'ਮਾਸੂਮ' ਜਿਹੀ ਬੀਬੀ ਕਰ ਗਈ ਵੱਡਾ ਕਾਂਡ ; ਲੋਕਾਂ ਦੇ ਪੈਸੇ ਕਢਵਾ ਕੇ ਮਾਰਕੀਟ 'ਚ ਕੀਤੇ Invest, ਉਹ ਵੀ ਡੁੱਬੇ ਤਾਂ...

ਨੈਸ਼ਨਲ ਡੈਸਕ- ਆਏ ਦਿਨ ਲੋਕਾਂ ਨਾਲ ਠੱਗੀ ਮਾਰਨ ਦੇ ਨਵੇਂ-ਨਵੇਂ ਤਰੀਕੇ ਸਾਹਮਣੇ ਆਉਂਦੇ ਰਹਿੰਦੇ ਹਨ। ਕਦੇ ਵਿਦੇਸ਼ ਭੇਜਣ ਦੇ ਨਾਂ 'ਤੇ ਤੇ ਕਦੇ ਨਿਵੇਸ਼ ਕਰਵਾਉਣ ਦੇ ਨਾਂ 'ਤੇ ਲੋਕਾਂ ਨੂੰ ਭਾਰੀ ਨੁਕਸਾਨ ਉਠਾਉਣਾ ਪੈਂਦਾ ਹੈ। ਪਰ ਰਾਜਸਥਾਨ ਤੋਂ ਇਕ ਹੈਰਾਨ ਕਰਨ ਵਾਲਾ ਮਾਮਲਾ ਸਾਹਮਣੇ ਆ ਰਿਹਾ ਹੈ, ਜਿੱਥੇ ਕੋਟਾ ਸਥਿਤ ICICI ਬੈਂਕ ਦੀ ਇੱਕ ਰਿਲੇਸ਼ਨਸ਼ਿਪ ਮੈਨੇਜਰ ਸਾਕਸ਼ੀ ਗੁਪਤਾ ਨੂੰ 4.58 ਕਰੋੜ ਦਾ ਗ਼ਬਨ ਕਰਨ ਦੇ ਦੋਸ਼ 'ਚ ਗ੍ਰਿਫਤਾਰ ਕੀਤਾ ਗਿਆ ਹੈ।

ਉਸ 'ਤੇ ਇਲਜ਼ਾਮ ਹੈ ਕਿ ਉਸ ਨੇ ਸਾਲ 2020 ਤੋਂ 2023 ਤੱਕ ਬੈਂਕ ਦੇ 41 ਗਾਹਕਾਂ ਦੇ 110 ਫਿਕਸਡ ਡਿਪਾਜ਼ਿਟ (ਐੱਫ਼.ਡੀ.) ਖਾਤਿਆਂ ਤੋਂ ਬਿਨਾ ਇਜਾਜ਼ਤ ਵੱਡੀ ਰਕਮ ਕਢਵਾਈ ਅਤੇ ਇਸ ਨੂੰ ਸ਼ੇਅਰ ਮਾਰਕੀਟ ਵਿੱਚ ਨਿਵੇਸ਼ ਕਰ ਦਿੱਤਾ। ਇਹੀ ਨਹੀਂ, ਸ਼ੇਅਰ ਮਾਰਕੀਟ 'ਚ ਘਾਟਾ ਪੈਣ ਮਗਰੋਂ ਉਸ ਨੇ ਇਹ ਸਾਰੀ ਰਕਮ ਵੀ ਗੁਆ ਲਈ।

ਉਸ ਨੇ ਇਹ ਕਾਂਡ ਇੰਨੀ ਚਲਾਕੀ ਨਾਲ ਕੀਤਾ ਕਿ ਇਸ ਦਾ ਕਿਸੇ ਨੂੰ ਪਤਾ ਹੀ ਨਾ ਚੱਲ ਸਕੇ। ਸਾਕਸ਼ੀ ਗੁਪਤਾ ਨੇ ਬੈਂਕ ਗਾਹਕਾਂ ਦੇ ਖਾਤਿਆਂ ਨਾਲ ਜੁੜੇ ਮੋਬਾਈਲ ਨੰਬਰ ਆਪਣੇ ਪਰਿਵਾਰਕ ਮੈਂਬਰਾਂ ਦੇ ਨੰਬਰਾਂ ਨਾਲ ਬਦਲ ਦਿੱਤੇ, ਤਾਂ ਜੋ OTP ਅਤੇ ਲੈਣ-ਦੇਣ ਦੇ ਮੈਸੇਜ ਅਸਲ ਖਾਤਾ ਧਾਰਕਾਂ ਤੱਕ ਨਾ ਪਹੁੰਚ ਸਕਣ। ਉਸ ਨੇ ਬਿਨਾਂ ਇਜਾਜ਼ਤ ਡੈਬਿਟ ਕਾਰਡ, PIN ਅਤੇ ਓਵਰਡ੍ਰਾਫਟ ਸਹੂਲਤਾਂ ਦੀ ਵਰਤੋਂ ਕਰ ਕੇ ਉਨ੍ਹਾਂ ਦੇ ਖਾਤਿਆਂ 'ਚੋਂ ਇਹ ਰਕਮ ਕਢਵਾਈ।

ਇਹ ਵੀ ਪੜ੍ਹੋ- ਵੱਡੀ ਖ਼ਬਰ ; ਬਾਬਾ ਸਿੱਦੀਕੀ ਕਤਲਕਾਂਡ ਦਾ ਮਾਸਟਰਮਾਈਂਡ ਕੈਨੇਡਾ 'ਚ ਹੋਇਆ ਗ੍ਰਿਫ਼ਤਾਰ

ਇਸ ਦੌਰਾਨ ਉਸ ਨੇ 3 ਕਰੋੜ ਰੁਪਏ ਦੀ ਵੱਡੀ ਰਾਸ਼ੀ ਇਕ ਬਜ਼ੁਰਗ ਔਰਤ ਦੇ ਖਾਤੇ ਰਾਹੀਂ ਕਢਵਾਈ, ਜਿਸ ਨੂੰ ਇਸ ਦੀ ਜਾਣਕਾਰੀ ਨਹੀਂ ਸੀ। ਇਸ ਤਰ੍ਹਾਂ ਉਸ ਨੇ 4 ਕਰੋੜ ਤੋਂ ਵੀ ਵੱਧ ਰਾਸ਼ੀ ਗਾਹਕਾਂ ਦੇ ਖਾਤਿਆਂ 'ਚੋਂ ਕਢਵਾ ਕੇ ਸ਼ੇਅਰ ਮਾਰਕੀਟ 'ਚ ਲਗਾ ਦਿੱਤੀ, ਪਰ ਉਸ ਨਾਲ ਸਭ ਤੋਂ ਮਾੜੀ ਗੱਲ ਇਹ ਹੋਈ ਕਿ ਉਸ ਦੇ ਪੈਸੇ ਸ਼ੇਅਰ ਮਾਰਕੀਟ 'ਚ ਵੀ ਡੁੱਬ ਗਏ।

ਬੇਹੱਦ ਚਲਾਕੀ ਨਾਲ ਅਮਲ 'ਚ ਲਿਆਂਦੀ ਗਈ ਇਹ ਧੋਖਾਧੜੀ ਤਦ ਸਾਹਮਣੇ ਆਈ ਜਦੋਂ ਇਕ ਗਾਹਕ ਨੇ ਬੈਂਕ ਆ ਕੇ ਆਪਣੇ FD ਅਕਾਊਂਟ ਬਾਰੇ ਪੁੱਛਗਿੱਛ ਕੀਤੀ। ਬੈਂਕ ਖਾਤਿਆਂ ਨਾਲ ਛੇੜ-ਛਾੜ ਦੇਖ ਬੈਂਕ ਪ੍ਰਬੰਧਕਾਂ ਦੇ ਹੋਸ਼ ਉੱਡ ਗਏ। ਇਸ ਮਗਰੋਂ ਬੈਂਕ ਨੇ ਤੁਰੰਤ ਮਾਮਲੇ ਦੀ ਜਾਂਚ ਸ਼ੁਰੂ ਕੀਤੀ, ਜਿਸ ਮਗਰੋਂ ਗੁਪਤਾ ਨੂੰ ਨੌਕਰੀ ਤੋਂ ਸਸਪੈਂਡ ਕਰ ਕੇ ਉਸ ਖ਼ਿਲਾਫ਼ FIR ਦਰਜ ਕਰਵਾਈ ਗਈ ਹੈ। ICICI ਬੈਂਕ ਨੇ ਕਿਹਾ ਹੈ ਕਿ ਉਹ ਧੋਖਾਧੜੀ ਖਿਲਾਫ਼ ਸਖ਼ਤ ਨੀਤੀ ਰੱਖਦੇ ਹਨ ਅਤੇ ਪੀੜਤ ਗਾਹਕਾਂ ਦੇ ਸਾਰੇ ਜਾਇਜ਼ ਦਾਅਵੇ ਨਿਪਟਾ ਦਿੱਤੇ ਗਏ ਹਨ।

ਇਹ ਵੀ ਪੜ੍ਹੋ- ਦਿੱਲੀ ਏਅਰਪੋਰਟ ਜਾਣ ਵਾਲਿਆਂ ਲਈ ਵੱਡੀ ਖ਼ਬਰ ! 3 ਮਹੀਨੇ ਤੱਕ ਰੋਜ਼ਾਨਾ 100 ਤੋਂ ਵੱਧ ਉਡਾਣਾਂ ਹੋਣਗੀਆਂ ਰੱਦ

ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ

👇Join us on Whatsapp channel👇

https://whatsapp.com/channel/0029Va94hsaHAdNVur4L170e