ਰੱਖਿਆ ਸੈਕਟਰ ''ਚ ਭਾਰਤ ਦਾ ''ਆਤਮ-ਨਿਰਭਰਤਾ'' ਵੱਲ ਵੱਡਾ ਕਦਮ ! AK-203 ''ਸ਼ੇਰ'' ਦਾ ਕੀਤਾ ਸਫ਼ਲ ਪ੍ਰੀਖਣ

ਨੈਸ਼ਨਲ ਡੈਸਕ- ਭਾਰਤ ਊਰਜਾ, ਖਾਦ ਪਦਾਰਥਾਂ ਤੇ ਟੈਕਨਾਲੌਜੀ ਦੇ ਮਾਮਲੇ 'ਚ ਆਤਮਨਿਰਭਰ ਬਣਨ ਵੱਲ ਤੇਜ਼ੀ ਨਾਲ ਕਦਮ ਵਧਾ ਰਿਹਾ ਹੈ। ਇਸੇ ਦੌਰਾਨ ਉੱਤਰ ਪ੍ਰਦੇਸ਼ ਦੇ ਅਮੇਠੀ ਸਥਿਤ ਕੋਰਵਾ ਆਰਡਨੈਂਸ ਫੈਕਟਰੀ ਵਿੱਚ 100 ਫ਼ੀਸਦੀ  ਭਾਰਤੀ ਪੁਰਜ਼ਿਆਂ ਨਾਲ ਤਿਆਰ ਕੀਤੀ ਗਈ ਦੇਸ਼ ਦੀ ਪਹਿਲੀ AK-203 'ਸ਼ੇਰ' ਅਸਾਲਟ ਰਾਈਫਲ ਦਾ ਸਫਲ ਪ੍ਰੀਖਣ ਕੀਤਾ ਗਿਆ ਹੈ। ਇਹ 'ਮੇਕ ਇਨ ਇੰਡੀਆ' ਅਤੇ ਰੱਖਿਆ ਖੇਤਰ 'ਚ ਭਾਰਤ ਦੀ ਆਤਮ-ਨਿਰਭਰਤਾ ਵੱਲ ਇੱਕ ਵੱਡਾ ਕਦਮ ਹੈ।

ਇਹ ਰਾਈਫਲ 'ਇੰਡੋ-ਰਸ਼ੀਅਨ ਰਾਈਫਲਜ਼ ਪ੍ਰਾਈਵੇਟ ਲਿਮਟਿਡ' (IRRPL) ਦੇ ਸਾਂਝੇ ਨਿਰਮਾਣ ਹੇਠ ਬਣਾਈ ਗਈ ਹੈ। ਪਹਿਲਾਂ ਇਸ ਦੇ ਕੁਝ ਪੁਰਜ਼ੇ ਰੂਸ ਤੋਂ ਮੰਗਵਾਏ ਜਾਂਦੇ ਸਨ, ਪਰ ਹੁਣ ਇਹ ਪੂਰੀ ਤਰ੍ਹਾਂ ਭਾਰਤੀ ਮੀਟੀਰੀਅਲ ਅਤੇ ਤਕਨਾਲੋਜੀ ਨਾਲ ਅਮੇਠੀ 'ਚ ਹੀ ਤਿਆਰ ਕੀਤੀ ਗਈ ਹੈ।

ਇਹ ਵੀ ਪੜ੍ਹੋ- 'ਬੇਵਕੂਫ਼ੀ ਭਰਿਆ ਕਦਮ' ; ISRO ਲਾਂਚ ਕੇਂਦਰਾਂ ਦੇ ਨਿੱਜੀਕਰਨ ਨੂੰ ਲੈ ਕੇ ਸਾਬਕਾ ਚੇਅਰਮੈਨ ਨੇ ਦਿੱਤੀ ਚਿਤਾਵਨੀ

'ਸ਼ੇਰ' ਰਾਈਫਲ 7.62 x 39mm ਕੈਲੀਬਰ ਨਾਲ ਆਉਂਦੀ ਹੈ, ਜੋ ਕਿ 300 ਤੋਂ 800 ਮੀਟਰ ਤੱਕ ਸਟੀਕ ਨਿਸ਼ਾਨਾ ਲਗਾਉਣ 'ਚ ਸਮਰੱਥ ਹੈ। ਇਹ ਪੁਰਾਣੀ INSAS ਰਾਈਫਲ ਨਾਲੋਂ ਕਾਫੀ ਹਲਕੀ, ਵਧੇਰੇ ਮਜ਼ਬੂਤ ਅਤੇ ਵਰਤਣ 'ਚ ਕਾਫ਼ੀ ਆਸਾਨ ਹੈ। ਇਹ ਇੱਕ ਮਿੰਟ 'ਚ 600 round ਫਾਇਰ ਕਰ ਸਕਦੀ ਹੈ, ਜੋ ਕਿ ਇਸ ਨੂੰ ਬੇਹੱਦ ਖ਼ਤਰਨਾਕ ਤੇ ਭਰੋਸੇਮੰਦ ਬਣਾਉਂਦੀ ਹੈ।

ਅਮੇਠੀ ਫੈਕਟਰੀ ਵਿੱਚ ਅਜਹੀਆਂ 6 ਲੱਖ ਤੋਂ ਵੱਧ AK-203 ਰਾਈਫਲਾਂ ਤਿਆਰ ਕਰ ਕੇ ਭਾਰਤੀ ਹਥਿਆਰਬੰਦ ਫ਼ੌਜ ਨੂੰ ਸੌਂਪਣ ਦਾ ਟੀਚਾ ਹੈ, ਜੋ ਸਰਹੱਦਾਂ 'ਤੇ ਤਾਇਨਾਤ ਜਵਾਨਾਂ ਦੀ ਮੌਜੂਦਾ ਇਨਸਾਸ ਰਾਈਫਲਾਂ ਦੀ ਜਗ੍ਹਾ ਲੈਣਗੀਆਂ। 'ਸ਼ੇਰ' ਰਾਈਫਲ ਨੂੰ ਰੱਖਿਆ ਸੈਕਟਰ 'ਚ ਆਤਮ ਨਿਰਭਰ ਭਾਰਤ ਵੱਲ ਇਕ ਵੱਡਾ ਕਦਮ ਮੰਨਿਆ ਜਾ ਰਿਹਾ ਹੈ।

ਇਹ ਵੀ ਪੜ੍ਹੋ- ਹੁਣ ਛਿੜੇਗੀ Dollar vs Dollar ਦੀ ਜੰਗ ! US ਨੇ ਠੋਕਿਆ 50% ਟੈਰਿਫ਼, PM ਕਾਰਨੀ ਨੇ ਵੀ ਕਰ'ਤਾ ਵੱਡਾ ਐਲਾਨ

ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ

👇Join us on Whatsapp channel👇

https://whatsapp.com/channel/0029Va94hsaHAdNVur4L170e