ਸ਼੍ਰੀ ਅਮਰਨਾਥ ਗੁਫਾ ਵੱਲ ਜਾਣ ਵਾਲੇ ਦੋਵੇਂ ਰਸਤੇ ਕੰਕਰੀਟ ਦੇ ਬਣਾਏ ਜਾਣਗੇ

ਜੰਮੂ– ਸਾਲਾਨਾ ਸ਼੍ਰੀ ਅਮਰਨਾਥ ਯਾਤਰਾ ਦੇ ਆਯੋਜਨ ਬਾਰੇ ਅਜੇ ਕੋਈ ਫੈਸਲਾ ਨਹੀਂ ਲਿਆ ਗਿਆ ਹੈ ਪਰ ਸਾਈਨ ਬੋਰਡ ਨੇ ਪਵਿੱਤਰ ਗੁਫਾ ਵੱਲ ਜਾਣ ਵਾਲੇ ਦੋਵੇਂ ਰਸਤਿਆਂ ’ਤੇ ਕੰਕਰੀਟ, ਟੈਰਕਸ, ਨਿਰਮਾਣ ਕਰਨ ਦਾ ਪ੍ਰਸਤਾਵ ਪੇਸ਼ ਕੀਤਾ ਹੈ, ਜਿਨ੍ਹਾਂ ’ਤੇ ਯਾਤਰੀਆਂ ਲਈ ਸਾਰੀਆਂ ਸਹੂਲਤਾਂ ਮੁਹੱਈਆ ਹੋਣਗੀਆਂ।

ਸਰਕਾਰੀ ਸੂਤਰਾਂ ਮੁਤਾਬਕ ਪਤਾ ਲੱਗਾ ਹੈ ਕਿ ਬੋਰਡ ਯਾਤਰਾ ਦੇ ਆਯੋਜਨ ਬਾਰੇ ਅਧਿਕਾਰਤ ਤੌਰ ’ਤੇ ਐਲਾਨ ਤੋਂ ਪਹਿਲਾਂ ਬੈਠਕਾਂ ਬੁਲਾ ਰਿਹਾ ਹੈ। ਇਸ ਸਾਲ ਸੰਭਵ ਤੌਰ ’ਤੇ ਬਾਲਟਾਲ ਰੋਡ ਤੋਂ ਯਾਤਰਾ ਦੀ ਇਜਾਜ਼ਤ ਹੋਵੇਗੀ ਅਤੇ ਕੋਰੋਨਾ ਦੇ ਮੱਦੇਨਜ਼ਰ ਯਾਤਰੀਆਂ ਦੀ ਗਿਣਤੀ ਵੀ ਘੱਟ ਹੋਵੇਗੀ। ਬੋਰਡ ਨੇ ਬਾਲਟਾਲ ਰੋਡ ’ਤੇ ਟ੍ਰੈਕ ਦੀ ਮੁਰੰਮਤ, ਸਾਫ ਸਫਾਈ ਅਤੇ ਹੋਰਨਾਂ ਕੰਮਾਂ ਦੀਆਂ ਤਿਆਰੀਆਂ ਲਈ ਟੈਂਡਰ ਵੀ ਪਾਏ ਹਨ।