ਪਤਨੀ ਰਿਵਾਬਾ ਲਈ ਮੈਦਾਨ ’ਚ ਉੱਤਰੇ ਰਵਿੰਦਰ ਜਡੇਜਾ, ਭਾਜਪਾ ਦੇ ਜਨਰਲ ਸਕੱਤਰ ਤਰੁਣ ਚੁੱਘ ਨੂੰ ਮਿਲੇ

ਸਪੋਰਟਸ ਡੈਸਕ : ਜਾਮਨਗਰ ਤੋਂ ਭਾਜਪਾ ਉਮੀਦਵਾਰ ਪਤਨੀ ਰਿਵਾਬਾ ਨਾਲ ਕ੍ਰਿਕਟਰ ਰਵਿੰਦਰ ਜਡੇਜਾ ਮੰਗਲਵਾਰ ਨੂੰ ਭਾਜਪਾ ਦੇ ਜਨਰਲ ਸਕੱਤਰ ਤਰੁਣ ਚੁੱਘ ਨੂੰ ਮਿਲੇ। ਇਸ ਦੌਰਾਨ ਜਡੇਜਾ ਜੋੜੇ ਨੇ ਆਉਣ ਵਾਲੀਆਂ ਚੋਣਾਂ ਬਾਰੇ ਗੱਲਬਾਤ ਕੀਤੀ। ਰਿਬਾਵਾ ਦਾ ਸਿੱਧਾ ਮੁਕਾਬਲਾ ਕਾਂਗਰਸ ਪਾਰਟੀ ਨਾਲ ਜੁੜੀ ਨਨਾਣ ਨਯਨਾਬਾ ਨਾਲ ਹੈ। ਘਰ ਵਿਚ ਹੋਣ ਵਾਲੇ ਇਸ ਮੁਕਾਬਲੇ ’ਤੇ ਸਾਰਿਆਂ ਦੀਆਂ ਨਜ਼ਰਾਂ ਟਿਕੀਆਂ ਹੋਈਆਂ ਹਨ। ਭਾਜਪਾ ਨੇ ਜਾਮਨਗਰ ਉੱਤਰੀ ਦੇ ਮੌਜੂਦਾ ਵਿਧਾਇਕ ਧਰਮਿੰਦਰ ਸਿੰਘ ਜਡੇਜਾ ਦੀ ਥਾਂ ਰਿਵਾਬਾ ਜਡੇਜਾ ਨੂੰ ਟਿਕਟ ਦਿੱਤੀ ਸੀ। ਇਸ ਦੇ ਨਾਲ ਹੀ ਨਯਨਾਬਾ ਕਾਂਗਰਸ ਦੀ ਸਥਾਨਕ ਨੇਤਾ ਹੈ। ਉਨ੍ਹਾਂ ਨੂੰ ਹਾਲ ਹੀ ’ਚ ਵਿਰੋਧੀ ਪਾਰਟੀ ਦੇ ਸੂਬਾ ਮਹਿਲਾ ਵਿੰਗ ’ਚ ਸਕੱਤਰ ਬਣਾਇਆ ਗਿਆ ਸੀ।

ਇਹ ਖ਼ਬਰ ਵੀ ਪੜ੍ਹੋ : ਚਾਈਨਾ ਡੋਰ ਨਾਲ ਵਾਪਰੀ ਦੁਖਦਾਇਕ ਘਟਨਾ ਦਾ CM ਮਾਨ ਨੇ ਲਿਆ ਸਖ਼ਤ ਨੋਟਿਸ

भारतीय क्रिकेटर रविन्द्र सिंह जडेजा एवं जामनगर उत्तर से भारतीय जनता पार्टी की प्रत्याशी उनकी पत्नी श्रीमती रिवाबा रविन्द्र सिंह जडेजा जी से उनके निवास पर मिलना हुआ।@imjadeja pic.twitter.com/qoPr1yuw8J

— Tarun Chugh (@tarunchughbjp) November 15, 2022

ਬੀਤੇ ਐਤਵਾਰ ਹੀ ਜਡੇਜਾ ਨੇ ਟਵਿੱਟਰ ’ਤੇ ਇਕ ਵੀਡੀਓ ਪੋਸਟ ਕਰਕੇ ਆਪਣੀ ਪਤਨੀ ਦਾ ਸਮਰਥਨ ਕਰਨ ਦੀ ਅਪੀਲ ਕੀਤੀ ਸੀ। ਗੁਜਰਾਤੀ ’ਚ ਬੋਲਦਿਆਂ ਜਡੇਜਾ ਨੇ ਕਿਹਾ-ਮੇਰੇ ਪਿਆਰੇ ਜਾਮਨਗਰ ਦੇ ਵਾਸੀਓ ਅਤੇ ਸਾਰੇ ਕ੍ਰਿਕਟ ਪ੍ਰਸ਼ੰਸਕ। ਜਿਵੇਂ ਕਿ ਤੁਸੀਂ ਸਾਰੇ ਜਾਣਦੇ ਹੋ ਕਿ ਗੁਜਰਾਤ ਵਿਧਾਨ ਸਭਾ ਚੋਣਾਂ ਇੱਥੇ ਟੀ-20 ਕ੍ਰਿਕਟ ਵਾਂਗ ਤੇਜ਼ੀ ਨਾਲ ਅੱਗੇ ਵਧ ਰਹੀਆਂ ਹਨ। ਭਾਜਪਾ ਨੇ ਮੇਰੀ ਪਤਨੀ ਰਿਵਾਬਾ ਨੂੰ ਆਪਣਾ ਉਮੀਦਵਾਰ ਬਣਾਇਆ ਹੈ। ਉਹ 14 ਨਵੰਬਰ ਨੂੰ ਨਾਮਜ਼ਦਗੀ ਪੱਤਰ ਦਾਖਲ ਕਰਨ ਜਾ ਰਹੇ ਹਨ। ਜਿੱਤ ਦਾ ਮਾਹੌਲ ਬਣਾਉਣਾ ਤੁਹਾਡੀ ਜ਼ਿੰਮੇਵਾਰੀ ਹੈ। ਹਾਲਾਂਕਿ ਰਵਿੰਦਰ ਦੀ ਅਪੀਲ ਤੋਂ ਬਾਅਦ ਨਯਨਾਬਾ ਨੇ ਵੀ ਰਿਬਾਵਾ ’ਤੇ ਵੀ ਨਿਸ਼ਾਨਾ ਸਾਧਿਆ, ਜਿਸ ਦੀ ਕਾਫੀ ਚਰਚਾ ਹੋ ਰਹੀ ਹੈ। ਨਯਨਾਬਾ ਨੇ ਕਿਹਾ ਕਿ ਉਹ (ਰਿਵਾਬਾ ਜਡੇਜਾ) ਇਕ ਸੈਲੀਬ੍ਰਿਟੀ ਹਨ। ਮੈਨੂੰ ਨਹੀਂ ਲੱਗਦਾ ਕਿ ਭਾਜਪਾ ਇਹ ਸੀਟ ਜਿੱਤੇਗੀ। ਲੋਕ ਅਜਿਹੇ ਆਗੂ ਚਾਹੁੰਦੇ ਹਨ, ਜੋ ਉਨ੍ਹਾਂ ਦਾ ਕੰਮ ਕਰਨ ਅਤੇ ਸੰਕਟ ਦੀ ਘੜੀ ’ਚ ਉਨ੍ਹਾਂ ਦੇ ਨਾਲ ਖੜ੍ਹੇ ਹੋਣ। ਲੋਕ ਫ਼ੋਨ ਚੁੱਕਣ ਵਾਲੇ ਸਿਆਸਤਦਾਨਾਂ ਨੂੰ ਪਸੰਦ ਕਰਦੇ ਹਨ। ਮੈਨੂੰ ਨਹੀਂ ਲੱਗਦਾ ਕਿ ਉਸ (ਰਿਵਾਬਾ) ਨੂੰ ਜ਼ਿਆਦਾ ਵੋਟਾਂ ਮਿਲਣਗੀਆਂ ਕਿਉਂਕਿ ਉਹ ਸੈਲੀਬ੍ਰਿਟੀ ਹਨ। ਲੋਕ ਜਾਣਦੇ ਹਨ ਕਿ ਮਸ਼ਹੂਰ ਹਸਤੀਆਂ ਲੋਕਾਂ ਦਾ ਕੰਮ ਨਹੀਂ ਕਰਦੀਆਂ।

ਭਾਜਪਾ ਦੇ ਜਨਰਲ ਸਕੱਤਰ ਤਰੁਣ ਚੁੱਘ ਨੇ ਵੀ ਰਿਬਾਵਾ ਦੀ ਮੁਹਿੰਮ ਦੀਆਂ ਕੁਝ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਪੋਸਟ ਕੀਤੀਆਂ ਹਨ।

भाजपा प्रत्याशी श्रीमती रिवाबा रविन्द्र सिंह जडेजा जी के साथ जामनगर उत्तर विधानसभा में जनसंपर्क किया।

आमजन का भारतीय जनता पार्टी के प्रति विश्वास गुजरात में भाजपा को पुनः प्रचंड बहुमत से जीत दिलाएगा।@imjadeja pic.twitter.com/1KH4nNL4oB

— Tarun Chugh (@tarunchughbjp) November 15, 2022