ਕੜਕਦੀ ਧੁੱਪ ''ਚ ਘੰਟਿਆਂਬੱਧੀ ਸਕੂਲੀ ਬੱਸ ''ਚ ਫਸੇ ਬੱਚੇ, ਭੁੱਖ-ਪਿਆਸ ਨਾਲ ਤੜਫਦੇ ਦਿਖਾਈ ਦਿੱਤੇ ਮਾਸੂਮ

ਨੈਸ਼ਨਲ ਡੈਸਕ : ਯੂਪੀ ਦੇ ਪ੍ਰਤਾਪਗੜ੍ਹ ਵਿੱਚ ਇੱਕ ਸਕੂਲੀ ਬੱਸ, ਜਿਸ ਵਿੱਚ ਕਈ ਬੱਚੇ ਬੈਠੇ ਸਨ, ਨੂੰ ਚੈਕਿੰਗ ਦੌਰਾਨ ਏ.ਆਰ.ਟੀ.ਓ. ਨੇ ਕਾਬੂ ਕਰ ਲਿਆ। ਇਸ ਘਟਨਾ ਦੌਰਾਨ ਬੱਚਿਆਂ ਨੂੰ ਧੁੱਪ ਵਿੱਚ ਬੱਸ ਦੇ ਅੰਦਰ ਕਾਫ਼ੀ ਸਮੇਂ ਤੱਕ ਰਹਿਣਾ ਪਿਆ। ਜਦੋਂ ਬੱਚੇ ਸਮੇਂ ਸਿਰ ਘਰ ਨਹੀਂ ਪਹੁੰਚੇ ਤਾਂ ਉਨ੍ਹਾਂ ਦੇ ਮਾਪਿਆਂ ਨੇ ਆਪਣੇ ਬੱਚਿਆਂ ਦੀ ਭਾਲ ਕਰਨੀ ਸ਼ੁਰੂ ਕੀਤੀ ਤਾਂ ਪਤਾ ਲੱਗਾ ਕਿ ਬੱਚੇ ਏ.ਆਰ.ਟੀ.ਓ ਦਫ਼ਤਰ ਵਿੱਚ ਖੜ੍ਹੀ ਬੱਸ ਵਿੱਚ ਕੈਦ ਹਨ।

ਇਹ ਵੀ ਪੜ੍ਹੋ - ਸਮੋਸਾ ਪਾਰਟੀ ਦੇਣ ਤੋਂ ਇਨਕਾਰ ਕਰਨ 'ਤੇ ਹੈਵਾਨ ਬਣੇ ਦੋਸਤ, ਬੇਰਹਿਮੀ ਨਾਲ ਕਰ 'ਤਾ ਕਤਲ

ਦੱਸ ਦੇਈਏ ਕਿ ਇਹ ਘਟਨਾ ਬੀਤੇ ਦਿਨ ਦੀ ਹੈ, ਜਦੋਂ ਏ.ਆਰ.ਟੀ.ਓ.ਇਨਫੋਰਸਮੈਂਟ ਦਲੀਪ ਗੁਪਤਾ ਨੇ ਚੈਕਿੰਗ ਦੌਰਾਨ ਸਕੂਲ ਬੱਸ ਨੂੰ ਰੋਕਿਆ। ਦੋਸ਼ ਹੈ ਕਿ ਉਹਨਾਂ ਨੇ ਬੱਚਿਆਂ ਅਤੇ ਅਧਿਆਪਕਾਂ ਨਾਲ ਭਰੀ ਸਕੂਲ ਬੱਸ ਸਬੰਧੀ ਮੌਕੇ 'ਤੇ ਕਾਰਵਾਈ ਕਰਨ ਦੀ ਬਜਾਏ ਆਪਣੇ ਦਫ਼ਤਰ ਲੈ ਗਏ ਅਤੇ ਬੱਚਿਆਂ ਸਣੇ ਧੁੱਪ ਵਿਚ ਖੜ੍ਹੀ ਕਰ ਦਿੱਤੀ। ਇਸ ਦੌਰਾਨ ਬੱਸ ਵਿਚ ਬੈਠੇ ਛੋਟੇ-ਛੋਟੇ ਬੱਚੇ ਕਰੀਬ ਦੋ ਘੰਟੇ ਤੇਜ਼ ਧੁੱਪ ਵਿੱਚ ਭੁੱਖ-ਪਿਆਸ ਨਾਲ ਤੜਫਦੇ ਰਹੇ। ਇਸ ਮਾਮਲੇ ਦਾ ਜਦੋਂ ਮਾਪਿਆਂ ਨੂੰ ਪਤਾ ਲੱਗਾ ਤਾਂ ਉਹ ਏਆਰਟੀਓ ਦਫ਼ਤਰ ਪੁੱਜੇ ਅਤੇ ਹੰਗਾਮਾ ਸ਼ੁਰੂ ਕਰ ਦਿੱਤਾ। ਏ.ਆਰ.ਟੀ.ਓ. ਨੇ ਦੱਸਿਆ ਕਿ ਫਿਟਨੈਸ ਫੇਲ ਹੋਣ ਕਾਰਨ ਬੱਸ ਨੂੰ ਰੋਕਿਆ ਗਿਆ ਸੀ। ਉਨ੍ਹਾਂ ਕਿਹਾ ਕਿ ਦਸਤਾਵੇਜ਼ਾਂ ਨੂੰ ਦੇਖਣ ਮਗਰੋਂ ਬੱਸ ਨੂੰ ਦਫ਼ਤਰ ਵਿੱਚ ਖੜ੍ਹਾ ਕੀਤਾ ਗਿਆ ਸੀ।

ਇਹ ਵੀ ਪੜ੍ਹੋ - ਬਿਜਲੀ ਦਾ ਜ਼ਿਆਦਾ ਬਿੱਲ ਆਉਣ ਤੋਂ ਹੋ ਪਰੇਸ਼ਾਨ ਤਾਂ ਜ਼ਰੂਰ ਪੜ੍ਹੋ ਇਹ ਖ਼ਬਰ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8