ਇਸ ਦੇਸ਼ ਨੇ ਤਿਆਰ ਕੀਤਾ ਐਂਟੀ ਕੋਰੋਨਾ ਨੈਸਲ ਸਪਰੇਅ, ਨੱਕ ਵਿਚ ਰੋਕ ਲੈਂਦਾ ਹੈ ਕੋਰੋਨਾ ਲਾਗ

ਨਵੀਂ ਦਿੱਲੀ — ਕੋਰੋਨਾ ਲਾਗ 'ਤੇ ਕਾਬੂ ਪਾਉਣ ਲਈ ਵਿਸ਼ਵ ਭਰ ਦੇ ਵਿਗਿਆਨੀ ਕੰਮ ਕਰ ਰਹੇ ਹਨ। ਹਰੇਕ ਖੇਤਰ ਨਾਲ ਜੁੜੇ ਖੋਜਕਰਤਾ ਆਪਣੇ ਤਰੀਕੇ ਨਾਲ ਇਸ ਵਾਇਰਸ ਦੇ ਖਾਤਮੇ ਲਈ ਨਵੇਂ ਤਰੀਕੇ ਲੱਭ ਰਹੇ ਹਨ। ਇਸ ਕ੍ਰਮ ਵਿਚ ਅਮਰੀਕਾ ਤੋਂ ਤਾਜ਼ਾ ਖ਼ਬਰ ਆਈ ਹੈ। ਅਮਰੀਕੀ ਵਿਗਿਆਨੀ ਦਾ ਦਾਅਵਾ ਹੈ ਕਿ ਉਨ੍ਹਾਂ ਨੇ ਨੈਨੋਬਾਡੀਜ਼ ਵਾਲਾ ਐਂਟੀ ਕੋਰੋਨਾ ਸਪਰੇਅ ਤਿਆਰ ਕੀਤਾ ਹੈ। ਇਸ ਨੂੰ ਇਨਹੇਲਰ ਵਜੋਂ ਵਰਤਿਆ ਜਾਵੇਗਾ।

ਇਕ ਵਾਰ ਇਨਹੇਲ ਕਰਨ ਦੇ ਬਾਅਦ ਇਸ ਦੀਆਂ ਨੈਨੋ ਬਾਡੀਜ਼ ਕੋਰੋਨਾ ਲਾਗ ਫੈਲਾਉਣ ਵਾਲੇ ਵਾਇਰਸ ਨੂੰ ਨੱਕ ਵਿਚ ਪਹੁੰਚਣ ਦੇ ਨਾਲ ਹੀ ਰੋਕ ਦੇਣਗੀਆਂ। ਇਸ ਤਰ੍ਹਾਂ ਵਾਇਰਸ ਗਲੇ ਰਾਹੀਂ ਸਾਡੇ ਸਰੀਰ ਵਿਚ ਦਾਖਲ ਨਹੀਂ ਹੋ ਸਕੇਗਾ। ਇਹ ਇਸ ਤਰ੍ਹਾਂ ਸੰਭਵ ਹੈ ਕਿਉਂਕਿ ਇਹ ਨੱਕ ਦੀ ਸਪਰੇਅ ਕੋਰੋਨਾ ਵਾਇਰਸ ਦੇ ਉਪਰਲੀ ਪ੍ਰੋਟੀਨ ਬਲਾਕ ਕਰ ਲੈਂਦਾ ਹੈ।

ਕੋਰੋਨਾ ਐਂਟੀਬਾਡੀਜ਼ ਨਾਲ ਤਿਆਰ

ਪ੍ਰੋਟੀਨ ਦੇ ਜ਼ਰੀਏ ਕੋਰੋਨਾ ਵਾਇਰਸ ਨੂੰ ਬਲਾਕ ਕਰਨ ਵਾਲੀ ਇਹ ਸਪਰੇਅ ਕੈਲੀਫੋਰਨੀਆ ਯੂਨੀਵਰਸਿਟੀ ਵਿਚ ਬਣਾਈ ਗਈ ਹੈ। ਖੋਜਕਰਤਾ ਟੀਮ ਕਹਿੰਦੀ ਹੈ ਕਿ ਇਸ ਇਨਹੇਲਰ ਨੂੰ ਤਿਆਰ ਕਰਨ ਲਈ ਕੋਰੋਨਾ ਰੋਗਾਣੂਆਂ(ਐਂਟੀਬਾਡੀਜ਼) ਦੀ ਵਰਤੋਂ ਕੀਤੀ ਗਈ ਹੈ।
ਸਭ ਤੋਂ ਪਹਿਲਾਂ ਐਂਟੀਬਾਡੀਜ਼ ਤੋਂ ਨੈਨੋਬਾਡੀਜ਼ ਦਾ ਨਿਰਮਾਣ ਕੀਤਾ ਗਿਆ। ਲੈਬ ਵਿਚ ਨੈਨੋਬਾਡੀਜ਼ ਵਿਕਸਤ ਕਰਨ ਵੇਲੇ ਇਨ੍ਹਾਂ ਨੂੰ ਜੈਨੇਟਿਕ ਤੌਰ 'ਤੇ ਸੋਧਿਆ ਗਿਆ ਹੈ। ਤਾਂ ਜੋ ਇਹ ਕੋਰੋਨਾ ਵਾਇਰਸ ਨੂੰ ਰੋਕਣ ਲਈ ਵਿਸ਼ੇਸ਼ ਤੌਰ 'ਤੇ ਕੰਮ ਕਰ ਸਕਣ। ਇਹ ਮੁੱਖ ਤੌਰ 'ਤੇ ਕੋਰੋਨਾ ਵਾਇਰਸ ਦੀ ਬਾਹਰੀ ਪਰਤ ਨੂੰ ਪ੍ਰਭਾਵਤ ਕਰਦੇ ਹਨ, ਜੋ ਪ੍ਰੋਟੀਨ ਨਾਲ ਬਣੀ ਹੈ।

ਇਹ ਵੀ ਦੇਖੋ : ਸਰਕਾਰ ਹੁਣ ਜਾਰੀ ਕਰੇਗੀ ਈ-ਪਾਸਪੋਰਟ, ਜਾਣੋ ਇਸਦੇ ਫਾਇਦਿਆਂ ਬਾਰੇ .

ਐਂਟੀ ਕੋਰੋਨਾ ਨੈਨੋਬੌਡੀ ਕਿਵੇਂ ਬਣਾਇਆ ਗਿਆ?

ਖੋਜਕਰਤਾ ਟੀਮ ਦੀ ਤਰਫੋਂ ਇਹ ਕਿਹਾ ਗਿਆ ਹੈ ਕਿ ਇਸ ਇਨਹੇਲਰ ਨੂੰ ਬਣਾਉਣ ਵਿਚ ਜਿਹੜੀਆਂ ਨੈਨੋਬਾਡੀਜ਼ ਦੀ ਵਰਤੋਂ ਕੀਤੀ ਗਈ ਹੈ ਉਹ ਲਾਮਾ ਅਤੇ ਊਠਾਂ ਵਰਗੇ ਜਾਨਵਰਾਂ ਵਿਚ ਮਿਲਣ ਵਾਲੀ ਐਂਟੀਬਾਡੀਜ਼ ਜ਼ਰੀਏ ਵਿਕਸਤ ਕੀਤੀ ਗਈ ਹੈ। ਉਹ ਸਰੀਰ ਦੀ ਇਮਿਊਨਿਟੀ ਨੂੰ ਕਈ ਗੁਣਾ ਵਧਾਉਣ ਦਾ ਕੰਮ ਕਰਦੇ ਹਨ।

ਇਹ ਵੀ ਦੇਖੋ : ਸੋਨੇ ਦੇ ਗਹਿਣਿਆਂ 'ਤੇ ਲੈਣਾ ਚਾਹੁੰਦੇ ਹੋ 90% ਲੋਨ, ਤਾਂ ਪੂਰੀ ਕਰਨੀ ਹੋਵੇਗੀ ਇਹ ਸ਼ਰਤ

ਮਨੁੱਖੀ ਟ੍ਰਾਇਲ ਦੀ ਹੋ ਰਹੀ ਤਿਆਰੀ

ਇਸ ਨੂੰ ਬਣਾਉਣ ਵਾਲੀ ਟੀਮ ਹੁਣ ਇਸ ਸਪਰੇਅ ਦਾ ਵੱਡੇ ਪੱਧਰ 'ਤੇ ਮਨੁੱਖੀ ਟ੍ਰਾਇਲ ਕਰਨ ਦੀ ਤਿਆਰੀ ਕਰ ਰਹੀ ਹੈ। ਜੇ ਇਹ ਮਨੁੱਖੀ ਟ੍ਰਾਇਲ 100 ਫ਼ੀਸਦੀ ਸਫਲ ਹੁੰਦਾ ਹੈ, ਤਾਂ ਇਹ ਨੱਕ ਦੀ ਸਪਰੇਅ ਕੋਰੋਨਾ ਵਾਇਰਸ ਕਾਰਨ ਹੋਣ ਵਾਲੀ ਮਹਾਮਾਰੀ ਨੂੰ ਰੋਕਣ ਦਾ ਇਕ ਅਸਾਨ ਅਤੇ ਪ੍ਰਭਾਵਸ਼ਾਲੀ ਢੰਗ ਸਾਬਤ ਹੋਏਗਾ।

ਇਹ ਵੀ ਦੇਖੋ : ਜੇਕਰ ਤੁਹਾਡੀਆਂ ਨਾੜੀਆਂ 'ਚ ਵੀ ਆਉਂਦੀ ਹੈ ਰੁਕਾਵਟ ਤਾਂ ਵਰਤੋ ਅਸਰਦਾਰ ਘਰੇਲੂ ਨੁਸਖ਼ਾ