ ਜਾਣਕਾਰੀ ਵੀ ਦਿੱਤੀ ਸੀ। ਉਨ੍ਹਾਂ ਲਿਖਿਆ ਸੀ ਕਿ ਅੱਜ ਸ਼ਾਮ 5:00 ਵਜੇ ਅੱਜ ਤੱਕ 'ਤੇ ਰਹਾਂਗਾ। ਸ਼ਾਮ ਨੂੰ 5 ਵਜੇ ਉਹ ਅੱਜ ਤਕ 'ਤੇ ਟੀ.ਵੀ. ਡਿਬੇਟ 'ਚ ਸ਼ਾਮਲ ਵੀ ਹੋਏ ਸਨ।
ਰਾਜੀਵ ਤਿਆਗੀ ਦੇ ਘਰ ਅਚਾਨਕ ਉਨ੍ਹਾਂ ਦੀ ਸਿਹਤ ਵਿਗੜ ਗਈ ਅਤੇ ਉਹ ਬੇਹੋਸ਼ ਹੋ ਗਏ। ਬੇਹੋਸ਼ੀ ਦੀ ਹਾਲਤ 'ਚ ਉਨ੍ਹਾਂ ਨੂੰ ਯਸ਼ੋਦਾ ਹਸਪਤਾਲ ਲੈ ਜਾਇਆ ਗਿਆ, ਜਿੱਥੇ ਡਾਕਟਰਾਂ ਨੇ ਉਨ੍ਹਾਂ ਨੂੰ ਮ੍ਰਿਤਕ ਐਲਾਨ ਕਰ ਦਿੱਤਾ।
We are deeply saddened by the sudden demise of Shri Rajiv Tyagi. A staunch Congressman & a true patriot. Our thoughts and prayers are with his families & friends in this time of grief. pic.twitter.com/yHKSlzPwbX
— Congress (@INCIndia) August 12, 2020
ਕਾਂਗਰਸ ਨੇ ਆਪਣੇ ਅਧਿਕਾਰਕ ਟਵਿੱਟਰ ਹੈਂਡਲ 'ਤੇ ਰਾਜੀਵ ਤਿਆਗੀ ਦੇ ਦਿਹਾਂਤ 'ਤੇ ਸੋਗ ਜਤਾਇਆ ਹੈ। ਕਾਂਗਰਸ ਨੇ ਲਿਖਿਆ ਹੈ ਕਿ ਰਾਜੀਵ ਤਿਆਗੀ ਦੇ ਅਚਾਨਕ ਦਿਹਾਂਤ ਨਾਲ ਅਸੀਂ ਸਾਰੇ ਬੇਹੱਦ ਦੁਖੀ ਹਾਂ, ਉਹ ਇੱਕ ਪੱਕੇ ਕਾਂਗਰਸੀ ਅਤੇ ਸੱਚੇ ਦੇਸਭਗਤ ਸਨ, ਇਸ ਦੁੱਖ ਦੀ ਘੜੀ 'ਚ ਸਾਡੀ ਸੰਵੇਦਨਾ ਅਤੇ ਪ੍ਰਾਰਥਨਾ ਪਰਿਵਾਰ ਦੇ ਨਾਲ ਹੈ।
ਰਾਜੀਵ ਤਿਆਗੀ ਦੀ ਦਿਹਾਂਤ ਦੀ ਖ਼ਬਰ ਸੁਣ ਕੇ ਰਾਜਨੀਤਕ ਗਲਿਆਰੇ 'ਚ ਡੂੰਘੀ ਸੋਗ ਦੀ ਲਹਿਰ ਹੈ। ਬੀਜੇਪੀ ਬੁਲਾਰਾ ਸੰਬਿਤ ਪਾਤਰਾ ਨੇ ਉਨ੍ਹਾਂ ਦੇ ਦਿਹਾਂਤ 'ਤੇ ਡੂੰਘਾ ਸੋਗ ਜਤਾਇਆ ਹੈ। ਸੰਬਿਤ ਪਾਤਰਾ ਨੇ ਆਪਣੇ ਟਵੀਟ 'ਚ ਲਿਖਿਆ ਹੈ ਕਿ ਕਾਂਗਰਸ ਦੇ ਬੁਲਾਰਾ ਮੇਰੇ ਮਿੱਤਰ ਰਾਜੀਵ ਤਿਆਗੀ ਸਾਡੇ ਨਾਲ ਨਹੀਂ ਹਨ। ਅੱਜ 5 ਵਜੇ ਅਸੀਂ ਦੋਵਾਂ ਨੇ ਇਕੱਠੇ ਅੱਜ ਤਕ 'ਤੇ ਡਿਬੇਟ ਵੀ ਕੀਤਾ ਸੀ। ਜੀਵਨ ਬਹੁਤ ਹੀ ਅਨਿਸ਼ਚਿਤ ਹੈ। ਹੁਣੇ ਵੀ ਸ਼ਬਦ ਨਹੀਂ ਮਿਲ ਰਹੇ।
विश्वास नहीं हो रहा है कंग्रेस के प्रवक्ता मेरे मित्र श्री @RTforINDIA हमारे साथ नहीं है।
— Sambit Patra (@sambitswaraj) August 12, 2020
आज 5 बजे हम दोनो ने साथ में @aajtak पर डिबेट भी किया था।
जीवन बहुत ही अनिश्चित है ...अभी भी शब्द नहीं मिल रहें
हे गोविंद राजीव जी को अपने श्री चरणो में स्थान देना🙏