ਇਸ ਦਿਨ ਤੋਂ ਸਸਤਾ ਹੋਵੇਗਾ Amul ਅਤੇ Mother Dairy ਦੁੱਧ, ਕੀਮਤਾਂ 'ਚ ਆਵੇਗੀ ਵੱਡੀ ਗਿਰਾਵਟ

ਨਵੀਂ ਦਿੱਲੀ : ਹਰ ਘਰ ਵਿੱਚ ਸਭ ਤੋਂ ਵੱਧ ਇਸਤੇਮਾਲ ਕੀਤੇ ਜਾਣ ਵਾਲੇ ਦੁੱਧ ਦੀਆਂ ਕੀਮਤਾਂ ਜਲਦੀ ਹੀ ਬਹੁਤ ਘੱਟਣ ਵਾਲੀਆਂ ਹਨ। ਸਰਕਾਰ ਨੇ ਹਾਲ ਹੀ ਵਿੱਚ ਜੀਐਸਟੀ ਕੌਂਸਲ ਦੀ ਮੀਟਿੰਗ ਵਿੱਚ ਫ਼ੈਸਲਾ ਲਿਆ ਹੈ ਕਿ ਪੈਕ ਕੀਤੇ ਗਏ ਦੁੱਧ ਨੂੰ 5% ਜੀਐਸਟੀ ਤੋਂ ਛੋਟ ਦਿੱਤੀ ਜਾਵੇਗੀ। ਇਸ ਫ਼ੈਸਲੇ ਦੇ ਲਾਗੂ ਹੁੰਦੇ ਸਾਰ ਹੀ ਦੇਸ਼ ਦੇ ਸਭ ਤੋਂ ਵੱਡੇ ਦੁੱਧ ਉਤਪਾਦਕ ਬ੍ਰਾਂਡਾਂ ਅਮੂਲ ਅਤੇ ਮਦਰ ਡੇਅਰੀ ਦੇ ਦੁੱਧ ਦੀਆਂ ਕੀਮਤਾਂ ਵਿੱਚ ਤੁਰੰਤ ਰਾਹਤ ਮਿਲੇਗੀ।

ਇਹ ਵੀ ਪੜ੍ਹੋ : ਪੰਜਾਬ 'ਚ ਅੱਜ ਤੋਂ ਮੁੜ ਖੁੱਲ੍ਹਣਗੇ ਸਕੂਲ, ਪਰ ਇਸ ਦਿਨ ਤੋਂ ਸ਼ੁਰੂ ਹੋਵੇਗੀ ਪੜ੍ਹਾਈ!

22 ਸਤੰਬਰ ਤੋਂ ਲਾਗੂ ਹੋਣਗੀਆਂ ਨਵੀਆਂ ਕੀਮਤਾਂ
ਜੀਐਸਟੀ ਦੀ ਇਸ ਛੋਟ ਦਾ ਸਿੱਧਾ ਫ਼ਾਇਦਾ ਆਮ ਖਪਤਕਾਰਾਂ ਨੂੰ ਹੋਵੇਗਾ, ਕਿਉਂਕਿ ਦੁੱਧ 'ਤੇ ਲੱਗਣ ਵਾਲਾ 5% ਟੈਕਸ ਹਟਾ ਦਿੱਤਾ ਜਾਵੇਗਾ। ਇਸ ਕਦਮ ਦਾ ਉਦੇਸ਼ ਵਧਦੀ ਮਹਿੰਗਾਈ ਦੇ ਵਿਚਕਾਰ ਦੁੱਧ ਵਰਗੀ ਜ਼ਰੂਰੀ ਵਸਤੂ ਨੂੰ ਹੋਰ ਕਿਫਾਇਤੀ ਬਣਾਉਣਾ ਹੈ ਤਾਂ ਜੋ ਹਰ ਪਰਿਵਾਰ ਨੂੰ ਸਸਤਾ ਅਤੇ ਗੁਣਵੱਤਾ ਵਾਲਾ ਦੁੱਧ ਮਿਲ ਸਕੇ। ਸਰਕਾਰ ਦਾ ਇਹ ਫ਼ੈਸਲਾ 22 ਸਤੰਬਰ 2025 ਤੋਂ ਲਾਗੂ ਹੋਵੇਗਾ। ਇਸ ਤੋਂ ਬਾਅਦ ਅਮੂਲ ਅਤੇ ਮਦਰ ਡੇਅਰੀ ਸਮੇਤ ਹੋਰ ਪੈਕ ਕੀਤੇ ਦੁੱਧ ਉਤਪਾਦਾਂ ਦੀਆਂ ਕੀਮਤਾਂ ਨਵੀਂ ਜੀਐਸਟੀ-ਮੁਕਤ ਦਰ 'ਤੇ ਨਿਰਧਾਰਤ ਕੀਤੀਆਂ ਜਾਣਗੀਆਂ, ਜਿਸ ਨਾਲ ਬਾਜ਼ਾਰ ਵਿੱਚ ਦੁੱਧ ਦੀਆਂ ਕੀਮਤਾਂ ਤੇਜ਼ੀ ਨਾਲ ਘਟਣਗੀਆਂ।

ਇਹ ਵੀ ਪੜ੍ਹੋ : 10 ਦਿਨ ਸਕੂਲ-ਕਾਲਜ ਬੰਦ! ਆਨਲਾਈਨ ਹੋਵੇਗੀ ਪੜ੍ਹਾਈ, ਜਾਣੋ ਹੈਰਾਨੀਜਨਕ ਵਜ੍ਹਾ

ਅਮੂਲ ਅਤੇ ਮਦਰ ਡੇਅਰੀ ਦੀਆਂ ਮੌਜੂਦਾ ਕੀਮਤਾਂ
ਅਮੂਲ ਉਤਪਾਦਾਂ ਵਿੱਚੋਂ ਫੁੱਲ ਕਰੀਮ ਦੁੱਧ 'ਅਮੂਲ ਗੋਲਡ' ਦੀ ਕੀਮਤ ਲਗਭਗ ₹ 69 ਪ੍ਰਤੀ ਲੀਟਰ ਹੈ, ਜਦੋਂ ਕਿ ਟੋਂਡ ਦੁੱਧ ₹ 57 ਪ੍ਰਤੀ ਲੀਟਰ ਵਿੱਚ ਵਿਕਦਾ ਹੈ। ਇਸੇ ਤਰ੍ਹਾਂ, ਮਦਰ ਡੇਅਰੀ ਦਾ ਫੁੱਲ ਕਰੀਮ ਦੁੱਧ ₹ 69 ਅਤੇ ਟੋਨਡ ਦੁੱਧ ₹ 57 ਵਿੱਚ ਉਪਲਬਧ ਹੈ। ਮੱਝ ਅਤੇ ਗਾਂ ਦੇ ਦੁੱਧ ਦੀਆਂ ਕੀਮਤਾਂ ਵੀ ₹ 50-75 ਦੇ ਵਿਚਕਾਰ ਹਨ।

ਦੁੱਧ ਦੀਆਂ ਕੀਮਤਾਂ ਵਿਚ ਗਿਰਾਵਟ
ਸਰਕਾਰ ਦੀ ਯੋਜਨਾ ਅਨੁਸਾਰ ਦੁੱਧ ਦੀਆਂ ਕੀਮਤਾਂ ਲਗਭਗ ₹3 ਤੋਂ ₹4 ਪ੍ਰਤੀ ਲੀਟਰ ਤੱਕ ਘੱਟ ਜਾਣਗੀਆਂ। ਉਦਾਹਰਣ ਵਜੋਂ ਅਮੂਲ ਗੋਲਡ ਦੀ ਕੀਮਤ ਲਗਭਗ ₹65-66 ਤੱਕ ਘੱਟ ਜਾਵੇਗੀ, ਜਦੋਂ ਕਿ ਮਦਰ ਡੇਅਰੀ ਦੇ ਫੁੱਲ ਕਰੀਮ ਦੁੱਧ ਦੀ ਕੀਮਤ ਵੀ ਇਸੇ ਸੀਮਾ ਵਿੱਚ ਆਉਣ ਦੀ ਉਮੀਦ ਹੈ। ਟੋਨਡ ਦੁੱਧ ਅਤੇ ਮੱਝ ਦੇ ਦੁੱਧ 'ਤੇ ਵੀ ਇਸੇ ਤਰ੍ਹਾਂ ਦੀ ਰਾਹਤ ਦਿਖਾਈ ਦੇਵੇਗੀ।

ਇਹ ਵੀ ਪੜ੍ਹੋ : ਪ੍ਰਾਈਵੇਟ ਕਰਮਚਾਰੀਆਂ ਲਈ ਵੱਡੀ ਖ਼ਬਰ: ਹੁਣ 10 ਘੰਟੇ ਕਰਨਾ ਪਵੇਗਾ ਕੰਮ

ਕਿਸ ਕਿਸਮ ਦਾ ਦੁੱਧ ਹੋਵੇਗਾ ਸਸਤਾ? 
ਅਮੂਲ ਗੋਲਡ (ਪੂਰੀ ਕਰੀਮ) - ₹69 ਤੋਂ ₹65-66 ਤੱਕ
ਅਮੂਲ ਫਰੈਸ਼ (ਟੋਂਡ ਦੁੱਧ) - ₹57 ਤੋਂ ₹54-55 ਤੱਕ
ਅਮੂਲ ਟੀ ਸਪੈਸ਼ਲ - ₹63 ਤੋਂ ₹59-60 ਤੱਕ

ਮੱਝ ਦਾ ਦੁੱਧ – ₹75 ਤੋਂ ₹71-72
ਗਾਂ ਦਾ ਦੁੱਧ – ₹58 ਤੋਂ ₹55-57

ਮਦਰ ਡੇਅਰੀ ਫੁੱਲ ਕਰੀਮ – ₹69 ਤੋਂ ₹65-66
ਮਦਰ ਡੇਅਰੀ ਟੋਨਡ ਮਿਲਕ – ₹57 ਤੋਂ ₹55-56
ਮਦਰ ਡੇਅਰੀ ਮੱਝ ਦਾ ਦੁੱਧ – ₹74 ਤੋਂ ₹71
ਮਦਰ ਡੇਅਰੀ ਗਾਂ ਦਾ ਦੁੱਧ – ₹59 ਤੋਂ ₹56-57

ਇਹ ਵੀ ਪੜ੍ਹੋ : ਛੁੱਟੀਆਂ ਨੂੰ ਲੈ ਕੇ ਵੱਡੀ ਖ਼ਬਰ: ਜਾਣੋ ਹੋਰ ਕਿੰਨੇ ਦਿਨ ਬੰਦ ਰਹਿਣਗੇ ਸਕੂਲ-ਕਾਲਜ ਤੇ ਦਫ਼ਤਰ!

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।