ਅਗਸਤ ''ਚ 13 ਦਿਨ ਬੈਂਕ ਰਹਿਣਗੇ ਬੰਦ, ਦੇਖੋ ਬੈਂਕ ਛੁੱਟੀਆਂ ਦੀ ਪੂਰੀ ਸੂਚੀ

ਨਵੀਂ ਦਿੱਲੀ - ਬਸ ਕੁਝ ਹੀ ਦਿਨਾਂ ਵਿਚ ਸਾਲ 2024 ਦਾ ਅਗਸਤ ਮਹੀਨਾ ਸ਼ੁਰੂ ਹੋਣ ਵਾਲਾ ਹੈ। ਹਰ ਮਹੀਨੇ ਦੀ ਤਰ੍ਹਾਂ ਇਸ ਮਹੀਨੇ ਵੀ ਰਿਜ਼ਰਵ ਬੈਂਕ ਨੇ ਅਗਸਤ ਮਹੀਨੇ ਲਈ ਛੁੱਟੀਆਂ ਦੀ ਸੂਚੀ ਜਾਰੀ ਕੀਤੀ ਹੈ। ਅਗਸਤ ਮਹੀਨੇ ਬੈਂਕਾਂ 'ਚ 13 ਦਿਨਾਂ ਤੱਕ ਕੋਈ ਕੰਮ ਨਹੀਂ ਹੋਵੇਗਾ। ਦੇਸ਼ 'ਚ ਵੱਖ-ਵੱਖ ਕਾਰਨਾਂ ਕਰਕੇ ਵੱਖ-ਵੱਖ ਥਾਵਾਂ 'ਤੇ 7 ਦਿਨਾਂ ਤੱਕ ਬੈਂਕ ਕੰਮ ਨਹੀਂ ਕਰਨਗੇ। ਇਸ ਤੋਂ ਇਲਾਵਾ 4 ਐਤਵਾਰ ਅਤੇ 2 ਸ਼ਨੀਵਾਰ ਨੂੰ ਵੀ ਬੈਂਕ ਬੰਦ ਰਹਿਣਗੇ।

ਸੁਤੰਤਰਤਾ ਦਿਵਸ ਦੇ ਮੌਕੇ 'ਤੇ 15 ਅਗਸਤ ਨੂੰ ਪੂਰੇ ਦੇਸ਼ ਦੇ ਬੈਂਕ ਬੰਦ ਰਹਿਣਗੇ। ਇਸ ਤੋਂ ਇਲਾਵਾ 26 ਅਗਸਤ ਨੂੰ ਜਨਮ ਅਸ਼ਟਮੀ 'ਤੇ ਦੇਸ਼ ਦੇ ਜ਼ਿਆਦਾਤਰ ਹਿੱਸਿਆਂ 'ਚ ਬੈਂਕ ਬੰਦ ਰਹਿਣਗੇ। ਇੱਥੇ ਅਸੀਂ ਤੁਹਾਨੂੰ ਅਗਸਤ ਮਹੀਨੇ ਦੀਆਂ ਬੈਂਕ ਛੁੱਟੀਆਂ ਬਾਰੇ ਦੱਸ ਰਹੇ ਹਾਂ।

ਅਗਸਤ ਮਹੀਨੇ ਲਈ ਬੈਂਕ ਛੁੱਟੀਆਂ ਦੀ ਸੂਚੀ

ਤਾਰੀਖ਼             ਬੰਦ ਰਹਿਣ ਦਾ ਕਾਰਨ              ਸਥਾਨ

3 ਅਗਸਤ              ਕੇਰ ਪੂਜਾ                      ਅਗਰਤਲਾ
4 ਅਗਸਤ             ਐਤਵਾਰ                        ਹਰ ਥਾਂ
8 ਅਗਸਤ        ਤੇਂਦੋਂਗ ਲੋ ਰਮ ਫੈਟ                 ਗੰਗਟੋਕ
10 ਅਗਸਤ        ਦੂਜਾ ਸ਼ਨੀਵਾਰ                    ਹਰ ਥਾਂ
11 ਅਗਸਤ            ਐਤਵਾਰ                       ਹਰ ਥਾਂ
13 ਅਗਸਤ        ਸੁਤੰਤਰਤਾ ਦਿਵਸ                ਇੰਫਾਲ
15 ਅਗਸਤ        ਸੁਤੰਤਰਤਾ ਦਿਵਸ                ਹਰ ਥਾਂ
18 ਅਗਸਤ           ਐਤਵਾਰ                       ਹਰ ਥਾਂ
19 ਅਗਸਤ             ਰੱਖੜੀ                        ਅਹਿਮਦਾਬਾਦ, ਜੈਪੁਰ, ਕਾਨਪੁਰ, ਲਖਨਊ ਸਮੇਤ ਕਈ ਥਾਵਾਂ 'ਤੇ ਛੁੱਟੀ ਰਹੇਗੀ।
20 ਅਗਸਤ      ਸ਼੍ਰੀ ਨਰਾਇਣ ਗੁਰੂ ਜਯੰਤੀ       ਕੋਚੀ ਅਤੇ ਤਿਰੂਵਨੰਤਪੁਰਮ
24 ਅਗਸਤ              ਚੌਥਾ ਸ਼ਨੀਵਾਰ            ਹਰ ਥਾਂ
25 ਅਗਸਤ              ਐਤਵਾਰ                   ਹਰ ਥਾਂ
26 ਅਗਸਤ             ਜਨਮ ਅਸ਼ਟਮੀ              ਦੇਸ਼ ਵਿੱਚ ਜ਼ਿਆਦਾਤਰ ਸਥਾਨ

ਆਨਲਾਈਨ ਬੈਂਕਿੰਗ ਰਾਹੀਂ ਕੰਮ ਕੀਤਾ ਜਾ ਸਕਦਾ ਹੈ

ਤੁਸੀਂ ਬੈਂਕ ਦੀਆਂ ਛੁੱਟੀਆਂ ਦੇ ਬਾਵਜੂਦ ਔਨਲਾਈਨ ਬੈਂਕਿੰਗ ਅਤੇ ATM ਰਾਹੀਂ ਪੈਸੇ ਦਾ ਲੈਣ-ਦੇਣ ਕਰ ਸਕਦੇ ਹੋ ਜਾਂ ਹੋਰ ਕੰਮ ਕਰ ਸਕਦੇ ਹੋ। ਬੈਂਕ ਛੁੱਟੀਆਂ ਦਾ ਇਨ੍ਹਾਂ ਸਹੂਲਤਾਂ 'ਤੇ ਕੋਈ ਅਸਰ ਨਹੀਂ ਪਵੇਗਾ।

ਅਗਸਤ ਵਿੱਚ 9 ਦਿਨਾਂ ਤੱਕ ਸਟਾਕ ਮਾਰਕੀਟ ਵਿੱਚ ਕੋਈ ਵਪਾਰ ਨਹੀਂ ਹੋਵੇਗਾ

ਅਗਸਤ 2024 ਵਿੱਚ 9 ਦਿਨਾਂ ਤੱਕ ਸਟਾਕ ਮਾਰਕੀਟ ਵਿੱਚ ਕੋਈ ਵਪਾਰ ਨਹੀਂ ਹੋਵੇਗਾ। ਸ਼ਨੀਵਾਰ ਅਤੇ ਐਤਵਾਰ ਨੂੰ 8 ਦਿਨਾਂ ਲਈ ਕੋਈ ਵਪਾਰ ਨਹੀਂ ਹੋਵੇਗਾ। ਇਸ ਤੋਂ ਇਲਾਵਾ 15 ਅਗਸਤ ਨੂੰ ਸੁਤੰਤਰਤਾ ਦਿਵਸ ਮੌਕੇ ਸ਼ੇਅਰ ਬਾਜ਼ਾਰ ਵੀ ਬੰਦ ਰਹੇਗਾ।