ਕੇਂਦਰ ਵੱਲੋਂ ਹਿਮਾਚਲ ਨੂੰ ਵੱਡਾ ਹੁਲਾਰਾ

ਕੇਂਦਰ ਸਰਕਾਰ ਨੇ ਹਿਮਾਚਲ ਪ੍ਰਦੇਸ਼ ਨੂੰ ਪੂੰਜੀ ਖਰਚ ’ਚ ਵੱਡਾ ਹੁਲਾਰਾ ਦਿੱਤਾ ਹੈ। ਉਦਯੋਗ ਤੇ ਅੰਦਰੂਨੀ ਵਪਾਰ ਪ੍ਰਮੋਸ਼ਨ ਵਿਭਾਗ ਦੀਆਂ ਸਿਫ਼ਾਰਸ਼ਾਂ ਦੇ ਆਧਾਰ ’ਤੇ ਵਿੱਤ ਮੰਤਰਾਲਾ ਦੇ ਖਰਚ ਵਿਭਾਗ ਨੇ ਸਾਲ 2022-23 ਲਈ ਵਿਸ਼ੇਸ਼ ਸਹਾਇਤਾ ਪੂੰਜੀ ਨਿਵੇਸ਼ ਯੋਜਨਾ ਦੇ ਭਾਗ 2 (ਪੀ.ਐੱਮ. ਗਤੀ ਸ਼ਕਤੀ ਨਾਲ ਸਬੰਧਤ ਖਰਚ) ਅਧੀਨ 42 ਕਰੋੜ ਰੁਪਏ ਦੇ 3 ਪ੍ਰਾਜੈਕਟਾਂ ਨੂੰ ਮਨਜ਼ੂਰੀ ਦਿੱਤੀ ਹੈ।

42 ਕਰੋੜ ਰੁਪਏ ਦੀ ਪੂਰੀ ਪ੍ਰਵਾਣਤ ਰਕਮ 15 ਦਸੰਬਰ 2022 ਦੇ ਇਕ ਪ੍ਰਵਾਣਤ ਹੁਕਮ ਰਾਹੀਂ ਸੂਬੇ ਨੂੰ ਜਾਰੀ ਕੀਤੀ ਗਈ ਸੀ। 2025-26 ਲਈ 4 ਫਰਵਰੀ 2026 ਤੱਕ ਵਿਸ਼ੇਸ਼ ਸਹਾਇਤਾ ਪੂੰਜੀ ਨਿਵੇਸ਼ ਯੋਜਨਾ ਅਧੀਨ ਹਿਮਾਚਲ ਪ੍ਰਦੇਸ਼ ਨੂੰ 2427.7 ਕਰੋੜ ਰੁਪਏ ਦੀ ਰਕਮ ਜਾਰੀ ਕੀਤੀ ਗਈ ਹੈ। ਕੇਂਦਰੀ ਆਯੂਸ਼ ਮੰਤਰਾਲਾ ਤੇ ਸੂਬਾ ਸਰਕਾਰ ਵੱਲੋਂ ਹਿਮਾਚਲ ਨੂੰ ਵੈੱਲਨੈੱਸ ਪੰਚਕਰਮ ਕੇਂਦਰ ਦੀ ਇਕ ਪ੍ਰਮੁੱਖ ਹੱਬ ਬਣਾਉਣ ਲਈ ਉਤਸ਼ਾਹਿਤ ਕੀਤਾ ਜਾ ਰਿਹਾ ਹੈ।

ਕੇਂਦਰ ਹਿਮਾਚਲ ਨੂੰ ਚੁਣੇ ਹੋਏ ਸਰਹੱਦੀ ਤੇ ਦੂਰ-ਦੁਰਾਡੇ ਦੇ ਪਿੰਡਾਂ ’ਚ ਵੱਡੇ ਪੱਧਰ 'ਤੇ ਔਸ਼ਿਧੀ ਤੇ ਖੁਸ਼ਬੂਦਾਰ ਪੌਦਿਆਂ ਦੀ ਕਾਸ਼ਤ ਕਰਨ ਲਈ ਵੀ ਉਤਸ਼ਾਹਿਤ ਕਰਨਾ ਚਾਹੁੰਦਾ ਹੈ। ਇਸ ਨਾਲ ਸਥਾਨਕ ਕਿਸਾਨਾਂ ਨੂੰ ਬੁਨਿਆਦੀ ਢਾਂਚਾ ਸਿਖਲਾਈ ਰਾਹੀਂ ਮਜ਼ਬੂਤ ​​ਕੀਤਾ ਜਾਏਗਾ ਜਿਸ ਨਾਲ ਪਿੰਡਾਂ ’ਚ ਟਿਕਾਊ ਰੁਜ਼ਗਾਰ ਪੈਦਾ ਹੋਵੇਗਾ।

ਇਸ ਤੋਂ ਇਲਾਵਾ ਖੇਤੀਬਾੜੀ ਤੇ ਕਿਸਾਨ ਭਲਾਈ ਮੰਤਰਾਲਾ ਬਾਗਬਾਨੀ ਦੇ ਏਕੀਕ੍ਰਿਤ ਵਿਕਾਸ ਮਿਸ਼ਨ ਨੂੰ ਲਾਗੂ ਕਰ ਰਿਹਾ ਹੈ। ਉਹ ਥੋੜ੍ਹੇ ਸਮੇਂ ਦੇ ਔਸ਼ਧੀ ਪੌਦਿਆਂ ਜਿਵੇਂ ਕਿ ਗੈਰ-ਬਾਰਾਮਾਸੀ ਤੇ ਗੈਰ-ਰੁੱਖ ਪ੍ਰਜਾਤੀਆਂ ਅਧੀਨ ਖੇਤਰ ਨੂੰ ਵਧਾਉਣ ’ਚ ਵੀ ਮਦਦ ਕਰ ਰਿਹਾ ਹੈ।

ਸੂਬੇ ਨੇ ਵੈੱਲਨੈੱਸ ਪੰਚਕਰਮਾ ਦੀ ਸ਼ੁਰੂਆਤ ਕੀਤੀ ਹੈ। ਉਹ ਉੱਨਤ ਡਾਇਗਨਾਸਟਿਕ ਸਾਧਨਾਂ ਤੇ ਵਿਸ਼ੇਸ਼ ਡਾਕਟਰੀ ਤਕਨਾਲੋਜੀ ਦੀ ਵਰਤੋਂ ਕਰ ਰਿਹਾ ਹੈ। ਹਿਮਾਚਲ ਪ੍ਰਦੇਸ਼ ਵੈੱਲਨੈੱਸ ਪੰਚਕਰਮਾ ਖੇਤਰੀ ਆਯੁਰਵੈਦਿਕ ਹਸਪਤਾਲ ਸ਼ਿਮਲਾ ਤੇ ਖੇਤਰੀ ਆਯੁਰਵੈਦਿਕ ਹਸਪਤਾਲ ਪਾਪਰੋਲਾ ਜ਼ਿਲਾ ਕਾਂਗੜਾ ਵਿਖੇ ਸ਼ੁਰੂ ਕੀਤਾ ਗਿਆ ਹੈ। ਆਯੂਸ਼ ਵਿਭਾਗ ਸੂਬੇ ਦੇ ਹੋਰ ਹਸਪਤਾਲਾਂ ’ਚ ਵੀ ਇਨ੍ਹਾਂ ਸਰਗਰਮੀਆਂ ਨੂੰ ਸ਼ੁਰੂ ਕਰਨ ਦੀ ਯੋਜਨਾ ਬਣਾ ਰਿਹਾ ਹੈ।

ਇਸ ਸਮੇ ਪੰਚਕਰਮਾ ਟੈਕਨੀਸ਼ੀਅਨ ਕੋਰਸ ਰਾਜੀਵ ਗਾਂਧੀ ਸਰਕਾਰੀ ਪੋਸਟ ਗ੍ਰੈਜੂਏਟ ਆਯੁਰਵੈਦਿਕ ਕਾਲਜ ਤੇ ਹਸਪਤਾਲ ਪਾਪਰੋਲਾ (ਕਾਂਗੜਾ) ਅਤੇ ਖੇਤਰੀ ਆਯੁਰਵੈਦਿਕ ਹਸਪਤਾਲ ਛੋਟਾ ਸ਼ਿਮਲਾ (ਸ਼ਿਮਲਾ) ਵਿਖੇ ਚਲਾਇਆ ਜਾ ਰਿਹਾ ਹੈ।