''ਆਪਣੀ ਪਾਰਟੀ'' ਨੇ ਮੁੰਤਜ਼ਿਰ ਮੋਹਿਉਦੀਨ ਖ਼ਿਲਾਫ਼ ਜਾਰੀ ਕੀਤਾ ਕਾਰਨ ਦੱਸੋ ਨੋਟਿਸ

ਸ਼੍ਰੀਨਗਰ (ਵਾਰਤਾ)- ਆਪਣੀ ਪਾਰਟੀ ਨੇ ਜੰਮੂ ਕਸ਼ਮੀਰ 'ਚ ਬਡਗਾਮ ਤੋਂ ਚੋਣ ਲੜ ਰਹੇ ਨੈਸ਼ਨਲ ਕਾਨਫਰੰਸ ਦੇ ਉੱਪ ਪ੍ਰਧਾਨ ਉਮਰ ਅਬਦੁੱਲਾ ਨੂੰ ਸਮਰਥਨ ਦੇਣ ਲਈ ਆਪਣੇ ਨੇਤਾ ਮੁੰਤਜ਼ਿਰ ਮੋਹਿਊਦੀਨ ਨੂੰ ਕਾਰਨ ਦੱਸੋ ਨੋਟਿਸ ਜਾਰੀ ਕੀਤਾ ਹੈ। ਬਡਗਾਮ ਤੋਂ ਆਪਣੀ ਪਾਰਟੀ ਦੇ ਉਮੀਦਵਾਰ ਮੁੰਤਜ਼ਿਰ ਪਹਿਲਾਂ ਤੋਂ ਹੀ ਆਪਣੀ ਉਮੀਦਵਾਰੀ ਵਾਪਸ ਲੈ ਚੁੱਕੇ ਹਨ। ਉਨ੍ਹਾਂ ਦੇ ਸ਼੍ਰੀ ਅਬਦੁੱਲਾ ਨਾਲ ਸ਼ਾਮਲ ਹੋਣ ਤੋਂ ਬਾਅਦ ਬਡਗਾਮ ਇਕ ਹਾਈ-ਪ੍ਰੋਫਾਈਲ ਚੋਣ ਖੇਤਰ ਬਣ ਗਿਆ ਹੈ।

ਮੁੰਤਜ਼ਿਰ ਨੇ ਸ਼ੁੱਕਰਵਾਰ ਨੂੰ ਕਿਹਾ ਕਿ ਵੋਟ ਵੰਡ ਤੋਂ ਬਚਣ ਲਈ ਉਨ੍ਹਾਂ ਨੇ ਆਪਣੀ ਉਮੀਦਵਾਰੀ ਵਾਪਸ ਲਈ ਅਤੇ ਜੇਕਰ ਉਮਰ ਅਬਦੁੱਲਾ ਬਡਗਾਮ ਤੋਂ ਜਿੱਤਦੇ ਹਨ ਤਾਂ ਪਿਛਲੇ ਤਿੰਨ ਦਹਾਕਿਆਂ ਤੋਂ ਲੋਕਾਂ ਦੀਆਂ ਸਮੱਸਿਆਵਾਂ ਦਾ ਹੱਲ ਹੋ ਜਾਵੇਗਾ। ਆਪਣੀ ਪਾਰਟੀ ਨੇ ਮੁੰਤਜ਼ਿਰ ਨੂੰ 48 ਘੰਟਿਆਂ ਅੰਦਰ ਉਮਰ ਅਬਦੁੱਲਾ ਦੇ ਸਮਰਥਨ 'ਚ ਆਪਣੀ ਟਿੱਪਣੀ ਸਪੱਸ਼ਟ ਕਰਨ ਲਈ ਕਿਹਾ ਹੈ ਨਹੀਂ ਤਾਂ ਉਨ੍ਹਾਂ ਖ਼ਿਲਾਫ਼ ਅਨੁਸ਼ਾਸਨਾਤਮਕ ਕਾਰਵਾਈ ਕਰਨ ਦੀ ਚਿਤਾਵਨੀ ਦਿੱਤੀ ਹੈ। ਆਪਣੀ ਪਾਰਟੀ ਨੇ ਇਕ ਬਿਆਨ 'ਚ ਕਿਹਾ ਕਿ ਮੁੰਤਜ਼ਿਰ ਨੂੰ 48 ਘੰਟਿਆਂ ਅੰਦਰ ਪਾਰਟੀ ਦੀ ਅਗਵਾਈ ਦੇ ਸਾਹਮਣੇ ਆਪਣੀ ਟਿੱਪਣੀ ਸਪੱਸ਼ਟ ਕਰਨ ਦੀ ਅਪੀਲ ਕੀਤੀ ਗਈ ਹੈ, ਨਹੀਂ ਤਾਂ ਉਨ੍ਹਾਂ ਖ਼ਿਲਾਫ਼ ਅਨੁਸ਼ਾਸਨਾਤਮਕ ਕਾਰਵਾਈ ਕਰਨ ਦੀ ਚਿਤਾਵਨੀ ਦਿੱਤੀ ਹੈ।'' 

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8